Politikë

Lëvizja 'Shqipëria Bëhet' dhe Nisma Thurje, shpallin nesër koalicionin për zgjedhjet e 11 Majit. 

Fleta e qarkut Tiranë do të ketë përmasa gjigande për shkak se prodhon 37 deputetë dhe duhet të ketë 49 emra për çdo subjekt zgjedhor.

Kryeministri Edi Rama, ka reaguar lidhur me akuzat se është duke sulmuar institucionet e drejtësisë në vend, me deklaratat e tij ndaj këtyre të fundit. Përmes një postimi në aplikacionin X, Rama shkruan se qëllimi i vetëm është drejtësia europiane.

Kreu i grupit parlamentar të Partisë Demokratike, Gazment Bardhi paralajmëron se do të dorëzojë në SPAK të tjera prova për zv/kryeministren Belinda Balluku të cilën e akuzon për korrupsion.

Kryeministri Edi Rama ka njoftuar takimin e radhës me shqiptarët në diasporë, i cili do të jetë në Eladha, Greqi këtë të diel.

Dy senatorë italianë kanë shkuar këtë të enjte në paraburgimin e Durrësit, për të takuar kryetarin e bashkisë së Tiranës, Erion Veliajn dhe për t'i dhënë mbështetjen.

Kryeministri Edi Rama përsëriti edhe një herë se drejtësia në vend duhet të jetë e pavarur dhe europiane. Gjatë takimit me asambletë socialiste të njësive 8,9 dhe 11 të Tiranës, ai tha se kërkohet drejtësi me vendime të formës së prerë dhe jo me paraburgime pa gjyq.

Komisioni i Ankesave dhe Sanksioneve është shprehur këtë të enjte se takimi i kryeministrit Edi Rama me punonjësit e Bashkisë Tiranë në Sheshin Skënderbej, më 20 shkurt, duhet të ishte ndaluar nga Komisioni Qëndror i Zgjedhjeve.

Azgan Haklaj dhe Zaçe Islami debatuan sot në ‘Studio Live’ lidhur me figurën e George Soros dhe aktivitetin e tij në Shqipëri, debat i hapur pas kërkesës së Berishës përmes ligjit për de-sorosifikimin. Haklaj thotë për Arbër Hitajn se Sorosin në Shqipëri e ka sjellë Berisha në 1994.

Kuvendi shtyn deri më 31 maj afatin e vlefshmërisë së dokumenteve për shtetasit shqiptarë jashtë vendit. Me 76 vota pro kuvendi miratoi 2 aktet normative që do të lejojnë emigrantët të votojnë më 11 maj edhe me një ID apo pasaportë të skaduar. Votën pro e dhanë vetëm socialistët, ndërsa opozitës që braktisi sallën nga rreshti u doli vetëm Bujar Leskaj që ngriti kartonin me kolegët e shumicës. Më herët gjatë seancës, opozita tha se këto akte janë të vonuara dhe diskriminuese. 

Në një postim në rrjetin social Facebook, Basha ka sqaruar se bashkëshortja e tij nuk ka punuar asnjëherë për East West Management Institute, por për organizatën holandeze East-West Parliamentary Practice Project, e cila financohet nga qeveria holandeze dhe Bashkimi Europian. Basha: Halli i Berishës dhe familjes së tij nuk zgjidhet me mashtrimet e ndyra që ai përhap!

Kryeministri Edi Rama ishte sot në kantierin që lidh zonën e Lundrës, komunitetin e zgjeruar të Tiranës Autostradën Tiranë-Elbasan dhe Unazën e Madhe,  ku po vijojnë punimet për këtë rrugë, së bashku me nënkryetaren e bashkisë Anuela Ristani.

Ministri për Europën dhe Punët e Jashtme, Igli Hasani zhvilloi sot një vizitë zyrtare në Ankara, Turqi.

KQZ duket se nuk është larg objektivit për 250 mijë emigrantë të regjistruar deri më 4 mars që është afati i fundit.

Sa i përket listës së primareve të Berishës, Lapardhaja thekson se nuk ka standard dhe opozita nuk po sjell një alternativë që ta tejkalojë mazhorancën.