4 lëvizjet/ Si po e sfumon SPAK-u aferën me ish-Klubin Partizani, nga heqja e 4 akuzave tek shmangia e marrjes në pyetje të Berishës dhe dhëndrit të tij

Në 3 nëntor 2022, kryeministri Edi Rama tha në Report Tv se SPAK-ut i shkonin nga shtatë nga një hetim i Sali Berishës. "SPAK nuk e kam goditur, e kam kritikuar, 1-2 herë, nuk i kam rënë shpesh, por i 'shkojnë shtatë' nga një hetim i thellë dhe i drejtë i figurave më të korruptuar dhe një fuqi që SHBA e ka shpallur ‘non grata’ për korrupsion”, tha Rama.

Pohimi i Ramës reflektohet në fakt në veprimet e SPAK-ut në raport me aferën e privatizimit të pronës publike ish Kompleksi Sportiv Partizani, për llogari të familjes së Sali Berishës. Në nëntor të vitit 2020, deputeti socialist Taulant Balla referoi në SPAK dosjen e tjetërsimit të pronës publike të ish-Kompleksit Sportiv Partizani, pronë mbi të cilën dhëndri i Sali Berishës, Jamarbër Malltezi ka ngritur 19 kulla me vlerë dhjetëra milionë euro, në të cilat është pronar me rreth 40 %.

Së pari, dosja e privatizimit të ish-Kompleksit Partizani u regjistrua si procedim penal me numë 287/2020 nga SPAK vetëm për një vepër penale, atë të pastrimit të produkteve të veprës penale, parashikuar në nenin 287 të Kodit Penal. Janë hequr 4 akuza të pretenduara në kallëzim penal si: shpërdorim detyre në bashkëpunim, ushtrim i ndikimit të paligjshëm ndaj personave që ushtrojnë funksione publike në bashkëpunim, falsifikim i dokumenteve dhe vepra penale e korrupsionit aktiv dhe pasiv. Nga pesë vepra që përmbante kallëzimi penal për aferën me ish Klubin Sportiv Partizani, është regjistruar vetëm një vepër penale.

Së dyti, kallëzimi penal është regjistruar pa asnjë person që i atribuohet vepra penale, duke shmangur kështu Sali Berishën si arkitektin e përdorimit të pushtetit për të kaluar pronën publike në duart e familjes së tij dhe dhëndrin e Berishës, Jamarbër Malltezin, përfituesin kryesor nga privatizimi i pronës publike me 1 mijë pika të errëta. Një nga historitë më të bujshme të përdorimit të pushtetit për pasurimin e familjes, u regjistrua pa autor dhe më një vepër të dyshuar penale.

Së treti, edhe pse afera ishte e qartë dhe besohet se është një nga historitë e zeza ku janë bazuar Shtetet e Bashkuara të Amerikës për të shpallur non grata Sali Berishën dhe familjen e tij, SPAK vetëm pa dy vitesh nisi të marrë në pyetje ish ministrat dhe ish drejtorët që kanë marrë pjesë në kalimin e pronës publike në duart e Familjes Berisha. Zvarritja për dy vite me radhë e procesit hetimor është një tregues tjetër i qartë i mungesës së vullnetit për të çuar para drejtësisë orkestruesit e kësaj afere, që ka shënjuar pushtetin e Berishës 2005-2009.

Së katërti, në shtator të këtij viti, SPAK mori në pyetje ish ministrat Fatmir Mediu dhe Gamend Oketa, pjesë e procesit të privatizimit, por çuditërisht nuk ka thirrur Sali Berishën dhe dhëndrin e tij, Jamarbër Malltezin, për të dhënë shpjegime për tjetërsimin e pronës shtetëror ish Kompleksi Sportiv Partizani. Është një rast i paprecedentë, ku merren në pyetje ish pushtetarët që u vunë në rresht të operacionit të Sali Berishës për të kaluar pronën në duart e dhëndrit të tij, por nuk pyetet protagonisti i operacionit Sali Berisha dhe përfituesi dhëndri i tij, i cili për më tepër nuk dihet se si i ka siguruar paratë për të ngritur 19 kulla mbi pronën e privatizuar në Tiranë.

Pikat kyçe të aferës

-Pikat kyçe të aferës janë dyshimet e forta se trashëgimtarët e pretenduar, të përfaqësuar nga dhëndri i Sali Berishës në këmbim të përfitimit të 35 % të sipërfaqes që do të kthehej, janë shpronësuar dhe kompensuar nga Italia fashiste në vitet 1993-1942 në funksion të planit për zgjatimin e aeroportit.
-Nga vitit 1996 kur u njohën si ish pronarë më të drejtë parablerje të prinës në rast shitje ose kompensimi, trashëgimtarët nuk bënë asnjë përpjekje për t’u kompensuan, por pritën që të vinte në pushtet Sali Berisha në vitin 2005, për të marrë pronën, duke përfshirë edhe prona të tjera publike dhe private, që nuk u takonin, me sipërfaqe rreth 4.5 mijë m2.
-Nga viti 2005 deri në vitin 2009, Sali Berisha angazhoi të gjithë strukturat e nevojshme shtetërore për të privatizuar dhe kaluar në duart e familjarëve të tij pronën shtetërore ish Klubi Partizani.
-I vetmi zyrtar që doli kundër makinerisë së Sali Berishës ishte Gjenerali Vladimir Qirjazi, i cili u kërcënua, shantazhua, transferua dhe më pas u ndëshkua me shkarkim. Sali Berisha përdori ministrin e Mbrojtjes dhe zyrën anti korrupsion në Kryeministri, për t’u bërë presion me kontrolle korruptive dhe shkarkim Gjeneralit Vladimir Qirjazi.
-Trashëgimtarët e pretenduar morën 26 mijë m2 tokë, nga 24 mijë që mund t’u takonin, duke përvetësuar kështu edhe 4 mijë m2 pronë publike.
-Në sipërfaqen e kthyer në mënyrë abuzive dhe klienteliste, u asimilua edhe rreth 500 m2 tokë e shtetasit Esat Pira, ku përfshihej edhe pishina tek ish-Klubi Partizani.
-Pati vlerësime dhe zhvlerësime abuzive të godinës së Klubit Partizani, me qëllimin e qartë për të favorizuar dhëndrin e Sali Berishës, që të paguante sa më pak para, në kurriz të interesit publik.
-Nuk dihet burimi i parave të Jamarbër Malltezi për ngritjen e 19 kullave tek prona e tjetërsuar, ku është pronar me 35-50 %. Në vitin 2006, Jamarbri dhe Argita kanë deklaruar vetëm rreth 40 mijë euro kurime që u kishin mbetur, pasi paratë e tjera i kishin investuar në blerjen e pasurive të paluajtshme.

Lexo këtu edhe investigimet e Report Tv për privatizimin e 'Kompleksit Partizani' nga 'klani Berisha'
INVESTIGIMI I
INVESTIGIMI II
INVESTIGIMI III

SI.E./xy/Shqiptarja.com

TAG:
• kompleksi partizani
• Jamarbër Malltezi
• spak
• ish kompleksi partizani
• aferat e klanit berisha

Lajme të tjera

• 

  Kryetari i bashkisë së Kolonjës, Erjon Isai shkon në SPAK: Nuk ka lidhje me krimet zgjedhore, u thirra për një ngjarje të vjetër

  30 Maj, 12:13
• 

  Tenderat e gatimit në spitalet e Elbasanit ushqejnë kompaninë e lidhur me krimin

  29 Maj, 13:46
• 

  Probleme me zemrën, Fredi Beleri prej 2 ditësh në spitalin e burgut! Në kërkim të betimit si kryebashkiak i Himarës, ‘lumë’ kërkesash në gjykata

  29 Maj, 11:27
• 

  Kallëzimi i Rithemelimit për kryebashkiakun e Kuçovës, Vokshi pas marrjes në pyetje nga SPAK: Hajdari ka shpërdoruar detyrën gjatë fushatës për 14 majin

  29 Maj, 11:10
• 

  Ryshfet për 1 makinë me dru në Elbasan, Report Tv siguron dosjen në SPAK! 2 OPGJ e Prokurori donin 100 mijë lekë: Mos nxirrni automjetin pa urdhër

  Keti Banushi 
  
  28 Maj, 15:10
• 

  Lorenc Vangjeli: Secilit të vetën

  Lorenc Vangjeli 
  
  27 Maj, 14:38
• 

  SPAK prangosi 8 persona për kultivim kanabisi në Krujë, GJKKO lë në burg 7 prej tyre! Report TV siguron dosjen e përgjimeve, grupet komunikonin me radio

  Sokol Dema 
  
  27 Maj, 11:30
• 

  Kreu i SPAK te ‘Ligjet’: Presion nga politika? Kanë punën e tyre, unë s’e ndiej! Asnjë zyrtar i lartë shkelës i ligjit s’ka ‘imunitet’ për ne! Majko-Xhafaj: Zbardhni dosjet prioritare

  26 Maj, 11:30
• 

  Shantazhonte bizneset me 1 mln lekë gjobë ose mbyllje aktiviteti në këmbim të 500 mijë lekëve ryshfet brenda 24 orëve, SPAK prangos inspektorin e ISHSH në Tiranë

  25 Maj, 17:44
• 

  SPAK finalizon operacionin anti-kanabis në Tiranë dhe Durrës, në pranga 8 persona, 5 në kërkim (EMRAT)

  25 Maj, 15:22
• 

  Tre vite hetime nga SPAK për 13 persona që trafikonin lëndë narkotike në Tiranë, Fushë Krujë dhe Durrës! Arrestohen 8 prej tyre, 5 të tjerë në kërkim

  25 Maj, 11:53
• 

  50 mijë deri në 100 mijë lekë ryshfet për të liruar makinat e bllokuara, nën hetim nga SPAK 2 policë gjyqësorë në Elbasan, arrest shtëpie njërit prej tyre! GJKKO lë në burg sekserin

  25 Maj, 09:17