POP 5

Lajmet më të lexuara të 5 minutave të fundit

Opinion

A mund t’ia kujtojë dikush Presidentit, që nuk është në garë në zgjedhjet e vitit 2021?

Ilir Meta mund ta ketë të madhe dëshirën për t’u shfaqur si kryetar i një partie opozitare, por në fakt është President dhe garën e pushtetit të tij e ka në vitin 2022 kur i mbaron edhe mandati.

A mund t’ia kujtojë dikush Presidentit, që nuk është në garë në zgjedhjet e vitit 2021?

Përmes rrjeteve sociale, Ilir Meta ka njoftuar sot një takim tjetër që ka zhvilluar me Lulzim Bashën, i dyti për këtë javë. Përmes një frazeologjie të zgjedhur me kujdes, për t’i dhënë mesazhit rëndësi, Presidenti shprehet se ka marrë një sugjerim në mesnatë. Dhe ky mesazh e ka futur në mendime aq sa që pa gdhirë, siç thotë vetë, ka ftuar kreun e PD në takim.

Në thelb, tema e diskutimit që pranohet edhe nga ai vetë ka qenë një deklaratë e Partisë Demokratike e disa ditëve më parë. Kjo e fundit kërkon që ndryshimet kushtetuese të shkojnë për diskutim në tryezën e Këshillit Politik. Më pas, Oerd Bylykbashi me Petrit Vasilin të japin ose jo konsensus për ndryshimet në fjalë.
Meta shfaqet i painformuar në këtë rast, apo sikur i kishte ‘shpëtuar’ ky qëndrim i PD dhe iu desh Basha që pa dalë dielli që t’ia përsëriste në zyrë.

Gjithësesi duket se Ilir Meta ka gabuar garën ku po përpiqet të hyjë. Me sjelljen e tij aktive, pa zgjidhur asgjë por vetëm duke pritur e përcjellë Lulzim Bashën, ai ka shtuar shumë pikëpyetje rreth rolit të tij. Mbi të gjitha. mënyra sesi po përpiqet të ndërhyjë në debatin politik është e zhbalancuar.

Kjo, jo vetëm pse komunikon veç me njërën palë dhe nuk bën asnjë ftesë për takim me palën tjetër, por edhe sepse këto takime po i organizon kreu i shtetit, që ka në dorë veç të caktojë datën e zgjedhjeve.

Por pse vetë Presidenti është i gatshëm gjithmonë që ta shkelë rolin e tij si balancues, që ia imponon posti që mban? Ilir Meta mund ta ketë të madhe dëshirën për t’u shfaqur si kryetar i një partie opozitare, por në fakt është President dhe garën e pushtetit të tij e ka në vitin 2022 kur i mbaron edhe mandati.

Ah po, harruam se Ilir Meta nuk ka ikur kurrë nga LSI. Sikurse në zgjedhjet e fundit, ku i sapovotuar si President mori flamurin e partisë dhe drejtoi fushatën elektorale nga mëngjesi në darkë…/ Javanews

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kasem gahinji: 17/07/2020 12:41

    Po te ishte pak i zgjuar do ta kuptonte qe edhe mosshkarkimi i tij u vendos pikerisht per ta perjashtuar ,qofte dhe perkohesisht nga futja ne zgjedhjet e 2021.me mire per te te jape doreheqjen per tu vene ne krye ose te pd ose te gjeje mundesine per ringritjen e lsi me emer tjeter.

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça