Basha nga Shkodra: Zgjedhja e duhur nuk janë oligarkët, me 16 shkurt i kthejmë qeverisjen vendit

Kryetari i Partisë Demokratike Lulzim Basha  vijon turin e takimeve në rrethe me qytetarët, ku këtë të martë ka qenë në qytetin e Shkodës ku i ka bërë thirrje tregtarëve dhe të gjithë qytetarëve të bashkohen me protestën e madhe të opozitës që pritet të mbahet me 16 shkur në kryeqytet. 

Basha nisi sot  takimin me tregtarët e qytetit verior, në Shkodër ku ka zhvilluar dhe një bashkëbisedim me disa prej tyre. Në bisedimit me tregtarët  Basha u shpreh se ardhur koha që ta rrëzojmë këtë qeveri oligarkësh , që mendon  jo për popullin por vetëm për vete.

Lumturia, tregtare: Me pensioni qe marrr 127 mijë lekë të vjetra une vetëm bukë mund të ha. As sefte s’kam bërë.

Basha: Sa kohë ke që punon këtu?

Lumturia, tregtare: Tre vjet jam për sevap. Bashkëshortin e kam në kemp, fëmijët pa punë. Duan të ikin. Kemi ditë punojmë shumë pak. Ishin në gjermani u kthyen dhe e kemi peshqesh prej Edi Ramës.

Basha: Këta mendojnë vetëm për veten e tyre. Popullin e kanë harruar vetëm i marrin taksat.

Lumturia, tregtare: Me pension vetëm hamë bukë. Ku të paguaj dritat? Ujin? Si të jetoj me 127 mijë lek? I kam lexuar të gjitha në gazetë. Unë s’ja jap votën PS sa të kem jetën.

Basha: e kemi në dorën tonë ta ndryshojmë. Shkodra, ti Lumturi dhe Shqipëria keni shpresë. Mjafton të bëhemi të gjithë bashkë dhe të merrni fatin tuaj në duart tuaja. Kjo është ftesa për 16 shkurtin. Më 16 shkurt të bëjmë një betejë që të rikthejmë një qeverisje që mendon për vendin dhe jo për veten e vetë.

Basha :Kur punën shkojnë keq ikën qeveria, jo populli.

Tregtarja: E kam burrin pa punë, vetë pa punë. fëmijët e kam pa punë pa shkollë. Ky popull s’ka bukë me hangar. E kam penicionin 80.mijë lekë.

Tregtare: Ne jemi pensioni me ndihmu veten. Me 100 mijë lek pension, çfarë kemi me bë? Asgjë. Paguajmë sigurimet kot. Ikin sigurimet kot!

Basha: Në një vend ku nafta është më e shtrenjta në Europë dhe rrogat dhe pesnionet janë më të ulëtat në Europë mos prisni që të keni xhiro.

Tregtare: Normale, kjo është. Ka mbaru çdo gjë këtu. S’di ca ka me u bë.

Basha: Ç’farë ka për t’u bërë. Të ulet çmimi i naftës, me ul çmimin e energjisë, me rrit pensionet, me ul taksat tuaja. Të ndizen motorrët e ekonomisë. Por së pari duhet të largojmë këtë qeveri që e ka mendjen vetëm me mbush xhepat e vetë.

/b.ha./Shqiptarja.com

TAG:
• lulzim basha
• protesta e opozites
• Lumturia