Katër persona janë arrestuar dhe 66 kilogramë janë sekuestruar në dy operacione të policisë në Tiranë e Lezhë.
Policia e Tiranës ka arrestuar një shtetas 28-vjeçar, Refik Gjoka, banues në Tiranë. Gjoka është arrestuar në flagrancë pas një një bashkëpunimi midis seksionit kundër narkotikëve të policisë së Tiranës dhe Komisariatit të Vorës.

Një pjesë e sasi së kanabisit iu gjet gjatë kontrollit në makinën e tij, Opel.
Pas kontrollit të ushtruar në banesë,  iu gjet edhe pjesa tjetër, e ndarë në 13 thasë dhe qese plastmasi.

Në Lezhë, në bazë të informacioneve të siguruara në rrugë operative, u bë i mundur realizimi me sukses i operacionit "Acari", me arrestimin në flagrancë të tre shtetasve:
1- Fatmir Gjoka , 30 vjeç, banues në Rreshen
2- Alfons Gjoka , 46 vjeç, banues në Tiranë
3- Preng Pjetri , 39 vjeç, banues në Mirditë

[gallery]20448[/gallery]

Këta tre shtetas, në aksin e vjetër rrugor Lezhë - Milot, në vendin e quajtur Pllanë , u kapën në flagrancë me automjetin e tyre tip Benz me targë DR 3609 E, ku kishin të fshehur në katër thasë 22 kg lëndë narkotike të dyshuar cannabis sattiva, e cila u sekuestrua në cilësinë e provës materiale së bashku me mjetin e tyre.
d.i./Shqiptarja.com