Granatë në zyrën e Dedjes, "Ma dhanë këtë pako për ty"
Granatë në zyrën e Prefektit Taulant Dedja. Bashkim Muceku, 43 vjeç, banues në Laprakë ka hyrë dje në zyrën e Dedjes me një granatë në dorë. Ndërkohë është lajmëruar grupi i gatshëm i Rajonit nr.3, që kanë bërë të mundur shoqërimin e 43- vjeçarit.
TIRANE
(8/11/2000)
Granatë në zyrën e Prefektit Taulant Dedja. Bashkim Muceku, 43 vjeç, banues në Laprakë ka hyrë dje në zyrën e Dedjes me një granatë në dorë. Ndërkohë është lajmëruar grupi i gatshëm i Rajonit nr.3, që kanë bërë të mundur shoqërimin e 43- vjeçarit.
Vetë Dedja ka treguar se është përpjekur të ruajë gjakftohtësinë, gjë që duket dhe se ka bërë të mundur që të shmanget tragjedia.
Ngjarja
Rreth orës 8.30 të mëngjesit të djeshëm, pas dy takimeve të para në zyrën e Prefektit, është paraqitur Bashkim Muceku, banor i lagjes Laprakë në Tiranë. Sapo është ulur në prezencë të shefit të Kabinetit dhe Dedjes, 43-vjeçari ka nxjerrë nga xhepi një pako të mbështjellë. "Hape, e kam sjellë për ty këtë pako", i është drejtuar Mucaku prefektit Dedja dhe kur ky ka refuzuar ta bëjë një gjë të tillë, ai e ka bërë vetë. Por mbas heqjes së letrës së ambalazhit ka ndodhur dhe surpriza. Brenda saj ndodhej një granatë, por që fatmirësisht ishte e paaktivizuar. Vetëm gjakftohtësia e dy zyrtarëve ka shmangur komplikimin e paparashikueshëm të situatës. Biseda ka vazhduar qetësisht, ndonëse mbi tryeze qëndronte granata luftarake. Më pas është lajmëruar përgjegjësi i zyrës së rendit e mbrojtjes në Prefekturë dhe grupi i gatshëm, që ndaluan menjëherë Mucakun.
Letra
Pak ditë më parë Bashkim Muceku i kishte nisur një letër Dedjes, ku kërkonte një takim me të. Letra fliste për disa rregullime në infrastrukturën e Laprakës, ku nuk harroheshin së përmenduri interesat kombëtare. Ndërkohë 43-vjeçari është takuar me prefektin, duke i sjellë një granatë "dhuratë". Masat e sigurisë në institucionet e klasifikuara të rëndësisë së veçantë janë minimale. Ngjarja e djeshme në Prefekturë është pothuaj analoge me ngjarjen në komedinë "Prefekti" e Levonjës. Pasazhe të komedisë janë afërsisht njësoj: "Do t'vi njoni e do t'thotë, merre kte hurmë arabie e veja Prefektit mbi tavolinë".
Sëmundja
Pas ndërhyrjes së grupit të gatshëm të komisariatit nr.3 të policisë u arrit në përfundimin se Bashkim Muceku është me çrregullime nervore. Pas pyetjeve drejtuar tij, 43-vjeçari i ka thënë se një person ia ka dhënë në dorë granatën dhe i ka premtuar se në prefekturë do t'i jepnin para, pasi aty grumbulloheshin armët. Prefekti i Tiranës, Taulant Dedja, thotë për "Gazeta Shqiptare": "Nuk pata frikë në momentin që pashë granatën, pasi vura re se ishte e çaktivizuar, madje edhe Bashkimin e trajtuam me qetësi, duke parë gjendjen shëndetësore të tij".
//Shqiptarja.com
Sondazhi i ditës:
A po jep rezultate lufta e SPAK ndaj grupeve kriminale?
-
Po
73.9%
-
Jo
19.1%
-
Nuk e di
7%
Vota total: 2590
Votat totale janë unike
Lajme të tjera
-
Kush janë 5 finalistët e Big Brother VIP, ja kush e la shtëpinë
19 Maj, 08:36
-
Operacioni i SPAK, Sula: Bandat drejtojnë si zara drejtuesit e policisë, detyrojnë dhe ministrat të çohen në mes të natës për hallet e tyre
19 Maj, 08:30
-
Ultimatumi i ministrit të kabinetit të luftës Gantz për Netanyahun: Një plan për qeverisjen e Gazës ose jap dorëheqjen
19 Maj, 08:12
-
Aksident i rëndë në aksin Kuç-Qeparo, makina futet mes për mes trafik ndarëses! Drejtuesja në gjendje të rëndë
19 Maj, 07:54
-
Lufta/ OKB: 800 mijë njerëz po largohen nga Rafah
19 Maj, 07:37
-
Vranësira dhe reshje shiu lokale, parashikimi i motit për sot
19 Maj, 07:23
-
Me kalimin e ditëve...dëshira për hakmarrje rritet...çfarë thonë yjet për ju sot
19 Maj, 07:08
-
Shpërthim me tritol në banesën e 50-vjeçarit në Fushë-Krujë, policia në kërkim të autorit (EMRI+VIDEO)
18 Maj, 22:54
-
Dita e muzeve, art në ndërtesat historike të Shkodrës (VIDEO)
18 Maj, 22:50
-
Krimineli maqedonas dhe shqiptari lidhin e dhunojnë 3 të moshuar në Greqi! U grabisin 19 mijë euro e stoli! Arrestohen në pyll
18 Maj, 22:20
-
Maqedoni e Veriut, më 22 maj rivotime në disa qendra votimi
18 Maj, 22:12
-
Meritoni debat me Eglën: Luan rolin e viktimizimit, e shoh të revoltuar që nuk arriti ajo e para në finale
18 Maj, 21:44