Për herë të parë një xhubletë të vjetër dhe autentike e pata veshur në një koncert, që si shkollë, patëm bërë në klasën e tetë. Shumë vite më parë. Gjatë kohës së diktaturës. Ishte shumë e rëndë, por më shpëtoi nga i ftohti i funddhjetorit, ndryshe nga shoqet e mia me dimiq, apo veshje të Dropullit që ankoheshin pak.
E ndërsa e admiroja, nën peshën e saj, për herë të parë, shihja nga afër të qëndismat plot ngjyra dhe perfekte në shtresa dhe nënshtresa, gati një festival shijesh dhe formash të kombinuara. Pastaj më vonë pashë se gjyshja ime nga Çamëria ruante si sytë e ballit të vetmen gjë që i kishte mbetur nga rrobat e marra nxitimthi kur i dëbuan me forcë nga shtëpitë e tyre: Një pëlhurë e kadifenjtë blu me nuanca të ndryshueshme e qendisur me ar dhe rruaza. Mendoja se ishte një mbulesë e denjë për mbretër e mbretëresha. Kaq të pasur ishin në Çamëri ata?
Sot, të moshuara mbi 90 vjeçare tregojnë për gazetarët se sa mund, durim, pasion, teknikë, fantazi, unikalitet, kohë kërkon bërja e një xhublete, po me siguri edhe qendisja e dimiqve, apo e kostumeve të shndritshme të Dropullit, apo të Korçës, Beratit. Dhe pyetja që më vjen sa herë shoh kostumet tona të shndritshme, të bukura, të rralla, të përsosura: Një popull që ka ditur të bëjë kaq bukur veshjet e tij nga një cep në tjetrin të vendit, nga një krahinë në tjetrën, nuk di të pikturojë, qëndisë, krijojë kaq bukur gjithë vendin e tij, të ngrejë po kaq të bukur dhe harmonik Shtetin që e përfaqëson?
Por ndoshta ne shqiptarët kemi nisur ta bëjmë edhe këtë ose më saktë, shumë prej nesh e duan me gjithë shpirt: Pra “të qëndisim” bukur Shtetin tonë.
Në Samitin e liderëve të Bashkimit Europian dhe të Ballkanit perëndimor u pa një copëz e shndritshme nga “xhubleta” apo “dimiqtë” e shtetbërjes sonë. A do të jetë tërësia e veprimeve tona e magjishme? Ende nuk e dimë, por ama e shpresojmë, që kur të gjitha pjesëzat e kësaj qendisme gjigande, të vështirë, sakrifikuese të bëhen bashkë, të arrijnë atë rezultat. Të vetmin rezultat si të një xhublete shqiptare: Sa mirë do të ishte që herët a vonë të bënim të gjithë bashkë një Shqipëri, pasuri të njerëzimit: Të drejtë, të bukur, harmonike.
Lajme të tjera
-
Komisioni Evropian miraton planin e rritjes, BE nis së shpejti pagesat! 6 miliard euro për Ballkanin Perëndimor
23 Tetor, 15:26 -
Hapja e grup-kapitujve/ Komisioneri Varhelyi: Mbështetje Shqipërisë në përshpejtimin e reformave, anëtar të BE deri në fund të mandatit të ardhshëm (VIDEO)
21 Tetor, 12:44 -
KE për Planin e Rritjes 6 miliardë euro në Ballkanin Perëndimor: Gjysma e fondeve do të përdoren për infrastrukturë. Ja vendi që do përfitojë më shumë dhe sa merr Shqipëria
20 Tetor, 17:34 -
Çelja e negociatave për grup-kapitullin e parë, Rama: Krenari, i bindur se Shqipëria 2030 do të ngrejë flamurin e Skënderbeut e të Ismail Qemalit në Bruksel
16 Tetor, 08:16 -
Nga sot në ‘vrapin’ e fundit për një vend në BE, si nisi rrugëtimi i Shqipërisë! 15 vite nga MSA, refuzimet, sukseset dhe reformat e thella
15 Tetor, 17:02
-
Marrëveshja për emigrantët/ Meloni në Senat: Protokolli i Shqipërisë i zbatueshëm me shtetet e tjera! Fryma evropiane që duhet ndjekur, falenderoj Ramën
15 Tetor, 14:10 -
Shqipëria hap grup-kapitullin e parë me BE, ambasadori Gonzato: Partitë ta konsiderojnë Integrimin prioritet kombëtar strategjik!
15 Tetor, 12:27 -
Liga e Kombeve/ Përballja me Shqipërinë, tekniku Sgnol mban sekret formacionin e Gjeorgjisë: Të bëjmë detyrat dhe të fitojmë
13 Tetor, 18:59 -
BE do ndajë fondet e Planit të Rritjes Ekonomike, Shqipëria pritet të përfitojë rreth 1 miliardë Euro! Ja sa marrin vendet e tjera të Ballkanit Perëndimor
13 Tetor, 18:40 -
Ruhet me truproja/ Baba Mondi intervistë për ‘Jerusalem Post’: Gati për shtetin Bektashi, të mos humbet kohë! E quaj veten vëlla të popullit të Izraelit!
13 Tetor, 16:13 -
‘Il Giornale’: Qendrat në Gjadër dhe Shëngjin janë gati, pas pak ditësh mbërrijnë emigrantët e parë
11 Tetor, 14:18 -
Media spanjolle 'El Economista': Bumi i turizmit katapulton ekonominë e Shqipërisë
11 Tetor, 08:19
