Bardhi propozon nismën te ‘Ligjet’: Jo pensione nën 300 euro

Pas nismës së qeverisë për rritjen e pensioneve edhe opozita prezantoi në Komisionin e Ligjeve projektligjin për të rritur në 300 euro pensionet minimale.

Nisma, që mban firmën e Gazment Bardhit, synon të kthejë në detyrim ligjor rritjen e pensioneve dhe jo ta lërë në vullnetin e qeverive.

“Ndërhyrja në ligj synon që të vendosë një standard minimal për masën e përfitimit të pensionit duke filluar nga viti 2024 në masën e pensionit mesatar rreth 18 mijë lekë dhe duke vijuar në progresion rritës për 5 vitet e ardhshme me qëllim që në 2029 të mos ketë pensione më të ulëta se 300 euro.

LEXO EDHE:
Mandati i Xhaçkës votohet të enjten në Kuvend, Peleshi: S’kemi vendim politik, kërkojmë opinion nga 'Venecia'! Bardhi kërkon interpelancë me Ramën për skandalin e mbetjeve

Qeveria shqiptare i ka mundësitë financiare në rast se shpenzimet nuk shkojnë për lukse zyrash e tenderë që pasurojnë oligarkët. Kjo mund të ndodhë në qoftë se paratë e qytetarëve miradministrohen dhe nuk shkojnë për fatura që i fut në xhep Belinda Balluku dhe shokët e saj të partisë”, theksoi Bardhi.

Amendamenti i dytë kërkon që të heqë afatin kohor të tërheqjes së pensionit. Ligji aktual parashikon se një pensionist mund të lërë të pa tërhequr pensionin e tij deri në tre vite, ndërsa propozimi i Bardhit kërkon që afatet ligjore të hiqen dhe pensionisti ta tërheq atë kur të dëshirojë.

“Pensioni nuk duhet kuptuar në asnjë rast si dhuratë apo mëshirë, por duke qenë se rrjedh nga kontribute shumëvjeçare, si një e drejtë e patjetërsueshme që ka çdo qytetar për të përballuar kostot e jetesës në vitet që nuk është aktiv për punë”.

Projektligji i propozuar nga Bardhi për pensionet (PDF)

M.Q./Shqiptarja.com

TAG:
• gazment bardhi
• Komisioni i ligjeve
• pensionet