Politikë

Në video duken punimet në fasadë, klasat dhe ambientet e përbashkëta që tashmë kanë marrë formë, duke i afruar përfundimit afatin e planifikuar.

Takimet e radhës kryesocialisti Rama i vijoi në qarkun e Beratit. Kreu i PS kujtoi vrasjet gjatë qeverisjes Berisha, duke thënë se bufi dhe kukumjaçkat nuk vranë vetëm njëherë. Një koment e ka edhe për Dumanin, për të cilin tha se u bë i njohur falë reformës në drejtësi që bëri PS. Shigjeton edhe të parin e listës së demokratëve në qarkun e Beratit.

Meta e ka cilësuara kryeministrin “ufo” që kishte zbritur në Çorovodë dhe e akuzoi për premtime të pa mbajtura dhe mungesës të investimeve, duke përmendur veçanërisht rrugën Skrapar-Përmet dhe devijimin e rrugës së TAP-it që lidhte zonën me Korçën. 

Shehaj tha se Evropë për Ramën do të thotë “para” dhe vjedhja është modeli i tyre.

Partia Demokratike i është drejtuar Komisionit Shtetëror me një shkresë ku kërkon sqarim lidhur me pretendimet se në regjistrat e votuesve, ekzistojnë të paktën 137 qytetarë të cilët figurojnë në të dy listat e zgjedhësve: atë të votuesve me banim jashtë vendit dhe në atë të të votuesve në territorin e Republikës së Shqipërisë.

Kryesocialisti Edi Rama nga Poliçani, ku zhvilloi një takim me qytetarët, nga ku premtoi se shumë shpejt do të hapet dhe Kombinati i Poliçanit për prodhimin e armëve. Ai tha se kanë nisur negociatat me disa kompani dhe pritet që së shpejti të nisë puna.

Kandidati socialist për Tiranën, Erjon Braçe denoncoi mungesën e parkingjeve dhe zaptimin e hapësirave publike në njësinë 5 në Tiranë. Sipas Braçes, mungesa e vendparkimeve dhe zaptimi i hapësirave publike janë kthyer në problem shqetësues për qytetarët në kryeqytet.

Kryetari i PD, Sali Berisha, prezantoi kandidatët për deputetë të qarkut të Tiranës, në zonën Vorë-Kashar. Paralajmëron grupet që do prekin votën e qytetarëve dhe thotë se Rama nuk është klloun, por kërkon që të tërheqë vëmendjen nga problemet. E quan Aleancën për Shqipërinë Madhështore, më të madhen që nga 1990

Kandidatja për Tiranën e koalicionit PD Aleanca për Shqipërinë Europiane, Erisa Xhixho në një deklaratë për mediat tha se pensionistët janë sot kategoria sociale më e diskriminuar, dhe e varfër e shoqërisë. Xhixho shtoi se në 12 vjet qeveria nuk ua ka lehtësuar jetën pensionistëve duke u rritur shpërblimin për kontributin e një jete të tërë.

Drejtuesi Politik i Partisë Socialiste për diasporën, Taulant Balla, ndodhet në Selanik, ku pa nga afër në zyrat e postës DHL procesin e shpërndarjes së fletëve të votimit për zgjedhjet e 11 majit. 

Gazment Bardhi zhvilloi disa takime me banorët në Fier, ku përmes një postimi në rrjetet sociale, ai shkruan se njerëzit nuk duan më propagandën e qeverisë. Ai tha se gjendja në të cilën ndodhet vendi duhet që të ndryshojë.

Drejtuesi politik i koalicionit “Nisma Shqipëria Bëhet”, Adriatik Lapaj ka vijuar turin elektoral në kuadër të zgjedhjeve parlamentare të 11 majit, duke takuar qytetarë dhe tregtarë, të cilëve u kërkoi votën për numrin 6-të në fletën e votimit