Politikë

Zhuljen Varfa do të jetë kryebashkiaku i ri i Durrësit, deri në zgjedhjen e një kryebashkiaku të ri. Ky vendim u mor sot në mbledhjen e Këshillit Bashkiak të Durrësit pas dorëheqjes së Valbona Sakos.

Presidenti Ilir Meta mbledh nesër Këshillin e Sigurisë Kombëtare.

Kryebashkiakja e Durrësit Valbona Sako ka dhënë dorëheqjen. Vendimi i saj vjen një ditë pas videos që u bë virale pas komentit të saj në media, se është e kënaqur me 50 viktima nga tërmeti i fuqishëm që goditi Shqipërinë.Pas Valbona Sakos është dorëhequr nga posti edhe nënkryetarja e bashkisë së Durrësit, Etleva Kondi. Drejtimin e Bashkisë së Durrësit tashmë e ka marrë nënkryetari Zhuljen Varfaj.

Kreu i qeverisë ka përsëritur edhe njëherë thirrje për dialog për kreun e opozitës Lulzim Basha. Ai tha se kjo është një nevojë për qytetarët shqiptarë të cilët në këto ditë të vështira duhet të kenë para syve shembullin e një bashkëpunimi mes palëve, e cila nuk ka pse të cilësohet si propagandë.

Nesër në orën 18:00, në selinë e PD kryedemokrati Basha do të zhvillojë një takim me ekspertë të emergjencave civile; me inxhinierë, arkitektë dhe ekspertë të fushës së ndërtimit; ish drejtues në nivel qendror dhe lokal te emergjencave civile dhe institutit të ndërtimit; ish – kryetar bashkie, ish-prefektë, etj.