Lulzim Basha u premtoi kuksianëve se kur të vijë në pushtet ditën e parë do të anulojë tarifën në Rrugën e Kombit. "Ditën e parë qeveria jonë do të heqë taksën për Rrugën e Kombit" tha ai.

Lideri demokrat në takimin me banorët ngriti shqetësimin e largimit të të rinjve nga Shqipëria. "Varfëria po e bën Kukësin dhe Shqipërinë të pajetueshme për qytetarët dhe pa shpresë për të rinjtë.

Do të ringremë ekonominë dhe do të zhdukim fenomenin e largimit të rinisë. Zhvillimi i ekonomisë i jep zgjidhje njëherë e përgjithmonë largimit të shqiptarëve" tha ai.

Vizita në Kukës e kryedemokratit është në kuadër të nismës 'Po të dëgjoj' që po zhvillon me qytetarët bazuar te strategjia e re e komunikimit.