TIRANË- Kreu i Partisë Demokratike, Lulzim Basha ka lënë pa përgjigje komentuesit e shumtë në Facebook, të cilët besuan se ai do t'u përgjigjej "live" pyetjeve në orën 16:00, siç e kishte bërë publike më herët.
Me një video të montuar dhe me pyetje të përzgjedhur nga militantët e tij, Basha "shiti" videon sikur ishte "live" duke folur për temat që ai donte të fliste, për të cilat ishte përgatitur më parë dhe jo atyre për të cilat interesoheshin qytetarët, edhe pse u kishte premtuar ndryshe.
Në këtë video, ai nxori aftësitë e tij të aktrimit, ku herë pas here, në fillim u kërkonte ndjesë qytetarëve se po e bënte këtë gjë për herë të parë dhe duhet ta mirëkuptonin, por strishat e nxjerra mbi video të pyetjeve të komentuesve, "militantë" të PD-së, e nxorën lehtësisht të zbuluar. Edhe komentuesit nuk ishin krejtësisht të rastësishëm. Një prej të "përzgjedhurve" ishte pikërisht pyetja që nënkryetar i PD në Kolonjë, njëherazi dhe ish-kryebashkiaku i Leskovikut Fatmir Ali Guda.
Pyetjes se a do hapin Partinë Demokratike, Lulzim Basha tha se kjo gjë është e garantuar me letra, pra është në statutin e partisë, ndërsa në praktikë janë duke u konsultuar me partitë simotra. Ai theksoi edhe kriteret që duhet të kalonte një person për të t'u bërë kandidat në listat e PD.
'Ka dy vjet që e kemi garantuar me letra siç i thonë, e kemi në statut, por po përgatitemi me ndihmën e disa prej partive tona simotra që kanë përvojë në procese të tilla, siç është Partia Konservatore e kryeministrit Boris Johnson dhe Partia Republikane Amerikane dhe natyrisht CDU gjermane. Janë tre parti që po na ndihmojnë. Brenda PD-së kemi një proces të hapur për kandidimin, pra kush ka dëshirë të kandidojë ka mundësinë të kandidojë për të përfaqësuar PD-në në nivel qendror dhe në nivel lokal. Kemi një proces filtri të mirëfilltë për të garantuar që cilësia e kandidatëve tanë të jetë më e lartë e mundshme. Si sa i përket integritetit, pra të jenë njerëz të ndershëm, natyrisht pa rekorde kriminale. Por edhe njerëz të pa korruptuar dhe të jenë njerëz që të besojnë në vlerat e Partisë Demokratike, vlerat konservatore europiane: besimi në Zot, në familje, në atdhe, dhe të ndajnë bashkë me këto vlera edhe programin tonë politik' tha Basha.
Kreu i PD Lulzim Basha kishte njoftuar një bashkëbisedim me qytetarët për një video "live" në profilin e tij zyrtar në Facebook, por duket se komentuesit nuk kanë qenë aspak të rastësishëm. Një prej tyre Fatmir Ali Guda e pyet kryedemokratin nëse do të jetë në axhendën e PD reforma territoriale, e bërë sipas tij në mënyrë të njëanshme nga rilindja.
"Z. Basha, çfarë qëndrimi kini sot pas 4 vitesh për reformën territoriale, e bërë në mënyrë të njëanshme nga "rilindja"? A është në axhendën tuaj politike rindarja territoriale?? Nëse po, kur dhe në ç'mënyrë kini menduar ta hartoni një reformë territoriale që ofron demokraci lokale dhe t'i qëndrojë sfidave të së ardhmes???", shkruan komentuesi.
Komenti i publikuar gjate videos "live"
Por kush është Fatmir Guda?
Ai ka mbajtur postin e kryebashkiakut të Leskovikut gjatë qeverisjes së Partisë Demokratike, si dhe ka qenë nënkryetar i PD në Kolonjë. Guda ishte kandidat për deputet në qarkun e Korçës në zgjedhjet parlamentare të vitit 2017, si dhe një mbështetës i nismës së kryedemokratit për daljen e PD nga Kuvendi duke djegur mandatin. Në mars të vitit të kaluar ai refuzoi të marrë mandatin e deputetit.
Fatmir Guda krah Sali Berishes
Partia Demokratike kërkon votim dhe numërim elektronik, pasi vetëm në këtë mënyrë mund të sigurohet një votim i lirë dhe të shmanget shitblerja e votës. Gjatë konferencës 'live' me qytetarët në Facebook, që duhet theksuar ishte e montuar dhe nuk i përgjigjej në kohë reale pyetjeve të qytetarëve, Basha iu përgjigj disa pyetjeve ku një ndër to kishte të bënte pikërisht me sistemin zgjedhor.
