'Babale', Rama-Bashës: Mos shpreso kot se do rrijë mbuluar ajo pjesa që dimë të dy

TIRANË- Kryeministri i vendit, Edi Rama me anë të një statusi në Twitter ka reaguar pas deklaratës për shtyp të kreut të PD-së, Lulzim Basha. 

Në statusin e tij, e tij Rama shkruan se kësaj herë mos të shpresojë kot pasi ajo pjesa që e dinë vetëm ata të dy nuk do të rrijë e mbuluar.

E di Artist, keq puna! Po ca nga sikleti se u kape me prasin në dorë këtë herë e ca nga vesi që del me shpirtin dhe ty as nuk të rrihet pa vazhduar të sajosh e të gënjesh. E di o xhan që ti edhe veten e gënjen si askush,po mos shpreso kot se do rri mbuluar ajo pjesa që dimë të dy.

LEXO EDHE:
Dash Sula: Kam bojkotuar mbledhjet e grupit! Berisha, Meta dhe Basha figura të konsumuara, i japin Ramës fitoren e radhës

Edi Rama, kryeministër

Por Rama nuk ka harruar as çështjen e Xhisielës, duke i kërkuar Bashës që ta lëjë të qetë dhe të bëhen burra e të përballen me shpifjet e tyre.

Ah dhe diçka me rëndësi: Po me vajzën çfarë dreqin ke që s'e le rehat? Ajo peng i krimit? Pengu juaj po,padiskutim! Lëshojeni vajzën e bëhuni njëherë të vetme burra dhe përballuni me shpifjen tuaj! Ik merri kamerat e komisariatit e shikoji bashkë me lehaqeniet e kazanit tënd.

Edi Rama 

Në deklaratën e tij për shtyp, Basha foli lidhur me videon që publikoi deputeti demokrat, Ervin Salianji. Videoja, sipas Bashës, tregon se si shteti privat i Ramës fabrikon provat dhe dëshmitarët për të shpëtuar kriminelët.

Drejtues të kësaj strukture janë edhe Xhafaj me Arta Markun. Rama, Xhafaj, Balla, Arta Marku, Ardi Veliu kanë komplotuar për të manipuluar të vërtetën dhe për të mbrojtur një trafikant droge, Agron Xhafajn. Shteti i Ramës vendosi që të fabrikonte dëshmitarët me një qëllim; për për të shpëtuar Agron Xhafajn.

Lulzim Basha

Lajmi kryesor:

'Babalja' dhe videoja e Alizotit, Basha: Ja kush e bëri komplotin. Rama: S'do rrijë mbuluar ajo pjesa që dimë të dy

TAG:
• lulzim basha
• albert veliu
• fredi alizoti
• dosja babale