71 kilogramë drogë janë sekuestruar sot nga policia në fshatin Golem në Gjirokastër, ndërsa u shpall në kërkim personi i dyshuar si poseduesi i saj.

Sipas policisë, pas informacioneve të marra, ata kanë bërë një kontroll në banesën e 53 vjeçarit me inicialet J.K, ku gjetën 71 kg lëndë narkotike e dyshuar Kanabis, e cila ishte e futur në disa thasë, si dhe një sasi prej 54.5 gramë kanabis në trajtën e pluhurit.

Lënda narkotike u sekuestrua në cilësinë e provës materiale, ndërsa u shpall në kërkim 53 vjeçari banues në Sarandë.

Materialet i kaluan Prokurorisë pranë Gjykatës së Shkallës së Parë Gjirokastër, për hetim të mëtejshëm për veprën penale "Prodhim dhe shitje e lëndëve narkotike”

[gallery]23165[/gallery] 
Njoftimi i plotë i policisë:
Gjirokastër.

Operacion antidrogë i koduar "GOLEMI".

Sekuestrohen 71 kg lëndë e dyshuar narkotike Cannabis Sativa.

Shpallet në kërkim poseduesi i lëndës narkotike.
 
Në bazë të informacioneve të mara në rrugë policore se në fshatin Golem, Gjirokastër, në banesën e shtetasit J.K kishte lëndë narkotike Cannabis Sativa, nga seksioni i
Hetimit të Narkotikëve në D.V.P. Gjirokastër, u krye kontroll në këtë banesë.

Nga kontrolli i ushtruar u gjetën 71 kg lëndë narkotike e dyshuar Cannabis Sativa, e cila ishte e futur në disa thasë, si dhe një sasi prej 54.5 gr lëndë narkotike në trajtën e pluhurit (cokollatë) e dyshuar Cannabis Sativa.

Lënda narktike u sekuestrua në cilësinë e provës materiale.

Nga specialistët e seksionit të Hetimit të Narkotikëve u bë shpallja në kërkim e shtetasit:
J.K, 53 vjeç, banues në Sarandë.

Po punohet për kapjen e autorit.

Materialet i kaluan Prokurorisë pranë Gjykatës së Shkallës së Parë Gjirokastër, për hetim të mëtejshëm për veprën penale "Prodhim dhe shitje e lëndëve narkotike” parashikuar nga neni 283/1 i Kodit Penal.

Redaksia Online
J.Sh Shqiptarja.com