Autoriteti i Mbikëqyrjes Financiare zhvilloi ditën e mërkurë, më datë 21 mars 2018, ora 10:30, një leksion të hapur me studentët e Fakultetit Ekonomik në Universitetin “Aleksandër Xhuvani” në Elbasan.
Aktiviteti u zhvillua në kuadër të “Strategjisë për rritjen e besimit të konsumatorit/investitorit në tregjet financiare nën mbikëqyrje”, me qëllim kryesor rritjen e edukimit financiar të studentëve për rolin e Autoritetit. Gjatë aktivitetit u nënshkrua një marrëveshje bashkëpunimi mes Autoritetit të Mbikëqyrjes Financiare dhe Universitetit “Aleksandër Xhuvani” nga Drejtori i Përgjithshëm Ekzekutiv i AMF-së, Ervin Koçi dhe rektori i Universitetit “Aleksandër Xhuvani” të Elbasanit, Prof. Dr. Skënder Topi.
Në fjalën e mbajtur me këtë rast, Koçi theksoi se edukimi financiar në lidhje me tregjet nën mbikëqyrjen e AMF-së, për të rritur njohuritë dhe ndërgjegjësimin te publiku është shndërruar në një nga prioritetet e punës së Autoritetit. Për këtë arsye, AMF nisi vitin e kaluar një fushatë informuese, duke zhvilluar takime në disa universitete të vendit, për të vazhduar edhe këtë vit, duke zgjeruar më tej edhe grupet e interesit.
Drejtori i Përgjithshëm Ekzekutiv i AMF-së theksoi se në fillim në muajit të ardhshëm Autoriteti do të prezantojë strategjinë 5-vjeçare për zhvillimin e tregjeve. Bëhet fjalë për një dokument të plotë orientues, i përpiluar me ndihmën e ekspertëve më të mirë që do të shërbejë si një udhërrëfyes për punën e institucionit në drejtim të edukimit financiar, rritjes dhe zhvillimit të tregjeve, si edhe garantimit të mbrojtjes së konsumatorëve e investitorëve.
Sipas Drejtorit të Përgjithshëm Ekzekutiv të AMF-së të gjitha vendimet e marra vitin e kaluar kanë qënë në funksion të mbrojtjes së konsumatorit dhe investitorit, ndërsa Autoriteti mbetet i angazhuar në zgjidhjen e disa problematikave të mbartura ndër vite në treg, siç është rasti i Fondit të Kompensimit.
Koçi i inkurajoi studentët të bëhen pjesë aktive e Konferencës së parë Kombëtare me titull: “Problemet dhe sfidat e zhvillimit të tregjeve nën mbikëqyrje dhe rëndësia e edukimit financiar”. Ata mund të kontribuojnë me punime të ndryshme për çështje që lidhen me tregjet nën mbikëqyrjen e Autoritetit.
Nga ana e tij, Rektori Topi u deklarua besimplotë se marrëveshja e nënshkruar mes dy institucioneve do të jetë me përfitim reciprok. Ajo do ti shërbejë studentëve të universitetit, duke i asistuar me materiale të ndryshme burimore, apo duke i krijuar mundësinë e intershipeve pranë Autoritetit. Në anën tjetër, do të jetë një bazë e mirë për thellimin e bashkëpunimit me qëllim zgjerimin e njohurive financiare të studentëve dhe përgatitjen e tyre për tregun e punës.
Në orën e hapur të leksionit, studentët u njohën me rolin dhe funksionet e Autoritetit të Mbikëqyrjes Financiare, si një institucion i pavarur, i krijuar mbi bazën e Ligjit 9572 të vitit 2006, që raporton në Kuvendin e Shqipërisë. AMF nuk merr para nga buxheti i shtetit, por financohet nga tregjet nën mbikëqyrje, ndërsa synon rregullimin e tyre duke mbrojtur njëkohësisht interesat e konsumatorëve dhe investitorëve.
e.gj/Shqiptarja.com
Lajme të tjera
-
Akuzohen se morën para për provimet, Gjykata e Elbasanit: Arrestimi i pedagogëve i paligjshëm! Çështja i kalon SPAK
5 Nëntor, 13:03 -
Korrupsioni në Universitetin e Elbasanit, Prokuroria jep detajet për 7 pedagogët dhe sekserin: U morën si provë filmimet, procesverbali i lëndëve dhe u kontrolluan banesat
3 Nëntor, 15:25 -
‘Furtuna’ në Universitetin e Elbasanit! 6 pedagogë të arrestuar, profesoresha e 'Letërsisë pë fëmijë' ende në kërkim! Akuzohen se kaluan në provime 31 vjeçaren për të marrë rryshfet
2 Nëntor, 09:41 -
‘Furtunë’ në Universitetin e Elbasanit, arrestohen 7 pedagogë të Mësuesisë! U merrnin studentëve deri në 500 euro për provim, në pranga edhe sekseri (EMRAT)
1 Nëntor, 22:10
-
Dezinformimi/ Zake: Ka pronarë që ndikojnë në media e portale, shmangin dhe taksat! Koçi: Kemi referuar edhe raste të mediave! Braçe: Ulni fluksin e parasë informale në media
23 Tetor, 14:37 -
Dezinformimi/ Kreu i AIF, Koçi: Burime financiare për dezinformim edhe në Shqipëri, manipulim i tregut dhe pagesa nën hije me kriptomonedha
23 Tetor, 13:07 -
Shoferët problematikë siguracion më të lartë për makinën nga janari 2025! Drejtuesja e AMF: 7 faktor risku, më të penalizuar ata që kanë mbi 2 aksidente e mjet me 3 mijë kubik
16 Tetor, 10:42
-
Shofer 'problematik,' sigurim më të lartë për makinën, tarifat e reja në korrik! AMF: Brenda vitit drafti për sigurimin e detyrueshëm të banesave nga tërmetet
15 Maj, 20:25
-
AMF nis zbatimin e udhërrëfyesit për regjimin europian të mbikëqyrjes në sigurime, çfarë parashikohet të ndodhë
29 Shkurt, 12:16 -
Drejtoresha e AMF takon ekipin e Bankës Botërore, diskutohet regjimi evropian në sigurime dhe financat e gjelbra
2 Shkurt, 17:53 -
VKM/ Qeveria propozon emrin e ri të drejtorit të AMF-së, ndryshohet dhe drejtuesi i Autoritetit të Aviacionit Civil
22 Nëntor 2023, 16:30 -
Tregu i sigurimeve, fitim rekord prej 14.3 milionë eurosh në 2022
12 Korrik 2023, 07:22
