Në emër të jetës, muzika është ajo që po tingëllon melodia më shpresëdhënëse në këto ditë të vështira, jo vetëm për popullin shqiptar por të gjithë botën.
Në një kohë kur në Shqipëri, numri i të infektuarve me koronavirus ka arritur shifrën mbi 200, duke zgjeruar edhe hartën e qyteteve të prekura, artistët vijojnë të mbajnë peshë shpresën për ditë më të bukura.
Në emër të jetës, ata japin mesazhet e tyre duke dhuruar art vazhdimisht edhe nga karantina.
Aktori i humorit Ermal Mamaqi ka gjetur një mënyrë origjinale për të falenderuar mjekët që ndodhen në vijën e parë të frontit në luftën kundër koronavirus.
Mamaqi i ka dedikuar një këngë mjekut infeksionist Pëllumb Pipero. Ndonëse me nota humori, kjo këngë mbart mesazhin se mjekët vërtetë janë heronjtë në këtë luftë!
Aktori Genc Fuga së bashku me dy vajzat e tij rrëfen se si po i kalojnë këto ditë në shtëpi. Ata njëzëri bëjnë apel për të gjithë shqiptarët, që të qëndrojnë në shtëpi
Kompozitorja Olsa Toqi gjatë këtyre ditëve në shtëpi i është përkushtuar më shumë pjesëve muzikore. Apeli i artistes është që kjo situatë do të përmirësohet, vetëm nëse ne respektojmë rregullat
Aktori Ilirian Ali interpreton poezinë “Pleqëria” të Dritëro Agollit. Përmes saj shkrimtari ka përshkruar se si e gjen një të moshuar pleqëria
Aktorja Luli Hoxha së bashku me mbesën e saj nga shtëpia rrëfejnë, se si po kalojnë kohën këtë periudhe në shtëpi. Ndërsa, përmes poezisë “Gjithmonë” bën apel që njerëzit të kenë më shumë në vëmendje ata që janë në nevojë
Koreografja edhe balerina e njohur Anbeta Toromani përmes një videmoesazhi u ka bërë apel nga shtëpia e saj në Itali të gjithë shqiptarëve, që të respektojnë rregullat edhe të mendojnë për familjet
Piktorja Natsha Bega së bashku me vajzën e saj Erida Bega në kthim nga Gjeneva për në Shqipëri kanë realizuar një këngë në italisht, “Forza Italia, siamo albanesi” (Forca Itali, jemi shqiptarë), përmes së cilës solidarizohen me situatën e rëndë që këto ditë po përjeton vendi fqinj.
Aktorja e humorit Renada Caci ka bërë thirrje që të tregojmë sa më shumë kujdes, pasi është e vetmja armë që kemi në dorë për të mposhtur këtë virus që po merr jetë njerëzish.
Në një video mesazh në emisionin "Rreze Dielli" ajo bën thirrje që te gjithë te ndërgjegjësohen dhe të qëndrojnë në shtëpi, sidomos kategoria më e rrezikuar nga koronavirus, të moshuarit
Edhe pse në shtëpi e vetëkarantinuar është gjithmonë në shërbim të studentëve! Pedagogia Majlinda Keta në një video mesazh për emisionin “Rreze Dielli" thotë se karantinimin duhet ta shohim si një mision në emër të jetës, jo vetëm për veten, por për të gjithë të dashurit tanë.
Ndërkohë ajo tregon se karantinimi e ka rikthyer atë te disa zakone të vjetra në kohë, si gatimi i bukës në shtëpi, qëndrimi me orë të gjata aty, por e ka ‘ndarë' nga mbesat, që janë dashuria më e madhe e saj.
Ish ministrja e Kulturës Mirela Kumbaro ka zgjedhur të lexojë këtë herë në hapësinën e librit që dedikon për fëmijët, por jo vetëm, një poezi.
“Kush vallë më shpëtoi", një poezi e Tasim Gjokutaj e shkruar në vitin 1995, që duket edhe kaq aktuale vjen me mesazhin se shume shpejt ditë më të mira do vijnë për globin.
Ashtu sikurse është berë tashmë zakon, në kushte karantine artistët sjellin copëza arti, nga shtëpitë e tyre drejt tuajave, për të zbukuruar sado pak ditët në vetëizolim.
Renis Gjoka së bashku me grupin e instrumentistëve Mario Deda, Fatlind Dehiri, Franci Fjerca, Shkëlqim Dule e Arbër Koçllari kanë interpretuar ‘A do të vish'.
Këngëtarja Era Rusi së bashku me grupin e instrumentistëve Mario Deda, Fatlind Dehiri, Franci Fjerca, Shkëlqim Dule e Arbër Koçllari kanë sjellë për të gjithë publikun këngën “Rrisim Jetët tona" të kënduar nga Vaçe Zela.
Përmes këtyre vargjeve, këngëtarja përcjell edhe mesazhin që në këto ditë të veshtira, për tja dalë, duhet të qëndrojmë në shtëpi!
Lajme të tjera
-
Për 2023 sëmundshmëria kronike u rrit 5,9%, shkak plakja e popullsisë dhe pasojat e Covid
23 Janar, 07:37 -
Regjistrohet rasti i parë i variantit të koronavirusit ‘Pirola’ në Ukrainë
8 Nëntor 2023, 09:54 -
Agjencitë e inteligjencës në SHBA të ndara për origjinën e koronavirusit
25 Qershor 2023, 14:09 -
Rikthehen viruset tek fëmijët pas pandemisë
19 Qershor 2023, 08:14 -
COVID-19, Organizata Botërore e Shëndetësisë shpall fundin e emergjencës globale! Vlerësimi: 20 mln njerëz humbën jetën
5 Maj 2023, 16:17 -
Shtrimet në spitale gjatë 2022 u shtuan me 8% pas pandemisë! Zemra dhe shëndeti mendor problemet kryesore
4 Maj 2023, 20:19
-
Gjermanët padi për dëme të shkaktuara nga vaksinat ndaj COVID
13 Prill 2023, 08:24 -
Korrupsion me respiratorët gjatë pandemisë 'Covid 19', kryeministri i Federatës së Bosnjës dënohet me 4 vite burg
5 Prill 2023, 11:01 -
Shëndetësia/ Meta: Pandemia e provoi dështimin e qeverisë, falsifikuan shifrat! Ne do të rrisim me 50% pagat për ‘bluzat e bardha'! 5% financim të GDP për buxhetin
31 Mars 2023, 11:25 -
OBSH i kërkon Kinës të publikojë të gjitha të dhënat e lidhura me origjinën e COVID-it
18 Mars 2023, 21:11 -
SHBA pritet të ndërpresë testimin e detyrueshëm për COVID-19 për udhëtarët nga Kina
8 Mars 2023, 14:08 -
A e ka virusi Corona origjinën nga laboratori?
4 Mars 2023, 21:11
