Një parti e braktisur nga militantët dhe mbështetësit e saj jo krejt papritur, një parti e braktisur nga ata “mijëra” anëtarë që i propogandonte dhe i prezantonte me mburrje Monika por dhe Iliri dikur, e braktisur edhe nga faktori ndërkombëtar, sot pretendon se do të “fitojë në 25 Prill 2021, 34 mandate deputetësh”. Një parti, ku gjysma e atyre që ka patur në zyrat e shtetit, janë sot me “cen” në prokuroritë dhe gjykatat e vendit, pretendon të fitojë jo pak, por 34 mandate.
Nuk është e rreme, as gjëagjëzë e ditës, por deklaratë e zonjës Monika në një prej televizioneve, nga ku ka përshfaqur dukshëm dhe me britma, programin e partisë, duke u shprehur se “34 mandate marrim ne si LSI, edhe nja 70 mandate PD, dhe marrim pushtetin”. Të kesh dy, një ta mbash, dhe një ta ndash. Një kryetare e përkohshme partie (sepse pas 1 viti vjen Ilir Meta në LSI) që ka dy vjet që rropatet të gjejë mitingashë dhe nderëbërës të dikurshëm për mbledhjet e partisë, një kryetare që i bën fresk Lulzimit, edhe kur nuk e ka përballë sikur ta besonte se vërtetë ai do të “marrë pushtetin dhe bëhet një ditë kryeministët”, del dhe bën deklarata të forta dhe paracakton numrin e mandateve të reja në Parlament.
A thua ti fitojë LSI këto 34 mandate, a thua të marrë e shumta 3-4 mandate, të paktën për të mos u turpëruar më shumë se kaq ? Mendoj se rrjedhjet e pandërprera nga ajo parti, largimet e atyre që dikur Monika dhe Iliri, i quanin “anëtarë dhe mbështetës”, e ka një shpjegim. Nuk ka se si të ngrihet “kështjella prej rëre”, pasi ajo kërkon gurë të fortë. Kështu e ngriti edhe LSI dikur Ilir Meta. Asnjëherë ajo parti, nuk ka patur anëtarësi stabile, asnjëherë ajo parti nuk ka patur deputetët e saj, asnjëherë ajo parti nuk ka zhvilluar mitingjet dhe mbledhjet e saj, asnjëherë ajo parti nuk ka patur militantët e saj, sepse u krijua nga asgjëja. Përgjatë gjithë historisë saj, LSI, ka jetuar me lëmoshën e PS dhe PD, me pushtetin e saj, gjithmonë ka ecur me paterica, dhe asnjëherë me “gurët” e themelit të vet. LSI, mbetet një parti autobuz, që në çdo stacion, herë mbushet, (kur ka pushtet) dhe herë boshatiset (kur e lënë pa pushtet). Si mund të gënjesh (jo vehten) dhe të mundohesh të bësh diçka të parealizueshme si të besueshme, kur në rrethe LSI, thuajse nuk ekziston ? Si mund të pretendosh 34 mandate, kur përgjatë 4 viteve, nuk ka mbetur 1 deputet i saj,që të mos ketë kaluar tek PS, të mos ketë mbështetur PS dhe Edi Ramën.
Asnjëherë Ilir Meta dhe Monika, nuk kanë shpjeguar faktin, përse u larguan të gjithë nga LSI, përse u braktis ajo parti në mënyrën më të turpshme, se përse themeluesit e saj gjetën “strehë” tek Partia Demokratike, duke menduar se do të “bëhen faktor të përhershëm në politikë” ? Por me LSI, ka ndodhur ajo që ka ndodhur me çdo parti, që krijohet nga pazaret e politikës. Të marrësh 34 mandate, (dhe kur pa, në 2021) është një ëndërr e keqe Monika, një ëndërr me Jalë dhe Lalëz, një dëshirë që nuk mund të realizohet edhe kur ke para të madhe, sepse në politikë shpesh paraja të lë zbuluar, dmth, të lë edhe pa mandate. LSI-ja, duhet ta kuptojë se iku koha kur bliheshin mandatet si domatet, se iku koha kur mund të fitosh mandate duke mbajtur në njërën dorë thesin plot me para, dhe në tjetrin kutinë e votimeve. Edhe diçka, Monika përse nuk garon sërish në Cerrik-Belësh, u ke dhënë fjalën atyre “hallexhinjve” atje, se nuk do ti braktisësh?
Komente
Lajme të tjera
-
Privatizuan 13 mijë metra katrorë tokë shtet tek Gjiri i Lalzit, 'arrest me burg' ish-kreut të Kadastrës së Durrësit! Ardian Kona i afërm i Monika Kryemadhit
22 Nëntor, 11:35 -
Spahiu: Meta dhe Monika duhet ishin larguar vetë nga politika në 21 Janar pas videos me Dritan Priftin
20 Nëntor, 17:56 -
Privatizuan 13 mijë metra katrorë tokë shtet tek Gjiri i Lalzit, me letra false, arrestohet ish-kreu i Kadastrës së Durrësit! Ardian Kona, i afërm i Kryemadhit! U zbulua nga përgjimet (EMRAT)
20 Nëntor, 16:38 -
GJKKO sekuestron 2 vilat e Monika Kryemadhit dhe të ëmës tek rezidenca VIP e 'Kodrës së Diellit' në Tiranë! Pjesë e hetimit për lobimin në SHBA e dosjen CEZ-DIA
20 Nëntor, 15:10 -
Afera CEZ- DIA e lobimi në SHBA, Apeli i GJKKO-së lë në burg Ilir Metën, s'ndryshon masën as për Kryemadhin! Monika: SPAK, 34 fashikuj me falsifikime, heq dorë nga politika! Me Ilirin s'ka më kthim pas
19 Nëntor, 16:34 -
Lobimi në SHBA dhe dosja CEZ-DIA/ Kryemadhi shkon në SPAK me vajzën: Erdha të lexoj fashikujt! Nesër Apeli i GJKKO-së vendos për dhe për Metën! Presidenti i PL-së: Mos protestoni (VIDEO)
18 Nëntor, 13:13 -
'Skaneri' i SPAK në familjen e Kryemadhit/ Babai kambist, vëllai i ka punuar si furrxhi dhe DJ, nëna 83 mijë lekë në muaj rrogë
12 Nëntor, 22:19 -
Arrestimet e Metës dhe Çyrbjas, Apeli i GJKKO cakton të njëjtën gjyqtare për ankimimet! Po ashtu edhe për Kryemadhin, ja emri i magjistrates
11 Nëntor, 13:33 -
'Topalli me diasporën, nuk e di a do ketë energji?!' Meçe në 'Studio Live': Nuk e shoh normale që sekretet e shtetit të jenë tek telefoni i Monikës
5 Nëntor, 18:28 -
Lobimi në SHBA dhe CEZ-DIA, Meta kërkon lirinë, Kryemadhi ankimon detyrimin e paraqitjes! Monika në SPAK: Do u tregoj të vërtetat e ‘satelitëve’ të Shqipërisë
4 Nëntor, 09:50
-
Nën akuzë për korrupsion, Piro Xhixho paraqitet në SPAK për masën detyrim paraqitjeje (VIDEO)
30 Tetor, 11:19 -
Jakin Marena: Berisha ‘lojë’ mes Metës e Kryemadhit dhe ‘koncidenca’ Durim Bami
29 Tetor, 20:41
Te vij prap ne Gramsh ta provoj kur sditi te vleresonte njerezit e duhur hajde provoje me keta te mbaruarit qe jane lepiresa se sa vota do marresh.
PërgjigjuPo mori LSI-a 34 ,Nardi yne merr 40 e kusur!!!!
PërgjigjuRrnofte Nard Noka Kryminitri i ardhshem i Shqipnis
Ti thua te kesh dy nje ta mbash nje ta cash... po Mona nje qe ka ama e ka te forte dhe mban jo 34 po 340 vet.
Përgjigju