POP 5

Lajmet më të lexuara të 5 minutave të fundit

Kronikë

9 viktima në 7 ditë, 2020 nis me aksidente dhe atentate me snajpera

Një javë me nëntë viktima është një kambanë alarmi për nivelin e kriminalitetit në një vit që sapo nisi.

9 viktima në 7 ditë, 2020 nis me aksidente dhe atentate me snajpera

Nëntë viktima janë shënuar në shtatë ditët e para të vitit 2020 nga atentatet dhe aksidentet në vend. Viktima e parë për 2020 u shënua në Kamëz nga një aksident në datë 2 janar. Një 32-vjeçar përplasi për vdekje me makinë një grua që po lëvizte me biçikletë. Po pasditen e 2 janarit humbën jetën në një tjetër aksident dy persona të tjerë në Porcelan, pasi u përplasën nga një makinë në trotuar.

Nga aksidenti viktima mbetën Erion Balla 36-vjeç dhe një grua e moshës 72-vjeçe, Hidajete Salliu. Një ditë më pas, në 3 janar një punëtor Ervis Josifi humbi jetën në Korçë, pasi i ra në kokë presa e betonieres.  Në datë 5 janar një i moshuar u përplas për vdekje nga një autobus në aksin Gjirokastër-Tepelenë. Dje humbi jetën një tjetër person, këtë herë në Berat, ku u përplas për vdekje Gramoz Zani. Por nuk ka pasur vetëm aksidente me vdekje, por edhe vrasje në atentate.

Në 6 janar u shënua atentati i parë për vitin 2020, ku u vra biznesmeni Guxim Gjyriqi 47 vjeç në Tropojë pranë karburantit dhe restorantit të tij. Sot në Rrëshen u ekzekutua me snajper Kastriot Reçi 47 vjeç, ish-bashkëpronar i një medie lokale në Lezhë dhe së fundi pronar i një rrjeti kabllor. Ndërkohë që në mbrëmjen e sotme një 16-vjeçar në Mallakastër torturoi dhe mbyti në rezervuar nusen e xhaxhait, pasi më parë iu fut në shtëpi me dy shokë për ta grabitur. Një javë me nëntë viktima është një kambanë alarmi për nivelin e kriminalitetit në një vit që sapo nisi.

/B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kafsha: 08/01/2020 08:56

    U shojten shqiptarët nga 3-5-7 në ditë vdesin nga atentatet e aksidentet. U shojten!

    Përgjigju
  • Eri: 07/01/2020 21:22

    Duhet ndergjegjesim, duhet te gjithe pushtetaret, drejtuesit e policise, arsimit, shendetesise etj etj etj duhet te nisin nga pika zero....duhet bere shtet o njerez duhet te bejme shtet funksional duhet ndeshkim ligjor duhet prokurori duhet gjykate duhet administrate e motivuar e ndershme, duhen flakur militantet, te paaftet, hajdutet duhen zhdukur nga administrata. Duhen vene ne drejtim djem e vajza te rinj te arsimuar nga familje te ndershme. O edi rama thirri mendjes, distancohu nga maskarenjte, o edi rama qe ke te gjitha pushtetet sot ne dore mendo per nje cast qe duhet bere shtet, tregoje veten se mundesh ose ne te kundert sikterisu zhduku nje min e me pare sepse boll i vuajtur eshte populli qe ti drejton.

    Përgjigju
    • Niku: 08/01/2020 11:30

      Duhet edukim ne familje, arsimim ne kopshte e shkolla dhe duhet respektim te levizjes ne rruge: trotuar dhe vendkalime nga te gjithe. Shume shpesh shohim prinder me femije per dore qe kalojne rrugen me semafor te kuq!!!

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça