Politikë

Kryeministri Edi Rama ka reaguar këtë të mërkurë në rrjetin social X ndaj një deklarate të zëdhënësit të Iranit lidhur me situatën e protestave kundër projektit të Zvernecit. Rama akuzon Teheranin për ndërhyrje dhe përhapje të dezinformimit, ndërsa shpreh shqetësimin se kauza mjedisore po përdoret për qëllime politike.

Ministria për Evropën dhe Punët e Jashtme informon se shtyrja vjen si pasojë e situatës së sigurisë në Ukrainë dhe e angazhimeve në këtë kuadër, të Ministrit të Punëve të Jashtme të Ukrainës, Andrii Sybiha, bashkëorganizator i Ministerialit të Tiranës. 

Ferit Hoxha ka mbërritur në Sofje të Bullgarisë, ku në kuadër të mbylljes së Presidencës së Bullgarisë në Procesin e Bashkëpunimit në Evropën Juglindore për periudhën 2025–2026, do të zhvillohet Takimi i Ministrave të Jashtëm të vendeve pjesëmarrëse në SEECP-së.

Sot shënohen 148 vjet nga themelimi i Lidhjes Shqiptare të Prizrenit, ngjarja më e rëndësishme e shekullit XIX në historinë e shqiptarëve dhe momenti që shënoi fillimin e organizimit politik kombëtar për mbrojtjen e trojeve dhe të identitetit shqiptar.

Në 12 qershor PS do të festojë ditëlindjen në një eveniment në Tiranë, ku pritet një pjesëmarrje shumë e lartë e socialistëve. Nga Fieri, kryeministri Rama paralajmëroi sot se deri në atë datë, debati për investimin në Zvërnec dhe për protestat që kundërshtojnë ndërtimin e resortit, duhet të konsiderohet i mbyllur.

Në intervistën për AP, kryeministri Edi Rama foli edhe për ndikime të huaja në protestat që kundërshtojnë investimin në Zvërnec të Vlorës. Sipas Ramës, ende nuk ka asnjë projekt të finalizuar për ndërtimin në Zvërnec, pasi sipas kryeministrit, do të bëhet fillimisht vlerësimi i ndikimit që do të ketë investimi në mjedis.

Ligji u miratua në vitin 2015, me një afat 3-vjeçar, me në fokus investimet në sektorë prioritar si turizmi, energjia, transporti, bujqësia apo zonat teknologjike, dhe afati i tij është shtyrë 6 herë, me argumentin se ka interes nga investitorët vendas dhe të huaj. Aktualisht ai parashikohet të qëndrojë në fuqi deri në fund të këtij viti.

Arben Meçaj shprehet se për opozitën është e qartë se nëse Rama nuk kthehet në objektiv, do të vijojnë të mbeten në opozitë. Sipas tij, protesta mund të jetë duke u organizuar nga lëvizja për të penguar investimet strategjike ose 'idealistët', por Rezart Kthupi shprehet se pas tubimeve, qëndrojnë vetëm të rinjtë.

Gjatë një bisede në “Repolitix” në Report Tv, juristi tha se kjo ide ‘bashkon’ në të njëjtën ditë votimin për zgjedhjen e qeverisë dhe për investimin, brenda verës.