Itali, konferencë për zhvillimin e porteve të Adriatikut! Rajoni i Pulias, Shqipëria dhe Mali i Zi firmosin për të vijuar bashkëpunimin

Rajoni i Pulias në Itali, Shqipëria dhe Mali i Zi nënshkruan një angazhim në Bari për të vazhduar bashkëpunimin në zhvillimin e porteve të Adriatikut të Poshtëm.

“Komunikim do të thotë shkëmbim, do të thotë pasuri e zhvillim. Jemi duke punuar për këtë. Projekti konkretisht ka krijuar harmonizim e lehtësim të procedurave portuale në të gjithë portet e Puljas, te cilat shkëmbejnë informacion me portet e Durrësit në Shqipëri, portin e qytetit te Barit në Malin e Zi dhe po synojmë të përfshijmë dhe Bullgarinë dhe Maqedoninë e Veriut. Kemi pajisur këto porte me mjete për regjistrimin e shpejte te pasagjereve”, tha Massimo Lupis D'Urso, Koordinator i Task Forcës Ndërkombëtare, ASSET.

Pjesë e Konferencës së parë ndërkombëtare të Adriatikut të Poshtëm në Bari ishin dhe ekspertë të shumtë nga BE, Maqedonia e Veriut dhe Bullgaria. Ata folën dhe për problemet dhe zgjidhjet që ata shohin për detin Adriatik, siç është lehtësimi dhe përshpejtimi i hipjes dhe zbarkimit të pasagjerëve apo zvogëlimi i kohës së tranzitit.

“Sot jemi duke i paraprirë se ardhmes, pasi me hyrjen e Shqipërisë dhe Malit të Zi në Bashkimin Evropian këto flukse do shtohen më shumë. Pulja gjithmonë ka qene e vëmendshme ndaj Shqipërisë, ka qene një tokë mikpritëse, por sidomos vitet e fundit shkëmbimet ekonomike mes dy vendeve janë shtuar në mënyre të jashtëzakonshme, mjafton të kujtojmë numrin e turisteve vitin e fundit dhe ndërmarrjet italiane të transferuara në Shqipëri”, u shpreh Giuseppe Garofalo, Përfaqësues nga Regione Puglja.

Gjatë muajve për të ndarë një plan strategjik për Sistemin e Integruar të Lëvizjes së Pasagjerëve të Adriatikut të Poshtëm u vu re se 60% e pasagjereve që udhëtojnë nga porti i Barit në Itali vijnë drejt Shqipërisë. 80 për qind e tyre zbresin në portin e Durrësit dhe pjesa tjetër në Vlorë dhe Sarandë.

B.K/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shpërthimi fatal për babë e bir në Lushnje, a keni siguri në vendin tuaj të punës?



×

Lajmi i fundit

Shpërthimi me 2 të vdekur në Lushnjë, 3 të plagosur ende spital, mes tyre dhe deputeti i PS! Sefa: Nesër nis verifikimi për dëmet në banesa e biznese

Shpërthimi me 2 të vdekur në Lushnjë, 3 të plagosur ende spital, mes tyre dhe deputeti i PS! Sefa: Nesër nis verifikimi për dëmet në banesa e biznese