100 vjet nga Lufta e Vlorës/Rrëfimi i muzikologut për realizimin e këngës himn “Vlora-Vlora”

Para 100 vitesh, simbol i Luftës së Vlorës do të bëhej dhe kënga-himn “Vlora-Vlora”. E kompozuar nga Thoma Nasi me tekstin e poetit Ali Asllani, në këtë përvjetor vjen me një regjistrim të ri në CD. Muzikologu Vasil Tole na rrëfen, se si gjatë kësaj lufte ka pas një ndikim shumë vendimtar në jetën kombëtare kënga himn “Vlora-Vlora”.

 “Angazhimi im edhe i kolegëve të tjerë, ka të bëjë me faktin, se risillja e kësaj kënge u bën mirë brezave të rinj. Kjo i bën mirë jo vetëm këngëve, por dhe perceptimit ndaj artit edhe ngjarjeve. Kushtet historike, ardhja e bandës “Vatra” nga Amerika, një personalitet si Thoma Vasi, që ishin të stërvitur në muzikën patriotike, bëri që gjatë qëndrimit trejavor në Vlorë. Provohet me dëshmi banda “Vatra” bashkë me trupën vullnetare të drejtuar nga Aqif Përmeti i ardhur nga Amerika dhe me 250 trupa të ardhura nga Korça, ishin një forcë e rëndësishme në ndihmë të Luftës së Vlorës”.

Tole thekson se referuar eksperiencave të mëparshme Akademia e Shkencave u bë nismëtare e një regjistrimi të masterizuar të këngës-himn, që ka ndikuar në betejat që kanë bërë asokohe çetat vullnetare shqiptare të Vlorës. Por një rol të rëndësishëm sipas tij kanë pas veçanërisht çetat e ardhura nga Amerika

“Në u përpoqëm që t’i zbulonim rrënjën e saj, atë shkëndijën që e lindi atje edhe e shndërruam në një marsh ushtarak, ne i zbuluam ritmin e marshit që ka humb me kalimin e viteve, këtë ka risi kjo këngë. Që në çdo strofë ta dëgjosh ndihet marshi ushtarak. Mendoj se është restauruar me shumë vëmendje”, shprehet Tole.

CD-ja vjen nën titullin “Me armë në dorë e me këngë në gojë”. Akademiku Vasil S. Tole ka qenë konsulent shkencor për orkestrimin dhe masterizimin nga Klodian Qafoku, notëzimin nga Jusiald Xhani dhe interpretimin nga tenori Josif Gjipali.

 

v.d./r.k./Shqiptarja.com
  • Sondazhi i ditës:

    BE heq kufizimet dhe pak raste ditore, a mendoni se mbaroi pandemia në Shqipëri?

Komento

Komente

  • Iris: 01/09/2020 23:15

    Ky eshte nje sqarim per kengen /Vlora-Vlora/,kjo kenge nuk eshte kompozuar nga Thoma Nasi,por eshte pershtatur prej tij .Kenga vete eshte nje kenge e vjeter amerikane,qe po ta hulumtoni mund te gjeni origjinalin.Po keshtu dhe teksti i kenges nuk eshte origjinali amerikan,por Ali Asllani ka krijuar nje tekst komplet te ri,vetem per Vloren.Te njejten gje mund te themi edhe per disa kenge te tjera,p.sh nje kenge amerikane qe nje nga motrat Qiriazi i ndroi vetem tekstin,por jo muziken.Zonja ne fjale e kishte pranuar qe nuk ishte kompozitorja e kenges.Te njejten gje mund te themi per disa serenata korcare qe jane origjinale kenge te huaja por me tekst te rishkruar nga e para,origjinalin e njeres prej tyre mund ta degjoni ne filmin/Zigfilldi i madh/Po keshtu dhe himni yne i flamurit eshte original himn rumun.Azdreni thjesht perktheu tekstin e tij.Per te gjithe ata shqiptare qe mund te ndihen pak te zhgenjyer nga gjithe keto plagjarizma ,te themi te pafajshme dhe jo te rrezikshme,po ju japim nje kuriozitet qe mund te jete ngushellues sidisi:edhe himni kombetar amerikan nuk eshte nje original.Muzika e tij eshte nje kenge pijetoresh e shek.XVIII-te,ose dhe me e vjeter, nga nje zone e Britanise se Madhe,vetem teksti eshte original amerikan.

    Përgjigju


×

Lajmi i fundit

John

Rama poston thënien e Mit'hat Frashërit: Nuk mund të punojmë për vendin tonë, po nuk patëm një dashuri për çdo cep të Shqipërisë