Basha tha se "do të bëjë gjithçka që të realizohet votimi dhe numërimi elektronik. Votimi elektronik dhe numërimi elektronik janë prioritetet e Partisë Demokratike dhe opozitës së bashkuar në tryezën e Reformës Zgjedhore. Janë një nga pikat e programit të punës. Ne kemi parë në dhjetor se si mund të ndërtohet një sistem për votimin elektronik relativisht brenda një kohe të shkurtër, një sistem i thjeshtë, i cili mund të mos e eliminojë, por do ta bëjë shumë më të vështirë procesin e shitblerjes së votës apo të identifikimit të mënyrës se si kanë votuar zgjedhësit. Pra do ta bëjë shumë më të lehtë për qytetarët që ta shprehin vullnetin e tyre pa u ndikuar nga paratë e pista apo nga krimi'.
Kreu i Partisë Demokratike, Lulzim Basha këmbëngul se programi i tij 'Ndiq paranë' do të jap zgjidhje njëherë e mirë koncesioneve dhe PPP-vë që sipas tij, po varfërojnë xhepat e qytetarëve. Pyetjes se çfarë do të bëjnë me PPP kur të vijnë në pushtet, Basha tha se do të hetohen të gjitha.
'Do të hetohen të gjitha PPP nga e para tek e fundit. Parimi 'Ndiq Paranë' do të merret pikërisht me të. Kushdo që ka përdorur paratë e shqiptarëve për të pasuruar xhepin e tyre do të ndiqen dhe do i kthehen shqiptarëve' tha Basha.
Komente
Lajme të tjera
-
‘Propagandë me TikTok-un, por janë kokë e këmbë në EncroChat’, Basha: Më 11 maj të pastrojmë politikën nga të korruptuarit
24 Dhjetor, 12:35 -
Paralajmërimi i Bashës për opozitën: Koha na dha të drejtë, pazari Rama-Berisha për të mbrojtur pandëshkueshmërinë, ishte mesazh kundër SPAK
21 Dhjetor, 16:57 -
Basha publikon videon e Berishës: Dikur na akuzonte ne, por sot pranoi pazarin me Ramën
20 Dhjetor, 18:11 -
Basha: Siguria e Kosovës, pjesë e pandarë e sigurisë sonë kombëtare
20 Dhjetor, 13:38 -
Ylli Pata: Opozita rikthehet vetëm nëse bën 'Kongresin e 10' për të dënuar Sali Berishën!
19 Dhjetor, 17:59
-
Shqipëria e Kosova nesër mbledhje të përbashkët të dy Kuvendeve, ‘përjashtohen’ Berisha e Basha! Lista e deputetëve pjesëmarrës
19 Dhjetor, 14:16 -
Namir Lapardhaja: Unë jam Zoti juaj më i lartë!
19 Dhjetor, 09:16
-
Dita Ndërkombëtare e Emigrantëve/ Basha: Të lëmë pas korrupsionin dhe keqqeverisjen, në 11 maj bëhuni pjesë e ndryshimit
18 Dhjetor, 16:22 -
Basha: T’i japim fund tangos personale, kush voton Berishën merr dhe Ramën në paketë dhe anasjelltas! Jo interesave të Trekëndëshit të Bermudës
18 Dhjetor, 12:53 -
SHBA mesazh të prerë për Berishën/ Basha në 'Studio Live' tregon 2 grupet që i shkojnë pas kryetarit PD! Përpiqet të mashtrojë militantët, ndërkohë ka aleancë me Ramën
17 Dhjetor, 18:37 -
Lirimi i Berishës shkon në Apel, Elezi: Non-grata nuk ishte inat personal! Minimin e demokracisë po e shohim! Gaba: Pas arrestimit të Metës, po intensifikohen përpjekjet anti-SPAK
16 Dhjetor, 18:41 -
Ylli Pata: Shkaku real i bllokimit të primareve dhe zgjedhjeve brenda PD
15 Dhjetor, 22:55
Krric gamori krejt.Hajde dru ne pre
PërgjigjuEh mor i lodhur, kur Rama bente keto gjera teknologjike, ti i rrije poshte zyres nen çader dhe i merrje fytyren Shqiperise. E humbe trenin o i mjere per te disaten here, ndaj kthehu ne shtepi se s’i duhesh kujt, je deshtak. Nuk e ndryshon dot imazhin e molotoveve me keto aksione alla lali Eri, je kopje e shemtuar e tyre.
PërgjigjuE more ne qafë PD o hajvan.
PërgjigjuAjde në Vlore o bos, të na rrosh sa malet!
Përgjigjug g g hec
PërgjigjuO vrases je shum fallco! Zor se mer pushtet ti.
PërgjigjuHahahha ca kllufi
PërgjigjuPo pse mor BURR nuk ik vet a e shikon se je i pa aft,