Pavarësisht se sot nuk është raportuar asnjë vdekje nga koronavirusi, situata në spitalin infektiv është e rëndë. Sipas ministrisë së Shëndetësisë, pacientët në terapi intensive janë duke u shtuar, ndërsa në spital janë 84 persona të shtruar. Në 24 orët e fundit në vendin tonë janë shënuar 82 raste të reja me koronavirus.
"Situata në spitalin infektiv paraqitet serioze. Është rritur numri i të shtruarve dhe rëndohet situata shëndetësore e pacientëve në terarapi intensive. Aktualisht janë të shtruar 84 pacientë në spital, 11 pacientë janë në terapi intensive në gjendje serioze dhe 6 prej tyre janë të intubuar, në gjendje të rënde. Gjatë 24 orëve të fundit janë kryer 401 testime për të dyshuar të prekur me COVID19, nga të cilat janë konfirmuar 82 raste pozitive", thuhet në njoftimin e ministrisë.
Shpërndarja gjeografike e rasteve është si vijon: 30 raste në Tiranë, 11 në Shkodër, 6 në Kukës, 5 në Elbasan, nga 4 raste në Bulqizë, Krujë, Berat, Malësi e Madhe, nga 3 raste Kavajë, Përmet, 2 në Korçë, nga 1 rast në Pukë, Mirditë, Kamëz, Gjirokastër, Tepelenë, Dibër.
Në 24 orët e fundit janë shëruar 41 qytetarë, duke e çuar në 1832 numrin e të shëruarve që nga fillimi i epidemisë. Aktualisht në vendin tonë janë 1273 persona aktivë me COVID19, kryesisht në Tiranë, Shkodër, Krujë, Durrës.
Rekomandimi për qytetarët
Ruani distancën nga të tjerët të paktën 1.5 metër;
Mbani maskë në ambiente të mbyllura dhe kudo ku nuk mund të ruani distancën;
Ruani higjienën personale dhe kolektive
Nëse keni shenja të sëmundjes izolohuni dhe telefononi në numrin e Urgjencës Kombëtare 127 dhe në linjën e gjelbër 0800 40 40 për këshillim psikologjik apo çdo informacion për Covid19.
COVID-19 – Statistika (9 Korrik 2020)
Testime totale (molekulare dhe serologjike) 31,093
Raste pozitive 3188
Raste të shëruara 1832
Raste Aktive 1273
Humbje jete 83 (Qarku Tiranë 46, Durrës 13, Fier 5, Vlorë 2, Shkodër 12, Kukës 1, Elbasan 2, Lezhë 1, Berat 1)
Shpërndarja gjeografike e rasteve aktive sipas qarqeve:
Tiranë 509
Durrës 215
Shkodër 173
Vlorë 116
Lezhë 64
Fier 41
Elbasan 33
Korçë 32
Kukës 32
Berat 24
Gjirokastër 17
Dibër 17
Në përgjigje të të gjithë atyre personave që thonë se koronavirusi nuk ekziston, Ministria e Shëndetësisë ka bërë me dije te spitali Infektiv janë të intubuar tre persona në moshë të re. "Dhe akoma mes nesh që thonë se s’ka COVID! Po nuk e besoni, shkoni tek infektivi, ku aktualisht 6 persona janë të intubuar, mes tyre tre janë në moshë të re: 45, 46, 49 vjeç. Kjo nuk është lojë. Kush e konsideron lojë apo konspiracion, na rrezikon të gjithëve, Duhet marrë me shumë seriozitet kjo situatë, është shumë serioze”, tha ministrja.
Në Tepelenë është shënuar sot një rast i ri me koronavirus që burime bëjnë me dije se është një 39-vjeçare nga fshati Nivicë, e cila është nisur me urgjencë drejt Tiranës pak minuta më parë, sapo është mësuar se është e prekur.
Rasti konfirmohet nga NJVKSH Tepelene ku specifikon se 39-vjeçarja kishte ardhur nga Tirana para disa ditësh tek prindërit e saj në fshatin Nivicë dhe më pas kishte ndjerë simptoma të ngjashme me ato të COVID-19.
Kanë qenë inspektorët e NJVKSH ata që kanë marrë tampon tek 39-vjeçarja e cila sapo u konfirmua me këtë virus. NJVKSH sapo ka marrë tampone tek prindërit dhe tek kontaktet e 39-vjeçares në fshat.
Katër nga pesë të infektuarit e ditës së sotme në qarkun e Dibrës janë familjarë të mjekut që doli pozitiv të martën. Burime bëjnë me dije se këta janë persona që kanë patur kontakt të ngushtë me mjekun epidemiolog, i cili ndodhet në spitalin infektiv pas përkeqësimit të shëndetit të tij.
Ndërkohë ka nisur hetimi epidemiologjik i kontakteve të këtyre rasteve pasi vëllai i mjekut punon në minierën e Bulqizës.
Aktualisht në Dibër janë 17 raste aktive me koronavirus.
