Këtej e përtej gardhit, studiuesi Përparim Kabo përuron “Antropologjinë e artit” në dy libra nga 800 faqe secili. Mbi 12 vite punë, e një jetë “i rrëmbyer” nga vorbulla e artit, filozofi e ka parë Viktor Hygonë, si “Një brengë të vjetër”, ndërsa në zanafillë të së qenësishmes në art, ka hulumtuar mbi ato figura e vepra, që ai i konsideron si “Kozmogoni të humbura në eklips”...
“Kjo mbrëmje nuk i takon librit tim, por i takon një tempulli që është arti. Templarët janë artistët, ndërsa pelegrinët jemi ne që jemi rritur me art, që e duam artin e nuk bëjmë dot pa të”, thotë studiuesi e pedagogu Përparim Kabo.
Ndër templarët udhërrëfyes, miq e bashkëpunëtorë të tij, ndalet më gjatë tek dy personalitete, regjisori e dramaturgu Mihal Luarasi e studiuesi Alfred Uçi, i cili e veçonte Kabon si më të mirin e studentëve. Si simbol të kësaj konsiderate akademiku i pat dhuruar stilografin e tij. Në mungesë të tyre, në krah të Kabos janë pasardhësit, Eldoni dhe Albana.
“Veprat e profesor Kabos mund t’i quaj vërtetë monumente arti që ndërtojnë ndërtesat e të gjithë artistëve që ndodhen këtu mes nesh. Në fund më dukej sikur e gjithë jeta e babait ishte mbledhur në të gjithë atë stilograf që ju dhuroi dhe ja ku është monumenti juaj i artit që flet vet”, thotë Albana, e bija e akademikut të ndjerë Alfred Uçi.
“Ndihem mjaft mirë mes këtyre figurave të shquara të artit e kulturës shqiptare, të mbledhur këtu. Shpesh kemi ndjesinë sikur mungon kjo shtresë, por shikoj me kënaqësi që ekziston dhe është e përfaqësuar nga njerëz të ndritur ndër të cilët jeni dhe ju”, thotë Eldoni, djali i Edi dhe Mihal Luarasit.
“Bisedoja gjatë me Mihalin, çdo natë. Flisnim për teatrin, për poezinë, për kulturën në tërësi... Edhe për godinën e Teatrit kemi folur. Do t’ju them diçka: Unë nuk shkoj tek ArTurbina sepse i kam premtuar Mihalit që nuk shkoj, nëse shembet godina e Teatrit”, thotë autori.
Kabo e rrëfen Hygonë, si të tretën brengë, ndoshta të zgjidhur, pas Faustit tek “Tingulli”, e Princ Vidit tek “Epistolate”. E ndërsa josh lexuesin me dijet enciklopedike të “Antropologjisë së artit”, i premton një tjetër botim me firmën e tij.
“Antropologjia e artit” është përfunduar, ndërsa “Antropologjia e turmës” do të vazhdojë, por me një ndryshim, për të do të porosisë një sallë më të madhe se kjo”, e mbyll fjalën autori.
Komente
Lajme të tjera
-
Ben Blushi: Kuazimodo, ose Frani i Verbër
19 Qershor 2022, 18:01
-
'Ky miku im po bën një libër', Ben Blushi takon Franin nga Mamurrasi, rrëfen si e bindi për t’i shkrepur një foto: Dukej si personazh i Viktor Hygoit
19 Qershor 2022, 13:18
-
Nga pengesat në diktaturë tek momentet e vështira me prindërit, i biri i Edi dhe Mihal Luarasit me “Rrëfime” në FAB, Eldoni: Si e realizova portretin e nënës
3 Shkurt 2022, 19:59
-
Kur esteti i njohur Uçi apelonte për leximin!
26 Tetor 2021, 17:39
-
'Të Mjerët' e Viktor Hygo zbret te 'Skënderbeu' në Lezhë, shfaqja dhuron emocione të forta para publikut lezhjan
4 Tetor 2021, 15:39 -
90-vjetori i lindjes së Alfred Uçit, nipit të Luarasëve. E bija: Donte ta kujtonim, si atdhetar demokrat dhe liberal
18 Dhjetor 2020, 16:52
-
Kur të rrethohet ky vend me shirit, atëherë do të vendoset drejtësia e vërtetë e shqiptarëve
17 Nëntor 2020, 17:50
-
300 vetë për minoritet, mbi fakte historike e demografike, ekspertët: Ligji i 2017-ës ka probleme të shumta
1 Korrik 2020, 18:19
-
Dokumentar për ‘Emancipimin e turmave’, regjisori: Historia e individëve që kanë dalë prej tyre, shumë e trishtë!
6 Shkurt 2020, 15:59
Personalisht do te me pelqente shume per president nje i rangut si Perparim Kabo,por nuk besoj se pranojne te futen ne ate gjyllurdi vullgare,sidomos te pasojne nje zullumqar si Like Mavrria.
PërgjigjuKu ti blem keto vepra te lutem adresen f.l.m