POP 5

Lajmet më të lexuara të 5 minutave të fundit

Kronikë

Arrestohen administratori i pronave të Henri Çilit dhe një lojtar i Këlcyrës

Sot janë arrestuar dy persona të tjerë të lidhur me operacionin "Mezhgorani", Betim Shkupi, i cili është administrator i "European Education Initiative Holding", që kontrollon 100% aksionet e Universitetit Europian të Tiranës, ku Çili është pronar dhe Aristidh Çoli për baste sportive duke e çuar në total në 30 numrin e të arrestuarve.

Arrestohen administratori i pronave të Henri Çilit dhe një lojtar i Këlcyrës

Betim Shkupi dhe Henri Çili

TIRANE-Shkon në 30 numri i të arrestuarve për dosjen ku u prangos edhe botuesi e pronari i UET-së Henri Çili. Sot është arrestuar Betim Shkupi, i cili është administrator i "European Education Initiative Holding", që kontrollon 100% aksionet e Universitetit Europian të Tiranës, ku Çili është pronar. Shkupi u prangos në Tiranë në shtëpinë e tij. Pas arrestimit ai është dërguar në drejtorinë e Policisë së Gjirokastrës. Betim Shkupi është njeriu i besuar i Çilit, pasi pronat i kishte në administrimin e tij. 

Por përse u arrestua? Betim Shkupi më datë 10 janar 2020 ka firmosur në emër të Henri Çilit me prokurë, tek noteri pronat që botuesi dhe pronari i UET-së do të përfitonte, dy apartamente në Velipojë me kontratë dhurimi nga biznesmeni i ndërtimit Sait Fishta, që u arrestua bashkë me të vëllanë Besnik Fishta. Në emër të Shkupit do kalonin pasuritë në hipotekën e Shkodrës. 

Sait Fishta i ka ofruar apartamentet për shkak të miqësisë dhe kërkesës së babait të vëllezërve Aliko të dënuar, me qëllim që Çili të niste punën për ndikimin e tij në Gjykatën e Lartë. Në funksion të përfitimeve për favoret ndaj Adil Alikos, Çili kishte futur në rrjet bashkëpunëtorët e tij më të ngushtë në UET sikur është edhe Shkupi. (Lexo ketu 28 personat qe u arrestuan dje).

Rendit zhvillimet sipas orarit:
Ora 20:28
Operacioni që çoi Henri Çilin në pranga/ Arrestohet lojtari i Këlcyrës për bastet sportive

1583005771_AristidholifutbollistiKlcyrs.jpg

Aristidh Çoli

Arrestohet edhe një tjetër person në kuadër të operacionit "Mezhgorani", që vendosi në pranga edhe botuesin dhe pronarin e UET-së Henri Çili. Sot u arrestua 25-vjeçari Aristidh Çoli banues në Këlcyrë. I riu që u arrestua sot akuzohet për "Organizim të lotarive të palejuara". Aristidh Çoli është lojtar i ekipit të Këlcyrës, i dënuar disa herë nga Komisioni i Disiplinës në FSHF-së për dhunë dhe i arrestuar për goditjen e një lojtari të Maliqit në 3 nëntor të vitit të kaluar. Ai ka rënë në përgjimet e drejtuara nga Prokuroria e Përmetit në kuadër të operacionit “Mezhgorani“. Gjatë operacionit që ka zgjatur 6 muaj, që nisi në shtator të vitit të kaluar për “Falsifikimi të kartëmonedhave” operacioni “Mezhgorani“ ka arrestuar, ndaluar dhe proceduar 53 persona.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Gol 'Alla Del Piero', Uzuni shënon një 'perlë' në La Liga 2! Sinjal i fortë për Sylvinhon prag sfidave të nëntorit

Gol 'Alla Del Piero', Uzuni shënon një 'perlë' në La Liga 2! Sinjal i fortë për Sylvinhon prag sfidave të nëntorit

2 Nëntor, 21:10