Dita e sotme shënon 100 vjetorin e ndarjes nga jeta të atit të Pavarësisë, Ismail Qemalit. Ismail Qemal bej Vlora Qemali ka qënë veprimtar i çështjes kombëtare dhe themelues i shtetit shqiptar. Ismail Qemali ishte firmëtari i parë i Deklaratës së Pavarësisë dhe kryetari i këshillit të ministrave të Qeverisë së Parë të Shqipërisë. Homazhe për të janë zhvilluar në shtatoren e tij Tiranë nga Bashkia (SHIKO KËTU) dhe presidenti Ilir Meta. (SHIKO KËTU) Nderime të shumta kanë ardhur edhe nga politikanë nga Kosova. Ndërsa në Vlorë, në qytetin ku Qemali shpalli pavarësinë të pranishëm në homazhe ishin kryetari i Kuvendit, Gramoz Ruçi, kryebashkiaku i Vlorës, Dritan Leli, deputë dhe ministja e Kulturës, Eva Margariti e cila përcolli edhe fjalën e kryeministrit Edi Rama. (SHIKO KËTU)
Homazhe në nder të 100-vjetorit të ndarjes nga jeta të Ismail Qemalit janë zhvilluar edhe në qytetin ku babai i kombit shpalli pavarësinë. Në Vlorë, homazhet janë zhvilluar pranë varrit të tij. I pranishëm ka qënë kryetari i Kuvendit Gramoz Ruci, kreu i bashkisë së Vlorës Dritan Leli, deputetë, nipi i Ismail Qemalit Nedin Vlora, si dhe ministrja e Kulturës Eva Margariti, e cila vendosi një kurorë me lule në emër të kryeministrit Rama. Në fjalën e tij, kryebashkiaku i Vlorës Dritan Leli u shpreh se: Historia fillon këtu në Vlorë në mbështetjen e këtij burrit të madh, pasi mënyra që bëri ai shqiptarët bashkë, meriton të përulemi. Ai themeloi historinë modern të popullit tonë, dhe qëndron në pedestialin e të gjitha figuave që ka nxjerrë populli shqiptar. Ndërkohë ministrja Margariti ka bërë përshëndetjen në emër të kryeministrit Rama. Ajo është shprehur se: Asnjë nuk i afrohet Ismail Qemalit. Ishte një apoteoz madhështore e të gjithë popullit, një kurorë që ai e fitoi duke u përpjekur deri në frymën e fundit për njerëzit. Qeveria e Vlorës ishte e para që e kuptoi që arti, dija, ndriçimi i mendjes dhe kultura ishin ato që do ta bënin Shqipërinë në një vend të përparuar dhe të begatë.
Presidenti Ilir Meta ka vendosur lule tek shtatorja e Ismail Qemalit në Tiranë me rastin e 100-vjetorit të ndarjes së tij nga jeta. Për mediat e pranishme, presidenti Meta u shpreh se: Ju falënderoj që keni gjetur kohën për të shoqëruar këtë moment, të përuljes përpara shtatores të themeluesit të shtetit tonë modern dhe Atit të Shqipërisë, Ismail Qemalit në këtë 100-vjetor të kalimit të tij në përjetësi, për shkak të veprës së tij të ndritur që ai me shumë patriotë të tjerë realizuan më 28 Nëntor të vitit 1912! Sot është momenti jo vetëm të përkulemi përpara veprës së tij, por edhe të angazhohemi për forcimin e shtetit shqiptar për ruajtjen dhe lartësimin e simboleve tona kombëtare, por njëkohësisht edhe për përmbushjen e ëndrrës së tyre për një Shqipëri plotësisht europiane.
Presidenti i Kosovës, Hashim Thaçi ka nderuar figurën e Ismail Qemalit në 100 vjetorin e ndarjes së tij nga jeta.
