POP 5

Lajmet më të lexuara të 5 minutave të fundit

Kronikë

Akuzat ndaj Shullazit, prokuroria
mbyll hetimet,dosja drejt gjykatës
Arkiv/ Të gjitha lajmet për Shullazin

Me akuzën e shtrëngimit me anë të kanosjes për dhënie pasuria dhe krijimit të grupit të strukturuar kriminal, Prokuroria e Krimeve të Rënda dërgon në gjyq grupin e Emiliano Shullazit 1 vit pas arrestimit të tyre.  VIDEO
Akuzat ndaj Shullazit, prokuroria<br />mbyll hetimet,dosja drejt gjykatës<br />Arkiv/ Të gjitha lajmet për Shullazin
TIRANE-Me akuzën e shtrëngimit me anë të kanosjes për dhënie pasurie dhe krijimit të grupit të strukturuar kriminal, Prokuroria e Krimeve të Rënda dërgon në gjyq grupin e Emiliano Shullazit 1 vit pas arrestimit të tyre.

Me anë të njoftimit zyrtar Prokuroria bënë me dije se ka përfunduar hetimet dhe në pesë raste ka rezultuar se Shullazi së bashku me shokët e tij Gilmando Dani, Besmir Shullazi, Endrit Qyqja, Endrit Zela janë të përfshirë në disa aktivitetet kriminale.“Shtrëngim me anë të kanosjes për dhënie pasurie”, në dëm të shtetasve Ylvi Beqja, Jani Zaka dhe Adriatik Kërçuku, Kanosje për shkak të detyrës, në dëm të shtetasve Mynyr Kone dhe Dhori Kule, “Shkatërrim prone me eksploziv”, në dëm të pronës së shtetasve Jani Zaka dhe Adriatik Kërçuku, “Grup i strukturuar kriminal” , “Veprime në kuadër të grupit të strukturuar kriminal”.
 
Prokuroria sqaron se në harkun kohor të dy viteve, në periudhën 2014-2016, të akuzuarit si grup kriminal kanë shtrënguar me anën e kanosjes shtetasin Ylvi Beqja, dhe ky i fundit i kaloi në pronësi Emiljano Shullazit një pjesë të ish-hotel “Vollga” në Durrës, si edhe shuma të konsiderueshme monetare.
 
Më tej sipas hetimeve të Prokurorisë së Krimeve të Rënda ka rezultuar se, në Janar 2016, të akuzuarit si grup i strukturuar kriminal kanë shtrënguar për dhënie pasurie shtetasin Adriatik Kërçuku, i cili ishte pronar i një biznesi mjetesh lundrimi në Lushnje.
 
Dy muaj pas kërcënimeve ndaj këtij shtetasi, konkretisht në Mars 2016, pjesëtarët e grupit, akuzohen se kanë vendosur dhe shpërthyer lëndë plasëse tritol në ambientet e biznesit të të dëmtuarit Adriatik Kërçuku.
 
Këta shtetas, thotë Prokuroria janë përgjegjës dhe për kërcënimin e shtetasit Jani Zarka, më konkretisht “Në Shkurt 2016, të akuzuarit si grup kriminal kanë shtrënguar për dhënie pasurie shtetasin Jani Zaka, i cili posedonte pronë në Tiranë. Të pandehurit akuzohen se i kanë vendosur lëndë shpërthyese tritol një garazhi në pronësi të Jani Zaka, në shenjë kërcënimi për qëllime përfitimi të paligjshëm”.
 
Përpara arrestimit nga prokuroria episodi i katërt për të cilën krimet e rënda akuzojnë grupin e Shullazit i përket kërcënimit të rektorëve gjatë garës për zgjedhjet në universitete.
 
Në Prill 2016, të pandehurit akuzohen se kanë kanosur për shkak të detyrës shtetasit Dhori Kule dhe Mynyr Kone, pedagogë dhe drejtues në Universitetin e Tiranës, me qëllim që profesor Kone të largohej nga gara për Rektor në këtë universitet.
 
Për këto episode për të cilat Prokuroria ka mbyllur hetimet kërkon nga Gjykata e Krimeve të Rënda gjykimin e këtij grupi kriminal.
 
Shullazi u arrestua më 18 Prill 2016 pasi ai u denoncua nga ish kryeministri Berisha se kishte kërcënuar Dhori Kulen e Mynyr Konin, ndërsa ai së bashku me shokët e tij ka mohuar akuzat dhe ka kërkuar gjithmonë revokimin e masës së sigurisë arrest me burg.
 
Aktualisht ata ndodhen të arrestuar dhe prej disa seancash krimet e rënda nuk kanë mundur të sigurojnë si provë dëshminë e Ylvi Beqajt i cili gëzon statusin e dëshmitarit të mbrojtur.


  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

20 militantë të Berishës protestojnë kundër Ramës në Londër

20 militantë të Berishës protestojnë kundër Ramës në Londër

24 Nëntor, 12:59