Tirane- Prej tetorit të vitit të vitit 2023 Sali Berisha dhe dhëndri i tij Jamarbër Malltezi u vendosën si persona nën hetim për aferën e privatizimit të klubit “Partizani”, një aferë disa milionëshe. Një dosje me prova, plot 500 faqe, i është vendosur përpara të dyve në komunikimin zyrtar të akuzës, dosje e cila nuk është bërë publike.
Berisha është hetuar dhe akuzohet nga SPAK se ka ndërmarrë ndryshime ligjore në përfitim të dhëndrit të tij, Jamarbër Malltezi – duke i mundësuar këtij të fundit që të ndërtonte biznesin e një kompanie nga e cila përfitoi të paktën 5.4 milionë euro. Berisha akuzohet se ka ushtruar ndikimin e tij, ka urdhëruar kontrolle administrative dhe vendimmarrje të tjera për përfundimin e procedurave të privatizimit të Partizanit, ku përfitonte Malltezi, bashkëshorti i vajzës së tij. Strukturat shtetërore, deri në ministra, janë vendosur në funksion të Malltezit me urdhër të Berishës.
Në dosje evidentohet se me ndryshime ligjore Berisha ndryshoi destinacionin e zonave nga sportive në të banimit, gjë që ka çuar në kryerje ndërtimesh, nga të cilat ka përfituar drejtpërdrejtë milionat Malltezi.
Malltezi, duke shfrytëzuar pushtetin e vjehrrit të tij Kryeministër, ka arritur të privatizojë kompleksin Partizani dhe në bashkëpunim me Fatmir Bektashi ka pastruar paratë duke u paraqitur si investitor në punimet për ndërtimin e të paktën 19 kullave të ish kompleksi Partizani.
Pas skandalit të privatizimit të Klubit Partizani nuk fshihen vetëm procedurat për të lehtësuar dhe abuzimet që Sali Berisha dhe qeveria e tij bënë për të favorizuar Jamarbër Malltezin e për të bërë të fitonte shumë milionë euro edhe pse ishte pronari i vetëm 113 metra katrorëve tokë. Në dosjen e SPAK hidhen hipoteza për abuzime me sipërfaqen e kthyer trashëgimtarëve dhe mbi vlerën që i duhej paguar në të vërtetë Shtetit. Akuza e SPAK-ut flet për 4400 metra tokë që ishte shtetërore dhe thotë se dhendri i Sali Berishës, bashkë me trashëgimtarët e tjerë, nuk i ka paguar Shtetit një shumë prej 114 milionë lekësh të reja si çmimi i kësaj toke.
Në lidhje me hetimin, SPAK me vendim të GJKKO, i konfirmuar deri me vendim të Gjykatës së Lartë, ka sekuestruar 25 pasuri të Jamarbër Malltezit dhe Argita Malltezit. Bëhet fjalë për 6 llogari bankare me vlerë 250 mijë euro, 5 apartamente në rrugën “Dëshmorët e 4 shkurtit' e Frosina Plaku si dhe te rruga 'Mustafa Matohiti'. Një prej pasurive që është vendosur nën sekuestro preventive është edhe vila luksoze në Gjirin e Lalzit. Janë sekuestruar përqindje aksionesh në Homeplan, “Magnet Imo” dhe “Magnet & Gym”.
Përveç hetimeve mbi prova të reja për këtë aferë, në Prokurorinë e Posaçme po vijon intensivisht edhe hetimi pasuror për familjen Berisha. Hetimi është i thelluar dhe i hollësishëm për origjinën e pasurive të gjithë familjes, duke mos përjashtuar këtu edhe fondet dhe pasuritë e paluajtshme të Fondacionit për Fëmijët Shqiptarë, organizatës joqeveritare të themeluar nga Liri Berisha.
Komente
Lajme të tjera
-
Po tani, ka drejtësi zoti Berisha ?
27 Nëntor, 22:37
-
GJKKO i hoqi 'arrestin shtëpiak' Berishës, Kthupi në 'Repolitix': Praktikë gjyqësore, dosja ka shkuar për hetim, Berisha nuk prish më provat! Gazetari: Bien akuzat e PD për kapje të drejtësisë
27 Nëntor, 21:39 -
Spahiu: Dyshoj se për 10 vjet, nuk ka gjykatë që guxon të dënojë Berishën dhe Ramën
27 Nëntor, 21:15 -
Elezi në Report Tv: Berisha nga Partia Komuniste, dështoi me protestën! Toska: Fije shprese për mbështetësit
27 Nëntor, 21:11 -
Evi Kokalari reagon për lirimin e Berishës: Mos u gëzoni kot, s’ka lidhje administrata e Trump! Më intereson investigimi i kullës së malit, për atë më bënë kurban!
27 Nëntor, 19:10 -
Jakin Marena: Berisha ‘xhiroi bosh’ një vit, rikthim në pikën zero, pa kauza e alibi
27 Nëntor, 19:03
-
Falenderoi gjyqtaren që e liroi, por çfarë thoshte Berisha pak ditë më parë për të
27 Nëntor, 18:33
-
Ylli Pata: Mitet që rrëzoi dhe precedenti që hapi lirimi i Sali Berishës
27 Nëntor, 18:18
-
I dhj….rë , por krenar!
27 Nëntor, 18:05
-
Berisha u lirua nga 'arresti shtëpiak', Haklaj për Report Tv: Bie alibia e tij se drejtësia është e kapur! Anëtarja e FRPD: Vendimi i vonuar, mosbindje civile deri në qeveri teknike
27 Nëntor, 18:01 -
Kreshnik Spahiu: Gjykata e 'Ramës' apo gjykata e pavarur e liroi shtetasin Berisha?
27 Nëntor, 17:00
-
Dritan Hila: Më mirë rrugëve!
27 Nëntor, 15:18
Dosje me 500 fq me prova??? Prova mund te kete edhe nje e vetme por me 500 fq. Provat nuk jane fakte por permbajme te tilla. Gjsesi. Bollinofoni hesapi.
Përgjigju