“Para një shekulli pushoi së rrahuri zemra e diplomatit të shquar Ismail Qemali, themeluesit të shtetit shqiptar. Pas aktit të shpalljes së pavarësisë së Shqipërisë, Ismail Qemali u dëshmua si burrështetas vizionar, duke vënë themelet e shtetit mbi vlera perëndimore. Ismail Qemali hyn në radhën e burrështetasve më të mëdhenj të kombit shqiptar,”-shkruan Thaçi.
Kryeministri i Kosovës, Ramush Haradinaj ka kujtuar sot 100-vjetorin e ndarjes nga jeta të atit të kombit shqiptar, Ismail Qemalit.
"Sot një shekull më parë vdiq strategu themelues i shtetit modern shqiptar, Ismail Qemail Vlora, i cili iu la shqiptarëve trashëgiminë e përjetshme, Shqipërinë e mëvetësishme. Frymëzim për atdhetarët, udhërrëfyes dhe emblema e Shqipërisë, si kryetar i parë i Qeverisë shqiptare, bashkoi shqiptarët që të rreshtohen me idealet e lirisë, për një shtet të bazuar në vlerat Perëndimore. I përjetshëm kujtimi për shtetformuesin, ikonën e pavarësisë sonë!,"-shkuan Haradinaj.
Me rastin e 100-vjetorit të ndarjes nga jeta të atit të Pavarësisë së Shqipërisë, Bashkia e Tiranës vendosi në nderim të tij buqeta me lule pranë shtatores së Ismail Qemalit në bulevardin "Dëshmorët e Kombit".
Lidhur me përvjetorin kryebashkiaku Erion Veliaj shkruan: 100 vjetori i vdekjes se Ismail Qemalit - autor i pavaresise dhe themeluesi i shtetit tone modern! Sot lule ne monumentin e tij dhe aktivitete ne te gjithe Tiranen per te kujtuar vepren e plakut te urte. Rrofte Shqiperia.
Komente
Lajme të tjera
-
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Rama njofton takimin me Diasporën të dielën në Londër: Radha me shqiptarët e Britanisë së Madhe, në rrugën drejt Shqipërisë 2030!
22 Nëntor, 18:09 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Akademia Politike e PS-së, Rama: Më shumë të rinj që duan të angazhohen
22 Nëntor, 13:32 -
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Dita Kombëtare e Alfabeti/ Publikohet drafti i fjalorit të Gjuhës Shqipe, 120 mijë fjalë! Gjinushi: U morën 25 hartues
22 Nëntor, 08:01 -
Vrasja e 14 vjeçarit pranë shkollës 'Fan Noli', qytetarët pro nismës së mbylljes së TikTok dhe Snapchat
21 Nëntor, 18:10 -
Shqipëria pjesë e sistemit unik europian të pagesave! Rama: Hap i madh drejt BE-së në 2030! Nga 2025 dërgesat e parave nga Europa e anasjelltas pa kosto financiare
21 Nëntor, 16:58 -
Kuvendi Kombëtar i Gjuhës, Emil Lafe: Duhet mbrojtje ligjore! Nesër publikohet drafti për Fjalorin e madh të Shqipes
21 Nëntor, 12:03
-
Nesër publikohet drafti i fjalorit të madh të Gjuhës Shqipe, Rama: E hedhim në konsultim publik! Të mbrojmë shqipen nga barbarët e rrjeteve sociale
21 Nëntor, 10:58
Babai i Shtetit Shqiptar..,por jo Kombit..,se Gjuha e Motcme Shqipe asht Gjuha e Perendive....!!!
Përgjigju..e sakte..,e drejte..!..Rama ne njefare menyre e ka vene Portretin e tij..,si Qemal AtaTurku ne Zyre..,po pse nuk e vendos edhe kete Shtatore ne vend te Kerpudhes_Skulpture tek KryeMinistria?!
PërgjigjuTurp mo te pa cipe. Nuk keni pak leke per ta restauruar momumentin e Is mail Qemalit.Sepaku restauroheni tani pasi u perballet me ate monument te degraduar dhe te lene pas dore.
Përgjigju