Politikë

Deputetja e opozitës së Re nga listat e LSI, Elda Hoti e cila pranoi mandatin pas vendimit të opozitës për djegien e mandateve merr pjesë në protestën e sotme të opozitës.  Vetë ajo e ka njoftuar këtë lajm përmes një postimi ku shkruan se sot do jetë me protestuesit në mbështetje të zgjedhjeve të lira dhe të ndershme

Pamjet me dron nga protesta e opozitës

Presidenti Ilir Meta ka pritur pasditen e sotme ish-kreun e shtetit francez Nicolas Sarkozy. Gjatë takimit Meta u shpreh se vlerëson marrëdhëniet e shkëlqyera tradicionale midis dy vendeve. Ai shpreh mirënjohje që shteti francez ka dhënë në procesin e integrimit të Shqipërisë në BE.

Presidenti Ilir Meta reagon para nisjes së protestës së opozitës. Ai i bën thirrje opozitës që të zhvillojë një protestë paqësore duke i bërë thirrje protestuesve të përqëndrohen vetëm në kauzën për zgjedhje të lira dhe të ndershme.

Nga sa shihet, kryeministri Rama i ka treguar zyrën e tij, pikturat që ka realizuar vetë, ndërsa Sarkozy ka lënë edhe shënimin e tij në librin e shënimeve. Pas takimit në godinën e qeverisë, kryeministri Edi Rama dhe Sarkozy janë nisur drejt Butrintit

Zëdhënësja e qeverisë Elisa Spiropali i përgjigjet deklaratës së presidencës e cila dënoi faktin që disa flamuj ishin lënë në tokë pas përfundimit të takimin elektoral të kryeministrit Edi Rama.

Kryeministri Edi Rama tha në një intervistë për The Associated Press se qëllimi kryesor i opozitës është të dëmtojë negociatat për anëtarësimin në BE.

Këshilli i Ambasadorëve në Shqipëri i cili drejtohet nga ish-ministri i PD, Besnik Mustafaj ka reaguar lidhur me situatën politike në vend duke e quajtur atë tejet të tensionuar. Ata thonë se kjo situatë duhet të marrë fund, përndryshe ka gjasa të marrë përmasa të paparashikuara, ndërsa thekson se kjo krizë jo vetëm që dëmton rëndë imazhin e Shqipërisë por edhe besueshmërinë ndaj partnerëve euroatlantikë.

Kryetari i Grupit Parlamentar të Partisë Socialiste, Taulant Balla së bashku më ministren e Arsimit, Sportit dhe Rinisë, Besa Shahini në vijim të takimeve për zgjedhjet lokale të 30 Qershorit, zhvilloi sot një takim me të rinjtë në qytetin e Elbasanit. 

Pak orë para protestës së opozitës, kreu i Bashkisë së Tiranës, Erion Veliaj ka siguruar operatorët turistikë se gjithçka është kalimtare dhe se kryeqyteti mbetet një vend i sigurt. Gjatë takimit me ta, Veliaj i garantoi se qyteti do të jetë xixë edhe pas protestës.

Partia Demokratike ka reaguar lidhur me ndalimin  e ish-deputetit Bardh Spahia dhe militantëve të tjerë të cilët janë ndaluar dhe arrestuar përgjatë ditëve të fundit për dhunën e ushtruar në disa KZAZ në vend.

Në një reagim zyrtar zëdhënësi i presidentit të Republikës deklaron se në përplasjet e djeshme në Shkodër flamuri kombëtar është përdhosur, duke dënuar rëndë këtë akt. Ndërkohë nga ana tjetër nuk ka pasur asnjë reagim nga ana e kreut të shtetit lidhur me dhunën që protestuesit ushtruan dje ndaj forcave të policisë

Pak orë para protestës së opozitës së bashkuar sonte në orën 20:00, kryeministri Edi Rama ka përcjellë një mesazh me fjalët e Migjenit, duke thënë se çdo vikamë (e bërtitur) fillon e mbaron me heshtje dhe pastaj nis puna.

Presidenti Ilir Meta i ka dërguar një letër të dytë KQZ-së ku i kërkon informacion mbi praktikën që është ndjekur për zëvendësimin e deputetëve të PD-së dhe LSI-së, që u larguan nga Kuvendi duke djegur mandatet.