POP 5

Lajmet më të lexuara të 5 minutave të fundit

Ekonomi

Bankat pranojnë vendimin: Hapur vetëm në oraret kur lëvizin qytetarët, ngrijnë këstet e kredive (VIDEO)

Sekretari i Shoqatës së Bankave Spiro Brumbulli ka shpjeguar në emisionin Repolitix se si do të procedohet me shtyrjen e afatit për pagimin e kësteve të kredive. Brumbulli u shpreh se bankat po këshillojnë klientët për plotësimin e dokumentacion për të justifikuar arsyen se përse nuk mund të paguajnë kredinë. Po ashtu ai shtoi se afati nuk mund të shtyhem me më shumë se tre muaj pasi rrezikohet sistemi financiar.

Më datë 17 mars kryeministri Rama firmosi urdhrin për shtyrjen e afatit për pagesat e kësteve, për në një moment të dytë, duke iu dhënë mundësinë qytetarëve dhe bizneseve që të kërkojnë trajtim preferencial për të shlyer këstin më vonë. Ky vendim u mor nga Këshilli Mbikëqyrës i Bankës së Shqipërisë që vendosi të shtyhen me 3 muaj pagesat e kësteve të kredive për të gjithë klientët e bankave, për shkak të pezullimit të shumë aktiviteteve si masë për të parandaluar përhapjen e COVID-19.

Sekretari i Përgjithshëm i Shoqatës Shqiptare të Bankave, Spiro Brumbulli ka shpjeguar në emisionin Repolitix në Report TV, se aktualisht bankat po punojnë për orientimin e kredimarrësve, që të justifikojnë kërkesën e tyre për shtyrje të afatit, si dhe për procedurat që do të ndjekin.

“Të gjithë kredimarrësit ti drejtohen bankave për të marrë një trajtim preferencial për të mos i paguar këstet gjatë kësaj periudhe 12 mars -31 maj nëse justifikojnë arsyen por ti shtyjnë për një periudhë tjetër. Bankat po ndërgjegjësojnë të gjithë kredimarrësit që të mbledhin dokumentacionin për problemin që kanë, të justifikojnë shtyrjen dhe më pas të negociojnë”,shprehet Brumbulli.

I pyetur nëse bankat e nivelit të dytë mund të mendojnë për një shtyrje të këtij afati tremujor, Brumbulli shpjegon se një shtyrje e dytë mund të rrezikonte sistemin financiar. Sipas tij aktualisht me këtë vendim të marrë në sistemin bankar nuk do të hyjnë 260 milionë euro.

“Shtyrja për më shumë se një periudhë tre mujore, shkakton dëme dhe rrezikon sistemin financiar. Bankat Nuk lozin me paratë e tyre dhe 10% e gjithë totalit të detyrimeve janë kapitale aksionare, 90% janë depozita dhe gjëja e parë që bëjnë bankat është të ruajnë depozitat e qytetarëve. Periudha tremujore është konsideruar e arsyeshme për të kaluar këtë pik të situatës dhe deri sa të dalim nga kjo situatë do të shikojmë, nëse do të jetë më shumë atëherë bankat do të kenë vështirësi shumë në thithjen e likuiditetit. Aktualisht vetëm për këto tre muaj në sistemin bankar nuk hyjnë rreth 260 milionë euro”,thekson sekretari i Shoqatës së Bankave. 

Po ashtu Brumbulli ka bërë të ditur se bankat tregtare po plotësojnë të gjitha detyrimet dhe se do të bëjnë përshtatje të orareve, me kohën që kanë në dispozicion qytetarët për të lëvizur.

“Bankat që nga dita e parë i kanë plotësuar të gjitha detyrimet, kurse ajo që thuhet do të zbatohet, edhe pse urdhri doli paksa me vonesë bankat përgjithësisht janë munduar të përshtatin oraret me kohën që kryeministri përmendi”, shton Brumbulli.

Ndërkohë vendimi i Këshillit Mbikëqyrës të Bankës së Shqipërisë është që të shtyhet pagesa e kësteve, nga data 12 mars deri më 31 maj 2020.

G.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Bilbil: 19/03/2020 12:53

    Nuk eshte zgjidhje shtyrja e kestit prape kane per te paguar bile edhe me me shume interesa. Sepse llogaritja e kestit kapet mbi gjendjen e mbetur te kreise dhe nuk eshte se eshte ndonji ndihme thjesht po shtyn kohen e pageses per 1-2 muaj . Kjo eshte thjesht nje demagogji nga politika dhe bankat. Banka e Shqiperise si autoritet mbikyres i sistemit bankar ka detyrimin dhe moralin te nxjerre se sa kane perfituar individet e bankat ne kete procedure dhe jam shume i sigurt qe bankat kane per te dale me te fitura nga kjo shtyrje por asnje nuk e kupton...

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça