‘Auditim për financat e PD’, Gaz Bardhi paralajmëron Bashën: Shpenzove miliona me një vërtetim gjykate

‘Auditim për financat e PD’, Gaz Bardhi paralajmëron Bashën: Shpenzove miliona me një vërtetim gjykate

Gazment Bardhi

Kundërshtimi i vendimit të Apelit në Gjykatën e Lartë nga Lulzim Basha nuk pengon procedurat për marrjen nën administrim të PD nga pala e Sali Berishës. Këtu përfshihen edhe financat e partisë, për të cilat do të kërkohet kontroll i menjëhershëm. Këtë e konfirmoi në emisionin “Pa Censurë”, nënkryetari demokrat Gazment Bardhi.

“Në lidhje me financat, nuk duhet të ketë asnjë lëvizje nga ata që i kanë administruar deri tani. Madje, do të ketë një auditim të plotë të mënyrës sesi janë përdorur fondet e partisë nga individë që, ligjërisht, nuk duhet ta gëzonin këtë të drejtë”- tha Bardhi, i cili identifikon Lulzim Bashën si njërin nga këta individë.

“Zoti Basha ka përdorur financat e partisë me një vërtetim gjykate, bazuar në zgjedhjen e 2021-shit. Politikisht dhe ligjërisht, ai e kishte humbur fuqinë, pasi zoti Basha dha dorëheqjen në 2022-shin. Përdorimi i atij vërtetimi për të shpenzuar para, pra keqpërdorimi i atyre fondeve pa respektuar vullnetin e të gjithë anëtarëve, do të kalojë në një auditim të brendshëm të PD”- tha Gazment Bardhi, i cili, gjatë intervistës bëri dhe një apel për Bashën në lidhje me financat e PD.

“Nxis të mos ketë asnjë veprim të mëtejshëm, sepse do të ishte jo vetëm politikisht, por edhe ligjërisht e dënueshme. Nuk duhet të ketë asnjë veprim me fondet e PD”- theskoi Gazment Bardhi në RTSH.

Për vitin 2024, KQZ i ka dhënë PD-së rreth 1 milionë euro, ndërkohë llogaritet që, deri kur Gazment Bardhi u shkarkua nga Lulzim Basha në mesin e vitit të kaluar, në arkën e partisë të kenë qenë edhe rreth 1.5 milionë euro të tjera.

Xh.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A besoni se SPAK do të bëjë drejtësi për 21 janarin?



×

Lajmi i fundit

'Ilaçeve iu fshi skadenca dhe u rifutën në sistem', drejtoresha e Farmacisë së QSUT për akuzat e opozitës: S'është e vërtetë, terapia e kimios i dorëzohet Kryeinfermieres

'Ilaçeve iu fshi skadenca dhe u rifutën në sistem', drejtoresha e Farmacisë së QSUT për akuzat e opozitës: S'është e vërtetë, terapia e kimios i dorëzohet Kryeinfermieres