Nga e hëna e javës së ardhshme pritet një rritje e lehtë e tepmeraturave. 

Meteorologia Lajda Porja në një prononcim për Report Tv është shprehur se dita e sotme dhe e nesërmja do të jetë ditët më të ftohta të vitit e ndërsa nga java tjetër pritet një rritje e lehtë dhe graduale të temperaturave.

Temperaturat e ulta kanë pushtuar vendin, të cilat kanë sjellë jo pak probleme, pasi një pjesë e mirë e zonave veriore dhe verilindore vuajnë ende rrezikun e bllokimit nga dëbora dhe ngricat.

Sipas metorologes në kryeqytet temperaturat shënojnë -5 gradë celcius, në zonat verilindore temperaturat variojnë nga -16 gradë e deri në -20 gradë në zonat më të thella, e ndërsa në zonat juglindore termometri shënon -17 gradë. 

"Nga e hëna do të kemi një rritje të lehtë dhe graduale. Sot dhe nesër janë ditët më të ftohta të vitit", u shpreh Porja për Report Tv.

Redaksia Online
l.q/Shqiptarja.com