POP 5

Lajmet më të lexuara të 5 minutave të fundit

Politikë

Barnat, PD: komision i posaçëm
me specialistë vendas dhe të huaj

Partia Demokratike ka vijuar edhe sot me akuzat ndaj projektligjit për “barnat dhe shërbimin farmaceutik”, pasi sipas saj ndryshimet në ligj cënojnë sigurinë e barnave. Kreu i Departamentit të Shëndetësisë Tritan Shehu e ka quajtur të gabuar marrëveshjen e CEFTA-s dhe ka kërkuar ngritjen e një komisioni të posacëm me specialistë vendas dhe të huaj.  VIDEO
Barnat, PD: komision i posaçëm<br />me specialistë vendas dhe të huaj
Partia Demokratike ka vijuar edhe sot me akuzat ndaj projektligjit për “barnat dhe shërbimin farmaceutik”, pasi sipas saj ndryshimet në ligj cënojnë sigurinë e barnave. Kreu i Departamentit të Shëndetësisë Tritan Shehu e ka quajtur të gabuar marrëveshjen e CEFTA-s.

“Ky ndryshim kërkon heqjen nga ai ligj, në nenin për importin e medikameteve te prodhuara ne vendet e Ballkanit, të detyrimit "që ato të qarkullojne në një nga vendet e BE". Ky “liberalizim” godet frymën e ligjit, eliminon kriteret e cilësisë së medikamenteve të qarkulluara te ne mbi të cilat bazohet ai. Argumentimi i Ministrise se Ekonomise me mareveshjen e CEFTA është i gabuar, se ajo ka të bëjë me tregtine e lirë, që nuk preket. Standartet e koeficienti i sigurisë janë diçka tjetër, për të cilën pergjigjet së pari Ministria e Shendetesise para popullsise”, tha Shehu
 
Sipas tij, ndryshimi në ligj duhet të praprihet me element të tjerë që sigurojnë cilësinë e medikamenteve si në Shqipëri dhe vendet e Be-së.
 
Për të përmirësuar ligjin në drejtim të sigurisë së barnave, Partia Demokratike kërkoi që të ngrihet një komision i posaçëm me specialistë vendas dhe huaj të zyrtarizuar nga EMA ose OBSH.
 
Deklarata e plotë e kreut të Departamentit të Shëndetësisë në PD, Tritan Shehu

Projektligji i ardhur nga Qeveria për ndryshimin në ligjin për “Barnat dhe Shërbimin Farmaceutik" cënon rëndë sigurinë medikamentoze te ne.
Ky ndryshim kërkon heqjen nga ai ligj, në nenin për importin e medikameteve te prodhuara ne vendet e Ballkanit, të detyrimit "që ato të qarkullojne në një nga vendet e BE".
Ky “liberalizim” godet frymen e ligjit, eliminon kriteret e cilësisë se medikamenteve të qarkulluara te ne mbi të cilat bazohet ai. Argumentimi i Ministrise se Ekonomise me mareveshjen e CEFTA është i gabuar, se ajo ka të bëjë me tregtine e lirë, që nuk preket. Standartet e koeficienti i sigurisë janë diçka tjetër, për të cilën pergjigjet së pari Ministria e Shendetesise para popullsise.

Ky ndryshim në ligj, nëse realizohet duhet paraprirë detyrimisht me të tjerë elementë që sigurojne cilësinë e atyre medikamenteve edhe te ne, njëlloj si në vendet e BE.

Në këto kushte, ne kërkojme që më parë të ngrihet një komision i posaçëm i përbërë nga specialiste vendas dhe të huaj të zyrtarizuar nga EMA ose OBSH për të përmiresuar ligjin tonë në drejtim të sigurise së medikamenteve:
- Të prodhuara ne vend.
- Të importuara nga prodhimet e atyre vendeve të Ballkanit.
- Generiket në tërësi.
- Për të forcuar kapacitetet tona kontrolluese laboratorike etj.

Kjo, me qellim që e njejta garanci të vlejë si për medikamentet e prodhuara në Shqiperi, për nga vendet e Ballkanit, apo generiket. Për  prodhimin vendas duhen percaktuar mekanizmat e plota të sigurise, si fillim kriteret GMP të OBSS. 

Medikamentet e prodhuara në vend, ato të importuara prej jashte vendeve të referimit dhe generiket duhet të analizohen para licensimit dhe periodikisht, për të percaktuar edhe bioaktivitetet e tyre, në laboratore të certifikuara të BE. 

Pra, në kushtet aktuale kur tregu farmaceutik në vendin tonë është në një konfuzion, kur te ne mungojnë kapacitetet e plota kontrolluese të medikamenteve, nuk duhet realizuar një  ndryshim ligjor i tille, pa u implementuar me parë mekanizmat e kontrollit.

Siguria medikamentoze nuk mund të preket as për premtime politike ndaj vendeve të tjera, as per ulje artificiale të kostos dhe as për interesa grupimesh të ndryshme.
 

Redaksia Online
(u.s/shqiptarja.com)

  • Sondazhi i ditës:

    Sipas jush, kush mund ta ndihmojë më shumë Shqipërinë në rast fitoreje?

Lajme të tjera



×

Lajmi i fundit

Elbasan/ Vodhi 115 kilogramë bakër në uzinën mekanike që administronte dhe bëri denoncim të rremë në Polici, arrestohet 41 vjeçari

Elbasan/ Vodhi 115 kilogramë bakër në uzinën mekanike që administronte dhe bëri denoncim të rremë në Polici, arrestohet 41 vjeçari

4 Nëntor, 10:41