POP 5

Lajmet më të lexuara të 5 minutave të fundit

Sociale

39-vjeçari me kancer vdes te Onkologjiku, s’iu dha ilaçi për kimioterapinë! Babai për Report Tv: S'më dhanë as recetën ta bleja vetë

Një 39-vjeçar humbi jetën gati një muaj më parë në spitalin Onkologjik, ndërsa nuk u trajtua me ilaçin Irinotecan i cili mungonte. Denoncimi u bë në mikrofonin e Report Tv nga babai i 39-vjeçarit. Mungesën e barit e konfirmoi edhe vetë spitali.

Një muaj më parë, Mifit Balla humbi djalin e tij Bujarin 39 vjeç nga sëmundja e rëndë në stomak. Mifiti me origjinë nga Librazhdi por që prej vitesh jeton në Tiranë, për humbjen e djalit akuzon spitalin Onkologjik në QSUT, se mungesa e medikamenteve gjatë trajtimit i mori të birin.

“Kimio po i bënte, rrezet i bëri, analizat i dolën mirë. Skaneri prapë mirë. I solla këtu i ka mirë, kur i ka mirë pse kjo. Për të marr në qafë këta të marrin. Erdhi me 31 të dielën në spital, me 1 mbaroj. Ka ndërruar jetë në spital në katin e 4. E çuam në urgjencë edhe ndërroi jetë këtu”.

Bujari prej rreth një viti e gjysmë vuante nga kanceri në stomak, për të cilën kishte nisur edhe kimioterapinë. Babai i tij Mifiti, mes lotësh dhe dhimbjes, tregon për Report TV se djalin e solli më 3 korrik në Onkologjik për të bërë seancën e radhës të kimioterapisë, por kura nuk iu bë pasi sipas tij mjekët i kanë thënë se kimioterapia nuk mund të vazhdoj për shkak të mungesës së ilaçit Irinotecan.

“Bënte mjekim kimioterapi iu pre me 3 korrik dhe kishte edhe 3 për të bërë, pastaj do të bënte një kontroll. Ishte shumë mirë me këmbët e veta erdhi.  Irinotecani, ilaçi që mungonte”.

Mungesën e ilaçeve babai fatkeq ia ngriti si shqetësim edhe Drejtorisë së QSUT dhe Ministrisë së Shëndetësisë, por ankesa e tij ra në vesh të shurdhët.

“Ika u ankova te drejtoria, edhe te ministria vajta atje. Më jepni recetën u thoja, ska ilaç, ska ilaç. Pa mjekim fare. Me 24 i bënë pastaj ato, pasi ra çuni. Që atë ditë me datë 3 u ngrit çuni në këmbë vajti atje dhe i tha zonja doktoreshë s’ka ilaç. Oboboo tha, çuni, edhe nuk u ngrit më. Ilaçin e kishte buk”.

Mungesa e ilaçeve në Onkologjik ishte një fenomen i njohur për Mifitin, por ndryshe nga herët e tjera kësaj radhë mjekët ishin më të kursyer për dhënien e recetave apo porosive për t’ju drejtuar farmacive private, kjo që pas shpërthimit të skandalit të Onkologjikut.

Me 3 korrik që u bllokuan pas asaj të Onkologjikut. Më jepni recetën ta merrja siç e mora edhe një herë me lekë vetë atje. Këtë herë s’donin, më thoshin edhe emrin e ilaçit shkruaje vetë, jo me dorën e saj. Irinotecani, ilaçi që mungonte. Edhe e shkrova vetë emrin e ilaçit unë, edhe gjeta këtu në Tiranë po donte recetën për ta marr. Pa recetë nuk ma dha farmacistja, më tha s’di sa mg.

Humbja e djalit e ka rënduar pa masë të moshuarin, ndërsa pengu se nuk bëri sa duhet për ta mbajtur të birin në jetë, me institucionet shtetërore që e braktisën, thotë se do ta përndjekë deri sa ai vetë të mbyllë sytë.

“Vetëm këtë qaj, të kishte bërë këto 3 të fundit, pastaj e kishte në dorë vetë Zoti. Qe shumë mirë, e qaj prej këtyre. Le ti ndjekë SPAK. Se do marrin në qafë të tjerë”.

Për historinë e të ndjerit Bujar Balla Report Tv iu drejtua me një kërkesë për informacion QSUT, i cili pranoi mungesën e ilaçit, mostrajtimin me këtë ilaç të pacientit dhe nuk e përjashton mundësinë që ti ketë sjell vdekjen.

S.G/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Eli: 14/11/2024 21:03

    E tmerrshme. Ku do ta cojne shpirtin

    Përgjigju
  • Ops: 06/10/2024 21:47

    Vetem perpara

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu