Politikë

Kur na ndajnë vetëm pak muaj nga zgjedhjet e 25 prillit, KQZ njofton numrin e qytetarëve të cilëve u kanë skaduar dokumentet e identifikimit. Numri i personave që u ka skaduar dokumenti i identifikimit biometrik (kartë identiteti ose pasaportë) dhe nuk e kanë rinovuar deri më datë 31 dhjetor 2020, është 873 mijë qytetarë.

As tërmetet dhe as pandemia nuk mundi që të mposhtë kurajon, por dhe dashurinë për jetën. Me urimin për një vit më të begatë dhe më të mirë, punonjësit e Bashkisë së Tiranës kanë zgjedhur një mënyrë krejt të veçantë urimi për qytetarët e Tiranës, në kujtim edhe të dy prej njerëzve që i dhanë aq shumë qytetit me punën e tyre dhe që jeta ju ndërpre në mes tinëzisht prej COVID-19, Feti Fanajt dhe Valter Gjonit.

Ministrja e shëndetësisë, Ogerta Manastirliu ishte në spitalin COVID 2 me mjekët dhe infermierët që do të jenë në shërbim natën e ndërrimit të viteve, për të uruar të gjithë stafet mjekësore për një vit të mbarë e të shëndetshëm.

Kryeministri Edi Rama ka vizituar ditën e sotme në disa shtëpi që janë rindërtuar pas tërmetit të 26 nëntorit. Rama tha se 100 familje do të bëjnë gëzuar në shtëpitë e tyre të reja natën e ndërrimit të viteve.

Të majtët në këshillin bashkiak të Shkodrës kanë votuar buxhetin e paraqitur nga Voltana Ademi për vitin 2021, me vlerë 3 miliardë lek. Në një intervistë për Report Tv, kryebashkiakja foli për rrugët e reja, shkollat dhe ujësjellësit që janë planifikuar të ndërtohen. 

Në shkurt të vitit që lamë pas, kur ende nuk ishte shënuar rasti i parë zyrtar me Covid-19, para Ministrisë së Arsimit protestohej mbi dy raste dhune ndaj fëmijëve. Në protestën e inicuar nga shoqëria civile u kërkua një proces gjithëpërfshirës i vlerësimit psikologjik të mësuesve, edukatorëve dhe çdo personi tjetër, që kishte kontakt me fëmijët në mjediset e institucioneve arsimore publike në vend.

Romeo Gurakuqi, ish-deputeti i PD-së, ka nxjerrë zyrtarisht gënjeshtar Bujar Nishanin. Siç bën të ditur zyrtarisht, Gurakuqi është njoftuar nga Autoriteti i Dosjeve se akuzat e Nishanit, i cili përmendi dy kartela të Sigurimit të Shtetit për të sulmuar ish-deputetin e PD-së, janë një mashtrim i pastër. 

Në pritje të trokitjes së Vitit të Ri 2021, drejtues të institucioneve më të lartë në vend kanë shprehur urimet e tyre për shqiptare, përmes mesazheve të veçanta.

Tërmeti dhe më pas pandemia treguan edhe njëherë jo vetëm kapacitetet e Forcave të Armatosura për të përmbushur detyrën e tyre , por njëherësh edhe dimensionin e tyre human duke qenë kudo ku ka nevojë. Përmes një videomesazhi për festat e fundivitit, ministrja e Mbrojtjes Olta Xhaçka u shpreh mirënjohjen mijëra burrave dhe grave që mbajnë veshur me krenari uniformën. 

Kryetari i Kuvendit, z. Gramoz Ruçi ka uruar të gjithë shqiptarët me rastin e Vitit të Ri 2021.

Presidenti i vendit Ilir Meta ka dekretuar mëngjesin e sotëm ndryshimet në Qeveri. Meta ka firmosur dekretet për Olta Xhaçkën në pozicionin e ministres për Evropën dhe Punët e Jashtme dhe Niko Peleshin në postin e ministrit të ri të Mbrojtjes.

Kryeministri Edi Rama priti mbrëmë në një takim, ushtruesin e detyrës së kryetarit të PDK-së, Enver Hoxhajn dhe delegacionin që e shoqëronte në një vizitë zyrtare në Tiranë.