Ministri për Rindërtimin Arben Ahmetaj tha se qeveria ka bërë gjithçka për të siguruar vaksina dhe se duhet theksuar se nuk ka siguruar vaksina dosido por ata vaksina që kanë një përdorim të gjerë në shtete të ndryshme dhe që kanë certifikatën e sigurisë me vete, pra vaksina të sigurta për shëndetin.
I ftuar në "5 pyetje nga Babaramo" në Report Tv, Ahmetaj tha se shumë shpejt pritet të mbërrijnë rreth 82 mijë doza AstraZeneca nga COVAX dhe 50 mijë AstraZeneca dhuratë nga një vend mik dhe gjithashtu deri në fund të prillit vijnë edhe 30 mijë doza Pfizer. Ministri Ahmetaj tha se duhen diku te 4 deri në 5 milionë vaksina për të përmbyllur vaksinimin masiv që nga mosha + 16 vjeç.
"Presim rreth 82 mijë nga AstraZeneca shumë shpejt nga COVAX edhe nga një vend mik presim edhe 50 mijë doza AstraZeneca. Deri në fund të prillit presim 30 mijë doza Pfizer. Oferta është e kufizuar për shkak të kapaciteteve jo fort të përgatitura prodhuese dhe se kërkesa ka ardhur gjithnjë në rritje. Nëse nuk do kishim bërë këtë që kemi bërë, nëse nuk do ishim agresivë në kërkesën për të kontraktuar vaksina, nuk do arrinim dot të sillnim vaksinat që janë. Ky proces deri tani ka kushtuar, midis COVAX, Pfizer edhe Sinovac, shkon diku më pak se 20 milion dollarë, në një mesatare. Unë mendoj se do na duhen diku te 4 deri në 5 milion vaksina dhe do vijojmë të kontraktojmë me agresivitet sepse nuk besoj që vaksinimi një herë do jetë i mjaftueshëm. Për vitin 2021 është e papërcaktuar sa mund të kushtojë vaksinimi. Qëllimi është të vaksinojmë në kohë rekord të gjithë popullatën mbi 16-vjeç", tha Ahmetaj
Ministri Ahmetaj tha se vendi deri tani ka marrë mbi 283 mijë vaksina dhe se me këto ka nisur vaksinimi masiv i popullsisë. Ahmetaj tha se vaksinimi përveçse do të mbrojë shëndetin dhe vjen para sezonit turistik që do të lehtësojë atë.
"Deri më tani janë mbi 41 mijë vaksina Pfizer, plus 40 mije AstraZeneca, 10 mijë Sputnik V që janë dhuratë e Princit të kurorës së Emirateve të Bashkuara do të marrim edhe 50 mije doza të tjera dhe janë edhe 192 mijë vaksina kineze që kanë ardhur. Pra në vend kanë mbërritur 283 mije vaksina që janë sot në proces dhe presim në ditë që vijën sasi të mëdha. Çmimi është i referuar me çmimet që shesin prodhuesit në bazë të kontratave që ne kemi, nuk jemi të lejuar të nxjerrim çmimet. Ata depozitohen në Kuvend një kopje në mënyrë që të mos shpërndahen dhe të mos e referojë publikisht. Kur flasim për vaksinës duhet të kemi parasysh 3 elementë kryesorë, që nuk flitet për një vaksinë që flasin shkencëtarët dhe e dyta duhet të kemi parasysh që në terreni shëndetësor ka një nevojë për vaksina pasi çdo vaksinë shpëton jete. Ne nuk po marrim çdo lloj vaksine, por vaksina që po përdoren gjerësisht në shtete të ndryshme dhe e treta në favor të ekonomisë ku presim një stinë turizmi para", tha Ahmetaj.
Në ditën e 9-të të vaksinimit masiv u kryen 13.826 vaksina, ndërsa në total që nga 11 janari kur ka nisur procesi i vaksinimit në Shqipëri vaksinuar 206,708 qytetarë. Aktualisht po vaksinohen të moshuarit +65 vjeç, gazetarët, operatorët, policët. Qeveria shqiptare ka siguruar deri më tani vaksinat Pfizer, AstraZeneca, ajo ruse Sputnik dhe ajo kineze Sinovac.
Ministri i Rindërtimit, Arben Ahmetaj tha sot në “5 pyetje nga Babaramo”, se procesi i rindërtimit do të përfundojë në pranverën e vitit 2022 dhe më konkretisht në muajin prill.
Ahmetaj u shpreh se deri më tani më shumë se 2500 njësi individuale që kanë përfunduar, ndërsa shtoi se një proces rindërtimi edhe 500 mijë të tjera.
Po ashtu Ahmetaj shtoi se janë rreth 12 mijë apartamente në proces ndërtimi dhe se vetëm në Durrës janë rikonstruktuar 400 pallate dhe janë në proces edhe 200 të tjerë.
“Kemi thënë që një pjesë dërmuese e njësive individuale do jenë gati në fund të vitit, janë diku te 2 mijë dhe më shumë për njësitë individuale, jemi diku mes 2000 dhe 2500, janë 500 mijë njësi individuale që ne do të rindërtojmë. Jemi në proces të plotë për 160 shkolla, kombinim midis buxhetit të shtetit dhe donatorëve, janë rreth 12 mijë apartamente në proces ndërtimi. Vetëm në Durrës janë rikonstruktuar 400 pallate dhe janë edhe 200 të tjera. Kemi dhënë rreth 2.9 miliard lekë bonus qiraje në vitin e kaluar dhe do vazhdojmë të bëjmë të njëjtën gjë gjatë këtij viti. Premtimi jonë i bazuar në procese konkrete, është që në pranverën e vitit 2022, diku në prill, nuk do ketë më asnjë shenjë nga tërmeti i 2019. Të gjitha grantet janë sot angazhuar zyrtarisht në procese të ndryshme rindërtimi. Nuk kemi asnjë grant të marrë”, tha Ahmetaj.
Lajme të tjera
-
Dosja ‘Buka’, GJKKO nuk nis gjykimin për Ahmetajn, i jep SPAK 3 muaj kohë të plotësojë hetimet
10 Dhjetor, 13:48
-
Kreshnik Spahiu: Pastroni politikën duke sekuestruar 10 telefonat e oligarkëve dhe jo 10 grave apo vjehrrave…
9 Dhjetor, 16:22
-
‘Unë mund të vdes! Djalin e kam me epilepsi’, thirrja e të moshuarit në Lezhë që ka mbetur në kasolle 5 vite pas tërmetit
26 Nëntor, 17:00
-
5 vite nga tërmeti vendi ende në rindërtim! Janë dorëzuar 11,663 banesa e apartamente, kostoja në buxhet arrin 920 mln euro
26 Nëntor, 16:39
-
Pesë vite nga tërmeti, 1123 familje ende pa shtëpi në Durrës! Procesi i rindërtimit i vonuar dhe në Lezhë, Kurbin e Krujë
26 Nëntor, 16:36 -
‘Dy vite mësim me turne, fëmijët vijnë në shtëpi natën!’ Protesta në Golem të Lushnjes nxjerr në pah propagandën për ‘rilindjen e shkollës’
19 Nëntor, 08:38
-
I pandehur për shkelje të barazisë në tenderë, deputeti i PS, Plarent Ndreca 4 orë në SPAK: Flas në momentin e duhur
15 Nëntor, 13:06 -
Delvinë/ Banorët kontribuojnë për kthimin në identiteti të kishës bizantine
9 Nëntor, 17:15
-
'Shkundja' e tërmetit ende pasoja në buxhet! Në 5 vite rindërtim, kostoja 920 mln €
7 Nëntor, 16:01
-
Dosja 'Buka', Avokatët e Ahmetajt kërkojnë pushimin e çështjes, SPAK kalimin për gjykim! GJKKO vendos më 18 nëntor
4 Nëntor, 11:45
-
Durrës/ 78 kasolle derrash i vlerësuan si banesa! Zbardhen emrat e 5 zyrtarëve të Rrogozhinës! 353 mln lekë dëm shtetit
1 Tetor, 10:10
-
Afera e Inceneratorëve/ SPAK shtyn me 3 muaj afatin hetimor për ish-zv/kryeministrin Arben Ahmetaj, i mbyll më 22 Dhjetor
23 Shtator, 11:19
