Banori i ankohet Bashës: Pas tërmetit të 21 shtatorit banesën ma shpallën të pabanueshme, tani me thonë është e banueshme

Kryetari i PD-së, Lulzim Basha ishte ditën e sotme në Qerret të Katundit të Ri, ku ka pasur takim me disa banorë të prekur nga tërmeti dhe që shtëpitë e tyre kanë pësuar dëmtime.

Disa banorë i kanë treguar kryetarit të PD, Lulzim Basha, rastin një akt ekspertimi të një shtëpie të verifikuar tre herë me rezultate të ndryshme.

Sipas qytetarit, dy herët e para, ekspertët e kanë nxjerrë banesën të pabanueshme, ndërsa herën e tretë e kanë nxjerrë të banueshme.

Shiko si e kanë bërë.- tha banori duke lexuar akt ekspertimin- Tjegull tulle. A ka tjegull kjo? Kjo është vetëm me soletë. Nuk e di se çfarë kanë qenë ata ekspertë! A kanë qenë çobanë delesh”,-duke treguar shtëpinë e tij.

Edhe një banor tjetër i është ankuar Bashës, ku sipas tij, në tërmetin e 21 shtatorit, banesa e tij është shpallur e pabanueshme, por në ekspertimin pas tërmetit të 26 nëntorit, e kanë shpallur të banueshme.

Nga ana tjetër, lideri i Opozitës, është shprehur se kjo që po bëhet me banorët e prekur nga tërmeti është kriminale, ndërsa ka pasur edhe një paralajmërim për ata që banesat e dëmtuar rëndë nga tërmeti i shpallin të banueshme.

“Më e rënda nga të gjitha, është se në këtë gjendje ku është kjo shtëpia ju thonë të futeni brenda, por letrën nuk jua jep. Me një lëkundje kjo bie dhe ju zë brenda, siç ndodhi në Thumanë. Përfaqësuesit e bashkisë apo qeverisë nuk jua japin as me letër dhe thonë se u futën vetë brenda. Kjo është kriminale. Kjo është t’i vrasësh banorët. Ata që i kanë shpëtuar tërmetit t’i vrasë shteti. Kjo është! Gjëja e parë, ju në asnjë mënyrë nuk do të futeni brenda pa marrë një letër nga shteti. Dhe po morët letër nga shteti, do të vijnë ta vërtetojnë me specialistë, jo me nëpunës.

Të vijë inxhinieri dhe ta firmosë. Sepse nuk ka inxhinier ta firmosë shtëpinë në këtë gjendje. Inxhinieri që firmos se kjo është e banueshme, shkon në burg. Dhe njerëzit që ju thonë futuni se është e banueshme, pa firmë, edhe ata do të shkojnë në burg. Edhe ata që ju thonë dhe i mësojnë që t’u thonë banorëve futuni në banesa të shkatërruara, edhe ata duhet të shkojnë në burg, nga i pari tek i fundit.”- u shpreh kreu i opozitës Lulzim Basha.  

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Rilindje: 14/12/2019 19:10

    Mos u fut ne shtepi,, nuk kane leke prandaj e nxjerrin te banueshme....

    Përgjigju
  • Dita: 14/12/2019 14:04

    Ketu mbase ka re drejte, shkojne vendoret ne Tirane ne xinen e kombinatit dhe i thone familjareve shtepia rrezik shembje as nje proces verbal te lene po prisni ju se duhet te vijne ata te Institutit te Ndertimit... duhwt nje organizim ndryshe me shume eksperte dhe kjo pune mos zvaritet se po jetojne njerzit ne shtepi qe mund ti zene brenda.

    Përgjigju
  • Tironci: 14/12/2019 11:07

    Po ti mo pederast qe luajte me gjakun e e 4 qytetareve te pa fajshem qe I vrave ne mes te Tiranes dhe e mbydhet me gjykatat e prokororite qe edhe sot I keni nen urdherat tuaja.mos bon politike te ndyre se ne pushtet kurr nuk ke per te ardhur,pse ti je hajdut,je vrases,dhe ne fund je dhe anti SHQIPTAR.

    Përgjigju
  • Sondazhi i ditës:

    Investimi i dhëndrit të Trump në Sazan, jeni dakord?



×

Lajmi i fundit

Korçë, digjen 2 automjete gjatë natës, shoqërohen 4 adoleshentë

Korçë, digjen 2 automjete gjatë natës, shoqërohen 4 adoleshentë