POP 5

Lajmet më të lexuara të 5 minutave të fundit

Lifestyle

Lajme nga emisionet

Altin Joka në një rrëfim ndryshe për librin e sapo botuar “Burgu i shëndetit”, familjen, historinë e sëmundjes së tij dhe pesë ushqimet që nuk i heq kurrë nga tryeza

Me nutricionistin e njohur Altin Joka në një rrëfim mbi jetën në Suedi, familjen dhe pasionin e tij për nutricionin, por jo vetëm….sëmundja që i rrezikoi jetën dhe rrugët që ndoqi për t'u trajtuar. Nisur nga eksperienca e tij personale, sjell librin "Burgu i Shëndetit", një guidë udhërrëfyese e të jetuarit shëndetshëm dhe larg sëmundjeve...

I ftuar në emisionin e mëngjesit “Rreze Dielli” në Report TV, me moderatore Androniki Kolka, ishte nutricionisti Altin Joka i cili promovoi për herë të parë në Shqipëri librin e sapo botuar “Burgu i Shëndetit”. Në fillim të intervistës nutricionisti i njohur foli për përshtypjen e parë që pati pasi erdhi në vendin tonë, pas 14 muajsh.”U emocionova pasi preva biletën, pasi mendoja shumë gjëra” e nis kështu rrëfimin Altini. Nga Tirana më mungojnë shumë gjëra, por më kryesorja është mamaja ime, motrat dhe kujtimet e jetës këtu” tha ai.

Më pas Altini u ndal tek libri “Burgu i Shëndetit”, një libër që i është dashur 7 vite për t’a përfunduar, një libër që ofron këshilla mbi mënyrën e të ushqyerit, parandalimin dhe luftimin e sëmundjeve…. për të dalë nga burgu I sëmundjeve…gjithashtu në ndihmë dhe qindra receta gatimi të shëndetshme!

”Në fillim libri kishte mbi 500 faqe, por falë këshillave të lexuesve dhe punës për t’a kthyer në një gjuhë të thjeshtë, u botua me 380 faqe” theksoi Altini, duke shtuar se këtu do të gjeni informacione për historinë shëndetësore, receta, vlera dhe përfitime për perimet, përdorimi i erëzave në kuzhinë, përdorimi i salcave, frutat, çajrat, farat apo përdorimin e antioksidantëve.

Nutricionisti që jeton në Suedi u ndal dhe tek historia e tij personale sesi vendosi që të hulumtonte për ushqimet. “Më parë kisha probleme me trupin tim, probleme me zemrën, me stomakun dhe alergjinë, por pasi provova mjekët më të mirë në Shqipëri  dhe harxhova shumë kohë me ilaçe, isha shumë i dëshpëruar pasi nuk po gjeja zgjidhje…më pas vendosa të studioja ushqimet dhe të kisha një dietë të kontrolluar” rrëfeu Altini në studio.

Fale leximeve, kërkimeve për të kuruar veten, ai arriti në pikën e sotme që publikon një libër për ushqimet që ne konsumojmë. I pyetur nga moderatorja se kush do të ishin pesë ushqimet që një njeri duhet të marrë gjatë gjithë jetës, ai tha: “Njerëzit duket të marrin çdo ditë, hudhrën, specin pikant, qepën, vajin e ullirit dhe mjaltin, pasi këto produkte janë depo ushqimore për organizmin”. Gjatë bisedës ai foli dhe për familjen e tij, bashkëshorten dhe tre vajzat dhe sigurisht për nënën. Në fund të bisedës nutricionisti u surprizua nga kjo e fundit në studio, me një hyrje surprizë.

MC/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça