POP 5

Lajmet më të lexuara të 5 minutave të fundit

Sport

15 milionë lekë për Partizanin, Erion Veliaj: Ndjesë miqve të mi Olsi dhe Gazi, por më mirë vonë se kurrë

KF Partizani, kampioni në fuqi i Superligës së futbollit në Shqipëri prej dhjetë muajsh ishte duke pritur shpërblimin e titullit nga Bashkia e Tiranës.

KF Partizani, kampioni në fuqi i Superligës së futbollit në Shqipëri prej dhjetë muajsh ishte duke pritur shpërblimin e titullit nga Bashkia e Tiranës. Në mbledhjen e fundit të Këshillit Bashkiak të martën (dje), kreu i bashkisë së Tiranës Erion Veliaj ka bërë me dije se pas një ndryshimi në VKM shuma prej 15 milionë lekësh (të rinj) do kalojë në llogarinë e klubit. Veliaj i ka kërkuar ndjesë presidentit të Partizanit, Gaz Demi dhe drejtorit Olsi Rama, duke thënë se "më mirë vonë se kurrë".

"Dua të njoftoj vendimin që ka të bëjë me dhënien e shpërblimit financiar Klubit të Futbollit Partizani, një iniciativë që e kemi nisur përpara disa vitesh. Kemi thënë që kush sjell Kupën, kush sjell kampionatin në Tiranë do shpërblehet. Dy herë e ka sjellë KF Tirana, duke marrë 150 milionë lekë shpërblim.

Ndërkohë duke qenë se Partizani nuk kishte marrëdhënie aksionare me bashkinë e Tiranës, na është dashur fillimisht të ndryshojmë VKM-në që e lejon bashkinë t'i ofrojë të njëjtën sasi shpërblimi edhe klubeve të tjera. Për të gjithë dashamirësit e Partizanit, mikun tonë Gaz Demin apo edhe Olsin dhe skuadrën. Ju kërkoj ndjesë për këtë vonesë. Por siç thotë shprehja më mirë vonë se kurrë", tha Veliaj dje në mbledhjen e Këshillit Bashkiak të Tiranës.

Kujtojmë se për çdo titull apo Kupë që ekipet e kryeqytetit fitojnë, bashkia e Tiranës ka në plan një shpërblim monetar. 

S.DH/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Fatos Deda: 01/05/2024 14:22

    Jam plotsisht dakort me Ju.Partizani ka qenë Ekim elitë.Por si kryetarë bashkie ju nderon dhe një shpërblim per ekimin e 17 nëntorit të Tiranës.

    Përgjigju
  • Sondazhi i ditës:

    Sipas jush për kë do të votonte diaspora?

Lajme të tjera



×

Lajmi i fundit

Komisioni Hetimor për TIMS, Rrumbullaku kërkon të dëshmojë me dyer të mbyllura, ja arsyeja

Komisioni Hetimor për TIMS, Rrumbullaku kërkon të dëshmojë me dyer të mbyllura, ja arsyeja

15 Maj, 22:27