Situata politike e paprecedentë në Shqipëri, me opozitën jashtë parlamentit dhe me mandate të dorëzuara dje pas protestës tek parlamenti, ka detyruar kreun e Partisë Demokratike të qëndrojë vetëm disa orë në Vjenë. Pas takimeve me drejtuesit e disa institucioneve ndërkombëtare, me disa senatorë dhe anëtarë të Kongresit amerikan, me përfaqësues të grupit të Partisë Popullore Europiane në Asamblenë Parlamentare të OSBE, Lulzim Basha ka marrë rrugën e kthimit për në Tiranë,  permbledhjen e kryesisë së PD pasdite, e cila ka një pikë në rendin e ditës: hapat që do të ndërmarrë opozita për vazhdimin e protestës.

Ndërkohë mësohet se gjatë vizitës së tij në Vjenë,  kryedemokrati Basha zhvilloi një takim me Presidentin e Asamblesë Parlamentare të OSBE, George Tsereteli ku foli lidhur me situatën e krijuar në Shqipëri dhe vendimin e opozitës së bashkuar për djegien e mandateve.

Gazeta “TemA” ka mundur të zbulojë disa nga detajet e këtij takimi ku sipas burimeve thuhet se lideri i opozitës nuk ka marrë asnjë përgjigje pozitive nga presidenti Tsereteli  sa i përket ankesën e depozituar prej tij për qeverinë “Rama”.

Mësohet se presidenti i ka qartësuar kreu demkrat Basha se  “kjo është një çështje e politikës së brendshme të Shqipërisë për të cilën OSBE nuk mund të ndërhyjë. Ne vlerësojmë reformat që ka bërë Shqipëria dhe vitin e ardhshëm Tirana zyrtare do marre Presidencën e organizmit tonë". Ndërkohë që Prezenca e OSBE-se në Tiranë ka dënuar vendimin e opozitës për të djegur mandatet (lexo ketu).

Dje, pas protestës para parlamentit, deputetët e opozitës dorëzuan zyrtarisht dorëheqjen nga mandati, me qëllim krijimin e një krize institucionale, krimin e një qeverie tranzitore dhe çuarjen e vendit drejt zgjedhjeve të parakohshme.