Arrestimet e SPAK për sterilizimin, Bardhi: Rama s’ka asgjë në dorë për të ndaluar drejtësinë, nëse do kishte asnjë nga miqtë e tij s’do ishte në burg

Deputeti i Partisë Demokratike, Gazment Bardhi thotë se të ishte në dorë të kryeministrit Edi Rama asnjë nga miqtë e tij nuk do të ishte sot në burg. Në një përgjigje për kreun e qeverisë i cili reagoi sot për arrestimet e SPAK për koncesionin sterilizimit, Bardhi thotë se Edi Rama s’ka asgjë në dorë për të ndaluar drejtësinë, e shton se ndërhyrjet e SHBA-së bënë që Rama të mbaj larg duart nga drejtimi i SPAK.

‘Të ishte për Edi Ramën dhe PS, sot në drejtimin e SPAK do ishte një ushtar i tij, që siç provoi GJKKO kërkoi burg për ish-zëvendësministrin por jo për ish-ministrin hajdut, mik të Edi Ramës. Ishte ndërhyrja e SHBA që mbajti larg duart e qeverisë nga drejtimi i SPAK.

LEXO EDHE:
‘Welcome Lord Cameron!’ Tirana bëhet gati të presë sekretarin e Jashtëm të Britanisë së Madhe (FOTO)

Të ishte për Edi Ramën dhe PS, sot prokurorët dhe gjyqtarët e posaçëm, do të emëroheshin në detyrë pas certifikimit nga DSIK, institucion në varësi të Edi Ramës. Ishte ndërhyrja e SHBA që i dha të drejtë opozitës dhe e konsiderojë të papranueshme një parashikim të tillë.

Të ishte për Edi Ramën dhe PS, sot koncesioni i sterilizimit do të vazhdonte qetësisht të zhvaste paratë e qytetarëve shqipëtarë dhe Edi Rama do shëtiste studio më studio me setin e bisturive në dorë për ti bërë reklamë hajdutërisë. Ishte dhe është investimi i partnerëve ndërkombëtar drejtësia që i jep fund pandëshkueshmërisë.

Për Edi Ramën dhe PS, Ilir Beqaj i certifikuar në hajdutëri është emëruar drejtor i fondeve publike, si manovër për ti dhënë atij mbrojtje politike ndaj hetimeve të drejtësisë. Edhe pse nën hetim për një dëm miliona euro, Edi Rama vazhdon ta mbajë në detyrë, me shpresën se do ta shpëtojë nga drejtësia.

Për Edi Ramën dhe PS, Arben Ahmetaj pasi certifikohet si hajdut i parave publike në pozicionin e ministrit, promovohet duke u bërë Zëvendëskryeministër. Të ishte për Edi Ramën dhe PS, edhe sot do vijohej qetësisht me pagesat për mafiozët e inceneratorëve, për vepra që nuk ekzistojnë.

Edi Rama nuk ka asgjë në dorë për të ndalur drejtësinë! Nëse do të kishte askush prej miqve të tij nuk do ishte në burg. Atë që ka në dorë Edi Rama po e bën çdo ditë: po zhvat qytetarët me afera miliona euro, duke i varfëruar çdo ditë e më shumë dhe duke i dhënë Shqipërisë qeverinë më të korruptuar në 100 vite.’- shkruan Bardhi.

Lajmi kryesor:

Rama reagon për arrestimet e SPAK për koncesionin e sterilizimit: Nuk do ta pengojmë në rrugën e vet, kudo ku ajo të hyjë, brenda qeverisë, rrotull, mbrapa apo nën ombrellën e saj

M.Q./Shqiptarja.com

TAG:
• edi rama