Një balenë beluga e dyshuar se ishte trajnuar si spiune nga Rusia është gjetur e ngordhur në brigjet norvegjeze.
Trupi i kafshës, me nofkën “Hvaldimir”, u gjet duke pluskuar në qytetin jugperëndimor të Risavikës dhe u dërgua në portin më të afërt për ekzaminim.
Balena u pa për herë të parë në ujërat norvegjeze pesë vjet më parë me një kamerë GoPro të bashkangjitur që shkruante "Pajisje e Shën Petersburgut".
![](https://shqiptarja.com/template/img/NO_ALFA_Kuadrate shqiptarja.png)
Ndaj kjo gjë bëri që të përflitej se gjitari mund të ishte një balenë spiune, diçka që ekspertët shprehen se ka ndodhur në të kaluarën.
Themeluesi i Marine Mind, Sebastian Strand tha se shkaku i ngordhjes është ende i panjohur dhe se balena nuk kishte ndonjë lëndim të dukshëm.
Rusia ka një histori të trajnimit të gjitarëve detarë për qëllime ushtarake, por asnjëherë nuk e ka pranuar se Hvaldimir mund të jetë trajnuar nga ushtria ruse.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)