POP 5

Lajmet më të lexuara të 5 minutave të fundit

Kronikë

Ambasada e SHBA: Javën e ardhshme presim formimin e KLP dhe KLGJ, koha për drejtësinë e vërtetë

Këtë vit, Ambasada e SHBA iu ka bërë thirrje gjyqtarëve dhe prokurorëve të ndershëm, patriotë dhe me integritet për t’i shërbyer vendit të tyre në Këshillin e Lartë Gjyqësor dhe Këshillin e Lartë të Prokurorisë.

Ambasada e SHBA: Javën e ardhshme presim formimin e KLP dhe KLGJ, koha për drejtësinë e vërtetë

Ambasada e SHBA në Tiranë

Pak orë pas hedhjes së shortit për anëtarët e KED, ambasada amerikane në Tiranë inkurajon krijimin e institucioneve të tjera që do ta plotësonin sistemin e drejtësisë. Përmes Facebook, SHBA shkruan se po pret me kënaqësi krijimin e KLGJ dhe KLP, institucione këto që pritet të formohen javën e ardhshme. Shorti për KLP hidhet në datën 11 dhjetor (Lexo këtu), ndërsa ai për KLGJ një ditë më pas (Lexo këtu). Sipas ambasadës së SHBA, ngritja e këtyre dy institucioneve do të shënonte një hap madhor drejt drejtësisë së vërtetë.

 

Këtë vit, Ambasada e SHBA iu ka bërë thirrje gjyqtarëve dhe prokurorëve të ndershëm, patriotë dhe me integritet për t’i shërbyer vendit të tyre në Këshillin e Lartë Gjyqësor dhe Këshillin e Lartë të Prokurorisë. Me formimin e këtyre dy institucioneve të drejtësisë në horizont, Shqipëria është në prag të krijimit të një sistemi drejtësie që i shërben vërtet interesave të qytetarëve të saj. Javën e ardhshme presim me kënaqësi përzgjedhjen e anëtarëve, të gjithë të cilët kanë kaluar tashmë vetingun, duke shënuar kështu hapin tjetër madhor drejt drejtësisë së vërtetë.

Ambasada e SHBA në Tiranë

Soreca përshëndet zgjedhjen e KED: Hap i rëndësishëm për reformën në drejtësi 
Pas reagimit të Ambasadës e Shteteve të Bashkuara të Amerikës ka ardhur edhe reagimi i Ambasadorit të Bashkimit Europian, në Shqipëri, Luigi Soreca për zgjedhjet e anëtareve të Këshillit të Emërimeve në Drejtësi, në lidhje me përzgjedhjen e anëtarëve të dy këshillave përkatësisht KLP dhe KLGJ javën e ardhshme.

Teksa e konsideron hedhjen e shortit një hap të rëndësishëm për ecurinë e reformën në drejtësi, përmes një statusi të publikuar në rrjetin Social twitter ambasadori i BE-së shprehet se pret javën e ardhshme ngritjen e Këshillit të Lartë Gjyqësor dhe Këshillit të Lartë të prokurorisë.

"Sot, Kuvendi ka zgjedhur anëtarët e KED. Ky është një hap i rëndësishëm për zbatimin e reformës në drejtësi. Ne presim me padurim javën e ardhshme kur Asambleja e Përgjithshme e Gjyqtarëve dhe Prokurorëve do të takohet për të ngritur KPL dhe KLGJ”, shprehet ambasadori i BE-së", shprehet ambasadoriSoreca në twiiter.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Aksident në Bulqizë, shoferi humb kontrollin e automjetit dhe përplaset me kollonën e mbikalimit (VIDEO)

Aksident në Bulqizë, shoferi humb kontrollin e automjetit dhe përplaset me kollonën e mbikalimit (VIDEO)

16 Janar, 16:50