POP 5

Lajmet më të lexuara të 5 minutave të fundit

Ekonomi

Akti normativ: Fondi rezervë i buxhetit rritet gati 10 herë...Shkurtohen me 5.5 mld lekë shpenzimet e pushtetit qendror

Fondi Rezervë në dispozicion të qeverisë është rritur gati 10 herë me një Akt Normativ të Këshillit të Ministrave. Ky Akt ka ndryshuar strukturën e buxhetit të shtetit për vitin 2020, duke ulur shpenzimet e tjera me 5.5 miliardë lekë, Në total, për emergjencat financiare e civile qeveria do gtë ketë në dispozicion afro 116 milionë euro

Brenda pak javësh, qeveria ndryshon sërish shifrat e buxhetit të shtetit për vitin në vazhdim. Me një Akt Normativ, që ka fuqinë e ligjit, por duhet të miratohet nga Kuvendi i Shqipërisë, është vendosur një rritje e konsiderueshme e fondit rezervë që mund të përdoret për të përballuar pasojat civile dhe financiare të pandemisë së coronavirusit.

Akti Normativ i miratuar ditën e mërkurë, rrit tavanin e borxhit publik me 14.9 miliardë lekë (116 milionë euro) ose me 1 për qind në raport me Prodhimin e Brendshëm Bruto të vendit. Ndërkohë, pritet që të merren edhe 500 milionë euro të tjera nëpërmjet eurobondit të planifikuar më herët, kurse 174 milionë euro do të jepen në formë huaje të butë nga FMN përmes aktivizimit të Instrumentit të Shpejtë të Financimit (RFI). Nga ana tjetër, me anë të letrave me vlerë me afat dyvjeçar maturimi, Financat kanë siguruar brenda vendit edhe 100 milionë euro të tjera.

Me ndryshimet e fundit, Fondi Rezervë gati dhjetëfishohet, duke kaluar në 16.2 miliardë lekë, nga 1.7 miliardë lekë që ishte planifikuar në ligjin e buxhetit 2020. Pjesa më e madhe do të shkojë për financimin e paketës sociale anti-Covid.

Shpenzimet e qeverisë qendrore do të shkurtohen gjithashtu me rreth 5.5 miliardë lekë.

Qeveria mendon të mos ndryshojë shifrën e të ardhurave buxhetore në total, megjithëse që në muajin mars vihet re një rënie drastike e tyre. Në buxhet parashikohen të arkëtohen 490 miliardë lekë, por këto shifra janë bazuar në rezultatin e vitit 2019, madje me rritje ndaj tij.

Si do të përdoret fondi rezervë

1.7 miliardë lekë për raste të paparashikuara të njësive të qeverisjes së përgjithshme

13.5 miliardë lekë si kontingjencë për paketën sociale anti-Covid-19

1 miliard lekë për emergjenca të tjera në kuadër të masave anti-Covid 19

G.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Berisha me gratë demokrate të LDG: Kjo është qeveria e Luciferit, shqiptarët kanë marrë arratinë! Ministret e Ramës pa forcë morale

Berisha me gratë demokrate të LDG: Kjo është qeveria e Luciferit, shqiptarët kanë marrë arratinë! Ministret e Ramës pa forcë morale

25 Dhjetor, 19:13