POP 5

Lajmet më të lexuara të 5 minutave të fundit

Sport

4 fitore radhazi, trajneri i Vllaznisë: S’më pëlqen loja! Dorëheqja e Nicës, zv/trajneri i Kukësit: Nuk ikën

Vllaznia siguroi fitoren e 4 radhazi në kampionat, por trajneri Osmani është i pakënaqur me lojën e skuadrës. Ndërkohë te Kukësi këmbëngulin që Stavri Nica do vijojë si trajner i verilindorëve pavarësisht se dha dorëheqjen.

Java e 19 e Superligës është mbyllur me Vllazninë, që siguroi fitoren e 4 radhazi në kampionat, teksa këtë herë mposhti 1-0 Kukësin, me golin e Grudës i cili realizoi që në minutën e parë.

“Mbas golit të shpejtë mua skuadra më la përshtypjen se kishte një vetëkënaqësi. Kishte edhe 90 minuta të tjera. Nuk duhet të veprojmë kështu. Përkundrazi. Kur shënon në fillim loja hapet dhe duhet të jetë më e lehtë, por për ne fakteqësisht u bë më e vështirë,”-u shpreh Qatip Osmani, trajneri i Vllaznisë.

Për Kukësin kjo humbje e dërgoi në 9 numrin e ndeshjeve pa fitore dhe e lë ekipin në vendin e 9. Për pasojë në Shkodër direkt pas ndeshjes trajneri Stavri Nica dha dorëheqjen, por brenda ekipit këmbëngulin se ai do vijojë.

“Profesori është me mua, do jemi bashkë deri në fund. Do arrijmë bashkë objektivin. Profesori është pjesë e ekipit dhe ai e ka ngritur ekipin në këto nivele. Loja e barabartë me të gjithë ekipet si me Vllazninë, ashtu me Partizanin, por edhe me Egnatian kryesuese. Ne kemi luajtur të barabartë me këto djem të rinj që ka Kukësi,”-tha Oltion Kërnaja, zv/trajner i Kukësit.

Po të dielën Laçi-barazoi 0-0 kundër Ereznit, ndërsa të shtunën Partizani fitoi 1-0 kundër Teutës. Goli i Tedi Carës me penallti i mban të kuqtë në vendin e dytë me 35 pikë, 5 më pak se Egnatia kryesuese që po të shtunën fitoi 1-0 kundër Skenderbeut. Java e 19 e Superligës nisi të premten me Tiranën që fitoi 2-3 derbin kundër Dinamos, ndërsa java e 20 e Superligës do të luhet të premten dhe të shtunën.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50