Këngëtarja Aurela Gaçe do të lancojë një tjetër këngë nga albumi i saj “Paraprakisht”. Kënga titullohet “Ja ke nge”, dhe është një këngë energjike me motive të jugut.

Në faqen e saj zyrtare në Facebook, këngëtarja ka premtuar se klipi i saj i ri do të shfaqet shumë shpejt në ekranet shqiptare. Kënga është shkruar nga Rozana Radi ndërsa kompozimi i është besuar kompozitorit të njohur, Adrian Hila.

Gaçe ka promovuar një muaj më parë albumin e saj “Paraprakisht”, duke iu rikthyer në këtë mënyrë edhe koncerteve live, që siç ka pohuar këngëtarja i ka shumë përzemër.

Su/ Shqiptarja.com