Dy rastet e konfirmuara sot ne Korçë janë kontakte të personave qe së fundmi kanë rezultuar pozitive. Te dy janë banorë të qytetit të Korcës dhe ndodhen të vetkarantinuar në banesat e tyre
Një pedagoge e Universitetit të Gjirokastës është infektuar me koronavirus. Lajmin e ka bërë të ditur për Report TV, zv/rektori Jaho Canaj, i cili tha se kolegia e tij është në gjendje të mirë shëndetësore. Sipas tij autoritetet kanë marrë të gjitha informacionet per personat e kontaktit.
"Një prej kolegeve tona ka rezultuar pozitiv me koronavirus. Sapo është marrë ky njoftim rektorati u mblodh dhe mori masat për të eliminuar përhapjen e koronavirusit. U morën informacionet kush ishin kontaktet e pedagoges, ishte një pedagoge dhe data e provimit të saj korrespondoi me 3 studentë sepse ishte provim i mbartur. Nuk ka vend për panik. Kolegia jonë është në gjendje të mirë shëndetësore. Është vetëizoluar në shtëpi dhe janë marrë masat për tu vetëkanrantinuar personat e kontaktit", tha Canaj.
Zv/rektori bëri të ditur se është izoluar godina B dhe është dezinfektuar i gjithë ambienti.
"Është izoluar godina B ku gjendet fakulteti ekonomik, janë dezinfektuar auditorët dhe për 24 orë do të jetë i hapur për tu zhvilluar mësimi", tha Canaj.
Në rrethin e Beratit sot kanë rezultuar pozitiv me koronavirus katër persona, ndërsa burime bëjnë me dije edhe nga ku vijnë. Dy prej tyre janë punonjës të Drejtorisë së Shëndetit Publik, ndërsa një është në fasoneri dhe rasti tjetër një infermiere në Urën Vajgurore.
Pas Tiranës, Kruja është një nga vatrat më nxehta, ku janë regjistruar më shumë raste me koronavirus.
Burime për Report Tv bëjnë të ditur se nga 28 testime, 4 prej tyre kanë rezultuar pozitiv. Deri tani në vendin tonë e kanë humbur betejën me COVID 83 persona.
Autoritetet i bëjnë thirrje të gjithë qytetarëve të ndërgjegjësohen për respektimin e masave të vendosura, pasi në spitalin infektiv janë shtruar edhe të rinj. Ndërsa bizneset duhet të respektojnë protokollet. Sipas ministrisë, situata në spitalin infektiv paraqitet serioze, ku ka rëndim të gjendjes shëndetësore të pacientëve në terapi intensive dhe është rritur numri i pacientëve të intubuar.
Lajme të tjera
-
Zbardhet vendimi/ 2-8 vite burg kush përhap infeksione pa e ditur, Gjykata Kushtetuese rrëzon ndryshimet në Kodin Penal, ndëshkim vetëm për përhapësit e sëmundjeve me dashje
18 Janar 2023, 21:35
-
Koronavirusi në Kinë, rreth 60 mijë vdekje brenda një muaji
14 Janar 2023, 12:45 -
Komiteti i Ekspertëve nuk vendos testin për pasagjerët nga Kina: Sugjerojmë doza të treta dhe të katërta të vaksinës kundër COVID-19
30 Dhjetor 2022, 16:08 -
1 humbje jete dhe 23 raste të reja! Situata Covid-19 në vend gjatë 24 orëve të fundit
23 Dhjetor 2022, 20:40 -
Një humbje jete nga covid dhe tre raste të reja brenda 24 orëve të fundit
19 Dhjetor 2022, 19:56 -
Nuk ka më dënime me burg për përhapje të sëmundjeve infektive, Kushtetuesja shfuqizon 2 paragrafë të nenit 89 që u shtuan gjatë pandemisë
17 Dhjetor 2022, 21:15 -
Marrëveshja me Pfizer për 700 000 doza vaksina të rialokuara, Alibeaj skeptik: Pse duhet me urgjencë, është kërkesë e Pfizerit, jo e jona
5 Dhjetor 2022, 15:21 -
17 raste të reja me Covid në të gjithë vendin! Asnjë humbje jete dhe 7 të shëruar brenda 24 orëve të fundit
4 Dhjetor 2022, 17:58 -
Ekonomia e shqiptare, 'Moody-s': Me perspektivë të qëndrueshme! Ulja e borxhit, klima e biznesit me ecuri pozitive! Rrezik, importi i energjisë dhe PPP-të
1 Dhjetor 2022, 19:15
-
17 raste të reja nga 395 testime të kryera në vend! Asnjë humbje jete dhe 6 të shëruar në 24 orët e fundit
1 Dhjetor 2022, 18:26 -
Turizmi në Shqipëri, mbi 6.7 milionë të huaj për 10 muajt e parë të vitit! Ja nga cilat shtete ka rritje më të madhe të turistëve
1 Dhjetor 2022, 16:40 -
Situata Covid-19 në vend! 5 raste të reja dhe asnjë humbje jete në 24 orët e fundit
30 Nëntor 2022, 18:00
