TIRANË- Avokati Idajet Beqiri i ftuar në Report Tv, paralajmëron se një tjetër kallëzim do të mbërrijë në dyert e SPAK për ngjarjen e 21 janarit 2011. Beqiri tha në emisionin ‘Studio Live’ për gazetarin Arbër Hitaj, se më 21 janar ishte planifikuar edhe vrasja e një tjetër protestuesi, Sokrat Godo nga Berati, ish-oficer i Policisë Gjyqësore.
Sipas Beqirit, ai është qëlluar në zemër më 21 janar, por ka arritur që të shpëtojë. Për Report Tv, avokati thotë se kanë përgatitur kallëzimin që do dorëzojnë në Prokurorinë e Posaçme, e cila tashmë ka nisur hetimet për 21 janarin, ngjarje në të cilën mbetën të vrarë 4 protestues nga plumbat e shtetit. Beqiri, i cili është edhe avokati mbrojtës i familjes Nika, tregon edhe çfarë ka ndodhur, ndërsa shton se Godo kërkon që prokuroria e Posaçme të deklarohet edhe për këtë tentativë vrasje.
Sipas Beqirit, kreu i SHIK-ut të Beratit ishte vëllai i ish-komandantit të Gardës Ndrea Prendi. Beqiri thotë së kreu i SHIK-ut të Beratit lajmëroi Prendin dhe sipas tij më pas protestuesin Godo e shënjestruan për ta vrarë.
“Godo ka qenë oficer i Policisë Gjyqësore dhe erdhi në protestë, njihej si një veprimtar i PS në atë kohë. Sa u nis nga Berati, për të vajtur në protestë, kryetari i SHIK-ut të Beratit ishte vëllai i Ndrea Prendit dhe ai ka njoftuar të vëllanë e vet që edhe ky që është ekstremist gjoja, po vjen në protestë. Dhe u shënjestra për t’u vrarë dhe u qëllua me snajper në protestë, në zemër. Dhe në momentin që u qëllua në zemër kishte një shishe ujë në dorë dhe ia dha një protestuesi që po i binte të fikët. Ai kërkon që SPAK të deklarohet për këtë, i ka të gjitha raportet mjekësore dhe shenjën e plumbit. Do bëjë edhe ai një kallëzim penal”, tha Beqiri në Report Tv.
Sa i takon audiokasetës që SPAK ka tashmë si provë, Beqiri thotë se vërteton që urdhri për vrasjen e protestuesve është dhënë nga kryeministri i kohës, Sali Berisha, dhe ministri i Brendshëm, Lulzim Basha.
“Provë e fuqishme që vërteton, që u vë vulën 99 provave të tjerave, që urdhri është dhënë nga kryeministri i kohës dhe ministri i Brendshëm që ishte në zyrën e tij në atë moment. Në atë audio përgjim që është një provë e rëndësishme, se është marrë nga një kanal i radios”, vijoi Beqiri në Report Tv.
Lajme të tjera
-
Kujtim Gjuzi kundër Berishës: Bac, nuk bëhesh kryeministër me dhunë! I kam thënë, PD mund të shpallet organizatë terroriste
11 Tetor, 18:19 -
Luiz Ejlli dënohet me 1 vit burg, Petraj: Përdori vulën kur nuk ishte noter! Deri në vendimin final do hajë kohë
10 Tetor, 19:50 -
Protesta e PD-së me molotov/ Shabani: Të dukem si njeri që mund të isha në një vend të tillë?! Bala: Nuk ka qytetar Tirane që rreh një gazetar!
10 Tetor, 19:02 -
Erdogan në Tiranë/ Shabani: Rama po ndjek modelin e tij autoritar! Bala: Xhamia e financuar nga qytetarë turq! Xhunga: Shqetësim, shmangia e krerëve të KMSH
10 Tetor, 18:39 -
Gazetari Fatos Mahmutaj zbulon në 'Studio Live': Më 21 janar do ekzekutohej Paro Laçi! Donin të vrisnin edhe Edi Ramën për djegien e makinave tek Piramida
9 Tetor, 19:47 -
Audiokaseta e 21 janarit/ Kara: Vrasjet ndodhën për karrigen e Berishës! Cakrani: Nuk besoj se do ketë akuzë, ata persona janë dënuar një herë
9 Tetor, 19:12 -
Spahiu: Nëse PD nuk largon Berishën, do shkrihet pas humbjes drastike të zgjedhjeve 2025
9 Tetor, 17:36 -
INTERVISTA EKSKLUZIVE/ 'Kur të them unë qëlloni në mish!' Xhaxhai i Aleks Nikës zbardh audiokasetën e dorëzuar në SPAK: Mbretëresha e provave! Berisha po qe burrë të thotë pse i vrau
9 Tetor, 12:13 -
Protesta e dhunshme e PD-së/ Kulluri: Kur një parti ka mbështetje popullore, tregon numra jo molotov! Arrestimi i Berishës dhe Salianjit nuk janë halli i shqiptarëve
8 Tetor, 18:29 -
Molotovët e PD-së/ Elezi: Po shkërmoqet si parti! Kërkojnë të maskojnë pjesëmarrjen e ulët me dhunë! Toska: Opozita po vret frikën
8 Tetor, 17:25 -
Braçe ironizon protestën e opozitës: Thonë sot është për jetë a vdekje! S’kemi ndërmend t’i vrasim, këta protestuesit i kanë vrarë çdo herë
7 Tetor, 17:16 -
Mero Baze: “Qeveria teknike”, alibia për mospjesëmarrjen në zgjedhje
6 Tetor, 19:48
