Bala: Lul, faqja juaj e zezë nuk mund të bëhet e florinjtë me ngjyrën e m-së që hani çdo ditë!

Ta quash fodull Lulziun, i ke thënë pak bojalliut të SHQUP-it, i nxirë e i sterrosur në flokë e shpirt, i cili pa i’u skuqur faqja, del e u tregon përralla shqiptarëve, si ato të Andersenit, se paska qenë i angazhuar maksimalisht, të na e zbardhte faqen tek komshinjtë europianë.

I hapën sytë filxhan ata të Europës kur dëgjuan Lulin, tek fliste se: “Dua t’ia them hapur shqiptarëve, se “Po” e qeverisë gjermane, erdhi si pasojë e një angazhimi 4 mujor i opozitës dhe timin personal, për të bindur, atë pjesë skeptike të politikës gjermane, se një “Jo” e prerë, siç mbizotëronte (deri para se të ndërhynte Luli), nuk do ndihmonte perspektivën tonë europiane…”.

Padyshim, ky lobim, u mundësua nga fondi 1 milion dollarë, i siguruar nga lidhjet me disa shtetas rusë, pranë Vladimir Putin, që Shqipëria, të bëhej pjesë sa më parë e Europës.

Të shkretët deputet europian, të pa regjur nga kjo lloj dyftyrësie e këtij kalibri, nga tronditja e madhe që pësuan, po i pinë ende qetësuesit me grushta.

Ndërsa shqiptarët çelën buzagazin, kur dëgjuan angazhimin gjithëpërfshirës të opozitës së rrugës, për të na integruar në rrugën tonë drejt Europës. Menjëherë, teksa shihnin Lulin që fliste, e shpalosën talentin dhe nuk i lanë lavde pa i thurur… duke e “falenderuar” atë të parin, me gjithë zemër e shpirt.

Më pas, falenderimet e përzemërta të shqiptarëve, vazhduan me Enkelejdin, sapo i’u kujtua intervista për televizionin holandez, i cili me “dhimbje të madhe”, deklaroi nga zyrat e partisë se: “Më vjen keq ta them, por ky vend nuk i plotëson kushtet për t’u bërë pjesë e Bashkimit Europian”.

Lista është e gjatë, por padyshim, nuk mund të mungonte falenderimi i veçantë për liderin historik të së djathtës, Berishën, i cili u angazhua dy javë para vendimit të Brukselit, në muajin maj, t’i tregonte senatorit italian, njëkohësisht zëvendës kryetar i delegacionit Italian pranë Këshillit të Europës, se në vend ishte instaluar narkoshteti, krimi, droga dhe se po luftonte me poturet e tij, që i vareshin deri në gjunjë dhe me anë të një mbështetje të administratës “Trump”, me miliarderin më të rrezikshëm të botës, Sorosin.

Me gjithë këtë angazhim maksimal të PD-së, që Shqipërisë t’i hapen dyert e Europës, mendoj se është e domosdoshme, që në parlament të kalohet një ligj i veçantë, për këto “Tradhëti ndaj Atdheut”, që të tilla barsaleta të tregohen në qelitë e burgut, ku të tillë bilbila të këndojnë si korba, për ditët që harxhonin me rrulë në dorë… të nxinin Shqipërinë!

Ndaj, Lul relaksohu dhe shijo shfaqjen, sepse faqja e juaj e zezë nuk mund të bëhet e florinjtë,me ngjyrën e m-së që hani çdo ditë!/Ekskluzive.al

B.K./Shqiptarja.com

TAG:
• lulzim basha