Banorët e Krujës dhe Fushë-Krujës kanë dal sërish për të protestuar ditën e sotme, kundër rrugës së re Thumanë-Kashar.
Në pamjet e siguruara nga Report Tv, shihet që banorët kanë bllokuar autostradën Thumanë – Kashar, ndërsa pati edhe forca të shumta policie, për të bërë të mundur mbarëvajtjen e protestës dhe shmangien e incidenteve.
Forcat e policisë të pajisur edhe me skafandra shihet teksa përpiqen të zhvendosin protestuesit nga autostrada, të cilët për disa minuta u ulën në mes të rrugës dhe nuk lëvizin nga autostrada, ndërsa gjatë protestës pati edhe përplasje të banorëve me forcat e policisë.
![](https://shqiptarja.com/template/img/NO_ALFA_Kuadrate shqiptarja.png)
Banorët e Krujës dhe Fushë-Krujës protestojnë pasi rruga e re nuk është e aksesueshme prej tyre, ndaj kërkojnë hyrje dhe dalje të re për shtëpitë dhe bizneset e tyre.
Kjo ishte protesta e 7 e banorëve të zonës, ndërsa protesta e fundit u mbajt më 16 gusht, ku për disa minuta banorët bllokuan rrugën dhe paralajmëruan se nuk do të lëvizin nga autostrada, derisa t’u jepet përgjigje kërkesave të tyre. Por policia ndërhyri për t'i shpërndarë dhe duke hedhur edhe gazlotsjellës.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)