Basha e ndërpret pasi i përmend 21 janarin, gazetarja e DW: Mos ta kthejmë në miting të PD (VIDEO)

Gazetarja e Deutsche Welle Anila Shuke, gjatë intervistës në Berlin, e pyeti kryedemokratin Lulzim Basha në lidhje me akuzat që ministri i Brendshëm Sandër Lleshaj i ka bërë si përgjegjës për vrasjes në protestat e opozitës (në atë kohë PS) më 21 janar 2011. Kjo pyetje mjaftoi që lideri demokrat të sulmojë me fjalë të rënda ministrin, por jo vetëm kaq, por edhe të ndërpresë disa herë gjatë intervistës gazetaren e cila ishte mjaft e drejtpërdrejtë në pyetjet e saj. "Të mos e kthejmë në miting të PD", i tha gazetarja gjatë intervistës.

Një tjetër pyetje e drejtëpërdrejtë e gazetares ishte kur i kujtoi se edhe vetë Basha ka qenë ministër dhe pjesëmarrës në qeverinë e mëparshme, atë Berisha, dhe përgjegjësia duhet të jetë edhe mbi ta për gjendjen ku është vendi. Por lideri demokrat u përgjigj duke thënë: Unë jam brezi i ri!

Shikoni VIDEO-n e plotë

Pyetja për 21 janarin

DW: Zoti Basha, Ministri i Brendshëm ju ka akuzuar juve që jeni përgjegjës për vrasjet e Janarit 2011…

Lulzim Basha: Nuk merrem me fosile komuniste, të promovuara për shkak të servilizmit dhe për shkak të shkeljes flagrante të ligjit e të Kushtetutës. Të gjithë këta njerëz do të përgjigjen para drejtësisë, sepse kanë rikthyer të burgosurit politik në Shqipëri, duke nisur me Ministrin e Brendshëm, duke vazhduar me Kryeministrin.

Çështja nuk qëndron këtu. Asnjë diversion, asnjë sulm i tyre nuk mund të heqë vëmendjen nga nevoja akute për të zgjidhur krizën politike në vend dhe për të shmangur konfliktin civil. Zgjedhje moniste, zgjedhje me krimin, pushtet të marrë me dhunë dhe të mbajtur me dhunë, nuk do të ketë më.

Ndaj, edhe njëherë dua t’ju them se, këtu nga Berlini, bashkë me preokupimin e jashtëzakonshëm për krizën politike në vend, sjell edhe një mesazh shprese për të gjithë shqiptarët që, me zhbllokimin e rrugës që e ka bllokuar sot Edi Rama dhe të krizës politike që ka imponuar ai, Shqipëria ka me të vërtetë mundësi të jashtëzakonshme. Këtu kemi partnerë dhe miq të rëndësishëm politikë dhe ekonomikë, që mund të ndihmojnë në nxjerrjen e vendit nga kriza politike dhe nga kriza ekonomike, duke sjellë investime gjermane në Shqipëri, duke hapur vende pune dhe duke bërë transferimin e përvojës së tyre të suksesshme, teknologjisë dhe, në veçanti, për rininë, përvojës së tyre, atë që quhet arsimimin dual, për të cilin kemi folur.

DW: Ka shumë zgjidhje, por që të mos e kthejmë në miting të PD…

***

Pyetja për politikën e vjetër

DW: Megjithatë pajtoheni dhe ju dhe nuk jam unë e vetmja që mendoj se, tek e fundit, edhe ju, duke qenë pjesëmarrës i një qeverie të mëparshme, keni edhe ju përgjegjësinë tuaj për gjendjen e vendit apo jo? Ndoshta është një zgjidhje që, përveç zotit Rama, ndoshta dhe ju, me të tjerë persona që, nuk po them janë konsumuar, por e kanë dëshmuar aftësinë e tyre qeverisëse, të largohen për t’i lënë vend brezit të ri?

Lulzim Basha: Unë jam brezi i ri. Do apo nuk do zoti Rama apo lakejtë e tij, unë jam brezi i ri. Unë kam ardhur si pjesë e brezit të ri dhe përfaqësoj vlerat europiane të besimit tek demokracia, tek zgjedhjet e lira e të ndershme. Jam njeri që kurrë nuk kam bërë kompromis me krimin, edhe kur kjo i ka sjellë faturë politike partisë sime. Në këtë kuptim, jam i bindur se përfaqësoj atë qe i duhet Shqipërisë: një politikë të ndarë nga krimi dhe vullnet politik për të mos kompromentuar interesin e shqiptarëve për shkak të karriges.

Pra, qartësisht, nuk jemi njësoj dhe të barabartë. Kemi një qeveri që qeveris prej 6 vjet e gjysëm, kemi një opozitë dhe një kryetar opozite që ka luftuar kundër krimit të organizuar, kundër kanabizimit, kundër aferave të tmerrshme korruptive, kur askush nuk e hapte gojën.

Prandaj ndodhem sot këtu, si përfaqësues i një gjenerate të re të shqiptarëve, si një njeri që ka privilegjin dhe përgjegjësinë të drejtojë një parti politike dhe një opozitë, të bashkuar rreth vlerave, programit dhe vizionit europian për ta nxjerrë Shqipërinë nga kriza. Kjo është arsyeja pse ndodhem këtu, si një partner i besueshëm i Gjermanisë, sot si kryetar i opozitës dhe nesër, me besimin e qytetarëve shqiptarë, në drejtimin e një qeverie europiane, me zgjedhje të lira e të ndershme.

G.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Komentuesi: 04/06/2019 21:57

    Zoti Ilir jane 280 milion euro 200 milion.

    Përgjigju
  • Edmond Kola: 04/06/2019 20:43

    90% Lulù fallco , genjen dhe nuk tregon te verteten ,turp te kesh ore hajdute e ashtrus e kriminel .

    Përgjigju
  • GEK-MEK: 04/06/2019 19:11

    Ngeci sharra ne gozhde.

    Përgjigju
  • Ilir: 04/06/2019 19:08

    I ri i ri Po 200 miilion i vodhe tek rruga Kombit U harrova Te zuri barku nuk vajte ne Gjykate.? I ri miliarder?? SPAK TE PRET

    Përgjigju
  • toni: 04/06/2019 19:04

    pi ilacet se je rende o lyli

    Përgjigju
    • Tani: 04/06/2019 22:58

      O lali ca bon sikur te preu barku ty per popullin ‘ik mer edhe salen meten e ramen e lerjani shqiperin ta udheheqin njerez te mencur jo ju,ju doni pushtet per tu ber miljoner per 4vjet..popullin e late ne meshire te fatit

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Rezultat historik për boksin shqiptar, Alban Bermeta mes 20 më të mirëve në botë! Shumë pranë edhe Denis Nurja (FOTO)

Rezultat historik për boksin shqiptar, Alban Bermeta mes 20 më të mirëve në botë! Shumë pranë edhe Denis Nurja (FOTO)