Gjuha fyese dhe diskriminuese fut sërish në telashe deputetin Myslim Murrizi, këtë herë me komunitetin rom. Shqiptarja.com zbardhi pak ditë më parë propozimin e deputetit Murrizi në konferencën e kryetarëve që deputetët e opozitës së re të përfitojnë kredi me interes zero.
“T’ia heqim Unazës 100 metra dhe t’ua japim këtyre deputetëve që të kenë edhe ata një farë dinjiteti, sepse po bëhen si arixhinjtë me çadra. Unë besoj se gjithsecili deputet që është futur tani ka një farë rëndësie për mbarëvajtjen e këtij vendi” tha Murrizi (lexo ketu te plote).
Por gjuha e përdorur, 'si arixhinjtë me çadra' ka sjellë reagimin e fortë të Avokatit të Popullit, që kërkon dënimin e tij nga Kuvendi. Pak ditë më parë Murrizi kërkoi ndjesë për gjuhën e përdorur kundër personave me sindromën down.
Reagimi i plote i Avokatit te Popullit
Avokati i Popullit dënon gjuhën raciste të nënkryetarit të kuvendit myslim murrizi dhe kërkon masa urgjente. Institucioni i Avokatit të Popullit dënon gjuhën diskriminuese e cila sërish gjeti hapësirë në Kuvendin e Shqipërisë përmes nënkryetarit të këtij institucioni z.Myslim Murrizi.
Në mbledhjen e Konferencës së Kryetarëve në institucionin më të lartë në vend që është Kuvendi, nënkryetari z.Murrizi u është referuar qytetarëve shqiptarë, anëtarë të komunitetit rom me shprehjen raciste dhe poshtëruese "arixhinj".
Tashmë është bërë e disata herë që zoti Murrizi vazhdon të fyejë, anatemojë e të përçmojë çdo komunitet i cili në psikologjinë e tij u takon shtresave inferiore të shoqërisë.
Pas personave me sindromën down dhe femrave, tani është radha e qytetarëve romë të shohin sesi ky deputet, zyrtar i lartë i shtetit shqiptar, i konsideron ata si një shembull për të ilustruar primitivitetin, prapambetjen dhe në përgjithësi statusin të cilin duam ta evitojmë.
Zoti Murrizi duhet ta ketë të qartë se të jesh rom sot nuk është diçka për të cilën dikush duhet të ndjejë turp. Kjo lloj mendësie duhet dënuar me forcë në çdo rast.
Kuvendi i Shqipërisë ka shënuar hapa të qenësishëm përpara për të vendosur standarde bashkëkohore etike për jetën dhe veprimtarinë e deputetëve duke synuar që ata të jenë simbol pozitiv i tërë shtetasve të Republikës së Shqipërisë.
Ndërkohë është e rëndësishme që Kuvendi të tregojë shembull e vullnet për të qenë ai zbatuesi më i devotshëm i ligjit dhe garantuesi i të drejtave të komuniteteve vulnerabël duke zbatuar parashikimet e rregullores së Kuvendit nr.61/2018 datë 5.4.2018/ (nenin 5, pika 1 si dhe nenin 6, pika 2).
Në pritje që edhe Kuvendi i Shqipërisë ta dënojë këtë sjellje e të ndërmarrë hapa konkretë për përjashtimin e kësaj lloj mendësie dhe mbartësve të saj nga forumi më i lartë vendimmarrës i popullit, institucioni i Avokatit të Popullit u shpreh solidaritetin dhe mbështetjen të gjitha shoqatave, grupimeve, organizatave dhe individëve të komunitetit rom që mund të jetë lënduar nga kjo gjuhë e papërgjegjshme nga ana e një përfaqësuesi të lartë shtetëror.
Komente
Lajme të tjera
-
'E kam mik e i detyrohem!' Shefi i Krimeve Dedan Gjoni kërkoi vota për Myslim Murrizin me aplikacionin Sky Ecc! Report Tv zbardh përgjimet
22 Nëntor 2023, 15:39 -
Dita e gjuhës rome, anëtarët: Po humbet! Aktivistët propozojnë të futet si lëndë në shkolla
5 Nëntor 2023, 19:33
-
Bashkimi i 43 deputetëve të PD, Myslim Murrizi: Bashkë ishit edhe në 2021 por humbët! Problemi te fryma, jo te shifrat
7 Shtator 2023, 19:53 -
‘E keqja nuk është e plotfuqishme’/ Përkujtimi i Holokaustit, mijëra persona u shfarosën në ‘kampin e ciganëve’ në 2 gushtin e vitit 1944
2 Gusht 2023, 12:18 -
14 maji, Murrizi në Report Tv: Të kishim dalë pa Metën do të kishim marrë 100 mijë vota më shumë! Berisha të krijojë një parti të re
29 Maj 2023, 17:38 -
Në zgjedhje pa PD? Murrizi: Dyshoj se janë të sinkronizuar, veç plan B kanë! Logu: Marrëveshja Meta-Berisha e sforcuar! Blushi: Alibeaj të gëzojë koalicionin me Ramën
13 Mars 2023, 22:14 -
Nga Salianji tek Dule, deputetët e opozitës të pranishëm në protestën e thirrur nga Berisha
3 Mars 2023, 12:52 -
Murrizi nxjerr listën: Ja sa ishin çmimet e ushqimeve gjatë regjimit komunist
28 Shkurt 2023, 16:56 -
7 krerë partish joparlamentare, jo më pasaportë diplomatike! Vendimi i fundit: Përveç SPAK, pasaportë edhe gjyqtarët e GJKKO
9 Shkurt 2023, 18:02
-
Murrizi: Anëtarë të Kryesisë së Bashës kanë marrë nga Rama 86 mln euro tendera! Bejko: Berisha, i dyti pas Enver Hoxhës më i izoluari nga perëndimi
26 Dhjetor 2022, 22:12 -
Myslim Murrizi: Kjo 'beteja' false për spiunet e sigurimit është loja më e ndyrë e politikës 30 vjeçare shqiptare
1 Shtator 2022, 21:40
-
Romët si dallëndyshet, artisti Sead Kazanxhiu ndërton ‘foletë’ në Kassel të Gjermanisë për Documenta 15-të
23 Qershor 2022, 20:24
Ti shoqja avokate , mire ben qe meresh me gjuhen e Murizit , se nuk ka te drejte te fyeje asnje shtrese te shoqerise , po me mire meru me ate qe kerkon ai , bile per te miren e popullit kerko t'u hiqen shume perfitime mbi page qe nuk e kane te vogel , se s'po i bien kazmes , dhe nuk i ka bere njeri me zor deputete , po s'ju doli le te lene mandatin . Po ashtu nqs e do popullin , kerko t'u hiqet paga ish deputeteve te veteperveluar se me deshiren e tyre lane mandatet , nuk i zuri reforma !
PërgjigjuEpo kur ben si e indinjuar kjo avokatja e djallit. Doli nga hiçi dhe ngeli avokate e popullit pa asnje lloj spjegimi. Enigma me e madhe eshte ngelja e kesaj mostre ne kete detyre pas marreveshjes se dyshes se hajduteve Rama-Basha, bashke dhe me ate Zgurin e KQZ. Pa harruar dhe çudine me te madhe qe nuk ka Nostradamus ta parashikoje, enmerimi i Visho Ajazi Likes, ambasador ne NATO. Jetojme ne Albanistan.
PërgjigjuMer leket e rri urt edhe ato nuk i meriton se ske be asgje Po Meresh me murrizin ke raste te tjera me te rendesishme me u mar
Përgjigju